迪迪尼一天遊 part 7

玩完一整天 返到屋企都好耐 但心情仲係好亢奮 今晚點瞓呢
睇完煙花行出唻 個噴水池好靚呀







今次唯一嘅收穫 就係呢四個銅片 都幾靚架



玩完一日 喺樂園入面 心情真係好似廣告話 : 帶你去個奇妙世界
公司果堆文件 唔記得晒lu 所有deadline 唔記得晒lu
真係唔想返出唻 面對呢個煩惱嘅現實世界
臨走前經過佢個 ticket office 即刻+$300 換張 annual pass
隨時可以離開現實世界

真心覺得好好玩 未去之前 聽身邊好多人講 又細又悶 
又唔夠其他國家嘅吸引可能我無去過其他嘅迪迪尼 無得比較 
不過香港一個咁細嘅地方
已經有個咁大嘅樂園 點解唔盡量 enjoy 下呢

香港人有太多負能量喇 又淨係識埋怨 試下放開D
生活都會過得易D架

今日著左對買左N年 但只著過2次嘅鞋勇闖迪迪尼
返到屋企一除鞋 紅的紅 腫的腫 脫皮的脫皮
隻腳多處被折磨得遍體鱗傷 又麻又痛