泰國手信

老哥到泰國旅行 出發前不停問我 要什麼手信

當時我答 : 無野想要喎 泰國好味的小食
全都是辣的 即係無我份啦 連最喜歡的肉鬆米通 

上次佢去泰國買返唻 未食已經受潮了
所以都係算了吧

點知突然收到佢個 sms 話買左泰國名牌袋 "蝴蝶袋" 俾我

係喎係喎 蝴蝶袋係泰國架喎
我竟然忘記左 即刻回佢一個 sms 落order



我 order 要甲蟲圖案 + 唔好太大 結果老哥揀左呢個
其實我最最最想要的 係白色底色 + 紅色蝴蝶結的老實講有D失望 
但只能怪自己竟然無準備好資料叫人買



手快有手慢無 成功搶多一個



呢個黑色+波點 出奇地正喎 向來唔太喜歡黑色的我 都收歸國有



呢個袋仔係我心選的 size 但小花 pattern not 賣飛佛 不過照搶回來

大象縫縫縫

我絕對相信 好多男人的縫紉技術 一定比我好

你問我 : 拎刀 or 補衫 我一定會揀拎刀 
針線對我唻講 係諗起都生厭的物件

喺台灣買左個 大象縫縫縫 佢已經有晒虛線俾你跟住縫 
點知剪開之後 先知道有難度 呀 
佢又好似知道一定有我呢種縫紉白痴
佢個 package 仲 print 埋個 website 俾你
好 details 咁教你 好體貼啊
既然你咁有心 我都好用心咁研究左幾日
無錯 係幾日 哈哈哈哈







終於完成 (自己俾自己掌聲) 手工粗劣 但滿足感爆棚
所需時間 : 研究4日 動手5hrs

所有美媚們 我唔寂寞 & 我個 blog 唔使你推推 (我推你落山崖呀)
請別再留言

小龜子

話說我哥呢幾日出左門 要拎隻小龜子返唻暫住
大佬 你呢隻唔係小龜子嘛 身型比我家的大 1.5 倍喎



呢隻野唻左我地屋企幾日 好明顯佢係處於惶恐中 極少時間見到佢個頭
每次經過佢身邊 佢都好似怕人家'攞佢龜命'咁 將頭縮到無可再縮的地步



相比我屋企呢隻大爺 正在嘆緊提子 兩手夾住咬 幾識嘆



第一張用左閃光燈 好明顯佢立即好唔順超
大爺 : 做咩閃我呀

豬頭炳 : 閃你咪閃你囉 咁巴閉搬走囉 (嬲 x 10)

友情的意義

呢幾日 不停反思 究竟友誼嘅定義係咩

我好肯定自己一定有不足的地方 令原本斯斯文文的友人 

性格突變得令我嚇得呆若木雞 既然係咁 我好應該自我檢討一番 

絕唔係走去批評別人 仲大條道理以為出自善意 

結果換來一堆冷嘲熱諷

一次旅行 就令30多年嘅友誼受盡考驗 

將來能唔能夠 keep 得住已係後話

原來感情真係受唔著挑戰的 唔好以為有30幾年墊底就無事 

始終都係不堪一擊 到目前呢一刻 好肯定嘅係大家心裡面都有條刺

我極後悔講左一堆癈話 將大家嘅關係推到如此地埗 

既然事情已經過去 再拎出唻講把鬼咩 自以為嘅真心話 

幾善意都好(都係自以為) 對聽者來說都係有傷害性的 

經過今次 我明白言多必失嘅道理 

以後要更慎言了

一直都說 交朋友係應該用心的 經過今次 

深深明白係錯嘅 君子之交淡如水 可能反而會好過一D 

幾 friend 都好 必要保持距離 太過干涉到別人嘅私事都唔係好事 

唔好再以為出自好心 只會往往好心做壞事 

心灰意冷 絕對係依家嘅心情

台北遊後記

首次踏進台灣 比我想像中落後 一心以為台灣係好繁忙的地方
未去之前 聽人講好多野買 好多野食 所以誤會了

台灣人真係超 nice 好心地的人佔 95% 相比香港只有 5%
搭公車搭捷運 極少人爭位爭上車 大家都排好晒隊
如果香港都係咁就好喇

未出發前 好多人都講 5日台北悶死你呀!!
我深信 各人去旅行的目標唔同
有人喜歡睇風景 有人喜歡好好休息 適隨尊便
所以無必要對人家的行程多加意外 (關你Q事咩)

5日對我呢隻 shopping 精唻講 真係唔夠喉架
去得呢到 又想去果到 結果好多地方都係走馬看花
急急趕趕咁 若然有多幾日就好喇

向來都話 去旅行絕對辛苦過返工
我地 08:15 機 要提早 2hrs 去機場 即係 06:15 要到
再計埋車程 04:30 就要起身準備 OMG
結果第一日到下午 我人已閃晒紅燈
加上不停流汗 體力透支到頂點

由於我地主要係掃街 連食都要站吃
對腳每日都係麻痺到甩開咁制 都不得不怪自己
坐慣 office 又少運動

又原來台灣有頗多地方係無冷氣 食肆/鋪頭都無冷氣喎
習慣左香港勁強冷氣的香港人 非常唔適應

人家說台灣係美食天堂 但唔知係咪熱傻左 零胃口 + 友人唔陪我癲
1) 阿宗麵線 實在太太太熱 仲要企喺街食 + 友人拒絕 share
2) 紅燒牛肉麵 原來係辣架喎 事前我完全唔知
3) 台灣的腸仔 人家講到好味到頂點 點知...似臘腸多D 硬硬的
4) 台灣的野飲真係好正 可能熱 不停飲飲飲 便利店的選擇多到呢
5) 超出名的大雞大 size大到呢... 但友人說根本無咩特別又熱氣 拒絕share

將會有機會要去再去一次 今次分數比較低 可能天氣太熱 心情受到影響

要感恩的 5日無落雨 行程無受到影響 台灣風好大好涼
但 200級曬 頭兩日仲懶型唔開遮 到頭唻都係辛苦自己 幾無謂!!

