快樂的守則

喺一大堆的守則中 只例出自己想做到的 :

01)  早上起來便對鏡依起棚牙, 開心的豬頭炳, 幾時都開心過憂鬱小生
06)  喜歡妳喜歡的人, 不喜歡妳不喜歡的人, 待人毋須平等
11)  待人以誠, 對方不誠便立即離開, 勿拖拖拉拉, 做大戲才須好頭好尾
12)  無條件為喜歡的人辦事
26)  不去了解自己不明白的人
28)  不講大話便不用記住講過什麼話
29)  不做作便不用記著什麼做作
31)  不用應酬妳認為(應酬)的飯局/聚會等
39)  有無人錫, 都要自己錫自己
45)  飲水, 飲水, 再飲水

食Dry

一直以唻 喺我心目中 食 dry (齋) 係因為宗教信仰 唔殺生的概念
而且應該係菜呀/瓜呀/豆呀 但近年市面的齋店 設計的餸菜款式
已經偏離晒 dry 的定義 就因為呢一點 我對 dry 係零興趣的

小朋友年代 曾經去佛堂食過 dry 除左果條炸芋頭魚 & 粟米粥外
其他的菜 都會用好多油去煮 老實講 真係見到都唔開胃 食 dry
唔係為求健康的嗎? 食果D油膩膩的菜 應該唔會健康嘛?!

不過唔鐘意食菜的原因 其實係因為我唔太受得 醫生經常話食菜食生果
對身體好呀鬼唔知咩 但我會肚疴嘛 好多人會便秘 我就要想盡辦法
令佢唔疴 所以出街食飯 所有菜/沙律/生果... 只可以輕嚐 如果由我點菜
大家都唔會得到菜 只會有豆腐

身邊好幾個朋友 都係 dry 的 fans sorry 呀我真係零興趣嘛
不過 100次我都會遷就一次 尋日我就食左餐新潮 dry (即係假狗)



離譜得很 dry 都要食魚生...望落去好靚架 但老實講 呢款係最難食



呢個就唔同喇 真係 dry "淮山枝竹栗子煲" 好味喎



假狗炸豬扒 哇 真係唔講得笑 雖係假狗 但真心好味
佢唔止味道似真的豬扒 連咬開都好似有肉的質地 誇張



另一假狗 菠蘿咕嚕肉 都係好味嘅 但咬開就好似外星食物
其實我完全唔理解 dry 店用咩物質去扮真肉 
友人說是麵根之類
老實講 我只覺得係外星食物

考慮左好耐 終於換左部 500萬像素的手機 以後可以影多D靚相
呢D鬆郁矇 再見喇

自以為是

以為對人好 人地就會對你好 點知世界原來唔係咁公平

以為坦誠認錯 人地就會原諒你 點知事情原來唔係咁

以為做好自己 人地就會讚你 點知原來唔鬧你已經係獎勵

以為同佢friend 人地就會同我friend 點知背後係咁數你

以為幫人搞生日會 人地就會幫你搞 點知人地連你生日都唔記得

以為自己唔遲到 人地就會準時 點知時間係好難控制

以為鍾意人 人地就會鍾意你 點知原來鍾意係好複雜

原來我一直認為'是'的 全部都'不是'

曲終人散

終於都閉幕了 最開心應該係我媽 因為佢係追劇一族 呢個京奧
完全搞亂晒佢個 schedule  

尋日選擇睇'無記'的 closing 佢由 19:00 開始 悶了一個鐘頭  
到 20:00 先正式開始 其實我真係想講 你頭一個鐘 已經可以留失好多觀眾
幾個主持不停交來交去的'現場' 無聊到極點

成個閉幕式 老實講有點沉悶 可能開幕時太精彩 令我抱有期望
尤其交棒到倫敦的一幕  好悶... 佔 8mins 的部份 聽說要 2百萬英磅   



連萬人迷碧咸 踢的一腳 都變得求其得很



我都係鐘意呢D壯觀的場面多D



仲有我最喜歡的煙花

下一屆喺倫敦... 到時要捱夜了

 

