食Dry

一直以唻 喺我心目中 食 dry (齋) 係因為宗教信仰 唔殺生的概念
而且應該係菜呀/瓜呀/豆呀 但近年市面的齋店 設計的餸菜款式
已經偏離晒 dry 的定義 就因為呢一點 我對 dry 係零興趣的

小朋友年代 曾經去佛堂食過 dry 除左果條炸芋頭魚 & 粟米粥外
其他的菜 都會用好多油去煮 老實講 真係見到都唔開胃 食 dry
唔係為求健康的嗎? 食果D油膩膩的菜 應該唔會健康嘛?!

不過唔鐘意食菜的原因 其實係因為我唔太受得 醫生經常話食菜食生果
對身體好呀鬼唔知咩 但我會肚疴嘛 好多人會便秘 我就要想盡辦法
令佢唔疴 所以出街食飯 所有菜/沙律/生果... 只可以輕嚐 如果由我點菜
大家都唔會得到菜 只會有豆腐

身邊好幾個朋友 都係 dry 的 fans sorry 呀我真係零興趣嘛
不過 100次我都會遷就一次 尋日我就食左餐新潮 dry (即係假狗)



離譜得很 dry 都要食魚生...望落去好靚架 但老實講 呢款係最難食



呢個就唔同喇 真係 dry "淮山枝竹栗子煲" 好味喎



假狗炸豬扒 哇 真係唔講得笑 雖係假狗 但真心好味
佢唔止味道似真的豬扒 連咬開都好似有肉的質地 誇張



另一假狗 菠蘿咕嚕肉 都係好味嘅 但咬開就好似外星食物
其實我完全唔理解 dry 店用咩物質去扮真肉 
友人說是麵根之類
老實講 我只覺得係外星食物

考慮左好耐 終於換左部 500萬像素的手機 以後可以影多D靚相
呢D鬆郁矇 再見喇