尋日朝早11:00 收到劉翔因傷退出的消息 當時只是替佢可惜
4年一次的奧運無法參加了 無論贏輸都好 能夠參與都已感榮幸吧
但到 lunch 時間 聽到有人喺電話與對方報導 劉翔一定係因為輸唔起
所以棄權囉 我頓然覺得: 應該唔會卦 咩原因你會覺得一定呢?
身為一個頂尖的運動員 佢嘅生活就係不斷練習再練習
為的只係在競技場上快多幾秒 你咁講
人家付出的努力咪全部白費? 唔好咁妄自菲薄好喎
我覺得無法參賽 最傷心的應該係劉翔 & 佢個教練
但某D同胞仍要責罵佢 因為佢唔能比賽
令佢手頭上的黃牛票變成癈紙 呢D咪叫人性真面目囉
我都唔講 由劉翔決定放棄一刻
當場的觀眾係短時間內離場 (係80%喎) 又再一次失禮了
劉翔先生 請你好好休養 希望下一屆倫敦奧運
能好好發揮 以你一向相當自信的表現
應該仍能做出好成績
今晚中國女排會對俄羅斯 輸左就要出局 以中國隊前幾場的表現
真係唔太樂觀囉 神呀....
沒有留言:
張貼留言
注意：只有此網誌的成員可以留言。