***********************************************************

在家千日好 呢句說話真係無錯 成個旅程除左攰/熱
暫時未有任何字可以形容 已無多餘氣力再活動
隨著低燒 昏睡左一日 跟住肚瀉就唻喇
幸好家裡有媽打點一切 行李裡所有野 極短時間內歸位

旅行所有的不快 一切已經過去 要用最短時間忘記

ps 1 : 去旅行絕對係友誼大考驗 就算識左30+年都係咁話
磨擦/不滿一定有 但點去化解 係一門好高深的學問
去一次旅行就少一個朋友 值得嗎?

ps 2: 經過今次經驗 對我將來交朋結友有莫大的幫助

ps 3: 出發前收到"好多"order電話 托我喺台灣買野
分別有數十包肉乾 幾套DVD等等等等
唔通我係走水貨的嗎?? 令我感困惑的 友人們都十分喜歡台灣啊
有D明明都係剛剛返 仲要托我買?? 咁你去果陣做咩唔買??
識我的都知我係購物狂 未出發都怕會爆喼 仲要幫人帶貨?
太好笑喇嘛??
為免得失任何一個 所有order自動取消!!

台北遊 手信篇

台灣嘅野 真係好平好抵買  結果行李過重要罰錢
果個鐵面無私的海關員 我地只係過左少少重
都要罰錢



喺台灣周圍都有扭波機 波波狂人 
發狂地扭左好多呢D彈彈波同香港果D唔同架 
回彈力超強





扇係老媽嘅飛佛 每人出門都會為佢搜集不同嘅扇



出門前 睇中 ice-fire 把遮 但要 $130(無買) 
依家喺台灣買 只需 $37.50



呢隻大笨象縫縫縫 個 sample 好靚架 但返到香港 唔識縫



好靚架呢隻貓頭鷹 條木仲有香味添



又係好靚嘅天燈飾物 好忍手之下都買左好多



喺台灣新三越 竟然有 Harrods 專門店 唔該我要呢個呢個呢個



黑橋牌牛肉乾 係老哥嘅 order



原本 order 係要維格 但無時間去 用李儀餅店頂檔



四枝九份名產 藍莓汁 亦係行李超重疑凶





芋頭係老媽嘅飛佛



又係老媽的 少甜牛奶糖



呢個果凍 究竟有咩咁好味 老媽同哥爭過不停



哇 呢個牛蒡茶 好應該大手入貨
香港賣一條要 $220 台灣都係賣$220 (但係係新台幣)



去小林煎餅其實想買什麼銅鑼燒 
點知百貨公司嘅分店無銅鑼燒賣架
好啦 去到都幫襯下 瓦煎餅 
香香甜甜有蛋味



喺士林夜市 試食一口 正喎 老媽實鐘意



呢個豬肉紙搵得我好苦 烈日當空左兜右兜 好彩都搵到



佢唔止豬肉紙 good 肉鬆都好好味架



美食大雜會

台北遊 Day 5.3

雖然係坐20:55機 但為怕塞車 我地都預早好多出機場



出入機場都係坐國光 以後要記得買'來回車票' 平D嘛



黃昏的台北市



四件行李 total : 59.8kg
過重啦唔使講 兩個紙箱自己拎之餘 仲要罰錢



罰左錢都仲有錢淨 可以食雪糕



影相果陣都無留意到有"人" 原來都幾恐怖



望到你玩電腦 我都好想上網呀

最後 hello kitty 都出唻同大家 say goodbye

台北遊 Day 5.2

睇完台北故事館 即刻又出發
又係馳名台灣的鼎泰豐 終於可以一嚐正宗小籠包的味道
排隊的人很多 不過人家的排隊系統相當完善

呆等期間 影下辛勞的工人們 辛苦晒



嘩(請大叫) 好好味呀 醉雞 酒係清甜
上次喺香港食的 酒是苦澀架



小籠包都無得頂



嘩(請再大叫) 芋泥小包 好好味呀 好香濃嘅芋頭味呀



雖然睇相好難知道味道 但真係要影低佢囉 好味到癲呀



悠遊咭 再見喇



台北車站 再見喇



未夠鐘出機場 喺台北車站地下街逛逛 終於有機會試下呢個 : 咖啡球
嘩 好好味呀



臨走前 整多碗牛肉麵 為怕太辣 先叫一碗
店員嬸嬸非常熱情地說 : 我可以做一碗減辣的給你呀



結果就送上呢碗減辣紅燒牛肉麵 可惜對我唻講都係太辣 但味道又好淡
浪費了嬸嬸的一番心意