真理名言

喺中學階段 唔記得喺邊到睇過呢段文字
勿與天下無聊之人爭閒氣應與古今聖賢豪傑爭志氣臨時讓人一步 自有餘地臨時讓人一分 自有餘味

登天難 求人更難黃蓮苦 貧窮更苦紙張薄 人情更薄江湖險 人心更險知其難 甘其苦耐其薄 測其險

可以處世矣 可以應變矣謹戒怒中氣 慎防順口言當心忙裡錯 善用有時錢
一直我都將佢貼在枱頭警惕自己 千萬別犯下呢D錯誤
但近呢幾年 無再貼在當眼處 後來仲忘記得一乾二淨 結果上星期 就中招了
我會將呢幾句 直接刻在心裡...
我深感後悔....

我終於明白你態度突變的原因

鸚鵡

又打風喎 今次個名仲好靚 : 鸚鵡

尋日喺公司 同事講到實牙實齒 今日一定唔使返工喇 仲要係 whole day
但天文台永遠保險 : 有可能 有可能同有可能啫
連天文台都唔肯定的事 同事能預知未來??

尋晚 20:30 先掛3號 結果夜瞓的人更夜都唔肯瞓
磨到 1:30 突然諗 若然打唔成要返工咪大鑊??
唯有死死氣爬上床 但點瞓得著呢??

到朝早 過左7點 都未掛喎
已經過晒要出門口的時間... 咪玩野喎

結果 7:40 先話掛 咁人地返早班咪比你玩死?

依家又話會再改掛更高風球

13:40 改掛 9號

00:40 改返 8號

呀.. 點解次次都係 xx : 40?? 夾定的嗎?

天堂與地獄

真係可以用天堂與地獄唻形容中國隊的表現

上場對俄羅斯超水準 今場....

中/巴大戰 輸咗 0:3 不敵

平心以論 真係打得好差 散晒

睇左咁多場 今場完全零發揮

上一場的氣勢 今次無帶唻

以今日的表現 可能日本隊都會嬴

如果以今日的表現 有可能嬴到古巴嗎?

人都癲

十級勁呀 中國女排 強 x 1000

3:0 贏俄羅斯

睇得我心跳過速

人都癲呀

加油加油加油...

神話破滅?!

尋日朝早11:00 收到劉翔因傷退出的消息 當時只是替佢可惜

4年一次的奧運無法參加了 無論贏輸都好 能夠參與都已感榮幸吧

但到 lunch 時間 聽到有人喺電話與對方報導 劉翔一定係因為輸唔起 

所以棄權囉 我頓然覺得: 應該唔會卦 咩原因你會覺得一定呢?

身為一個頂尖的運動員 佢嘅生活就係不斷練習再練習

為的只係在競技場上快多幾秒 你咁講

人家付出的努力咪全部白費? 唔好咁妄自菲薄好喎

我覺得無法參賽 最傷心的應該係劉翔 & 佢個教練

但某D同胞仍要責罵佢 因為佢唔能比賽

令佢手頭上的黃牛票變成癈紙 呢D咪叫人性真面目囉

我都唔講 由劉翔決定放棄一刻

當場的觀眾係短時間內離場 (係80%喎) 又再一次失禮了

劉翔先生 請你好好休養 希望下一屆倫敦奧運

能好好發揮 以你一向相當自信的表現

應該仍能做出好成績

今晚中國女排會對俄羅斯 輸左就要出局 以中國隊前幾場的表現

真係唔太樂觀囉 神呀....

快樂星期天

星期日 基本上好少會出街 返得入屯門 盡可能都唔想再出唻
但今次想睇的戲: 地心探險記(3D特別效果版) 
要去到機場4D戲院 平日的時間唔夾 
結果上星期日就要抽空走一趟 93分鐘長的戲 
都要戴住3D眼鏡 但原來不太舒適的 不停會滑落唻 
睇到中途 都頂唔住 要用手將眼鏡扶住
散場的時候 我聽到其他人談論這個眼鏡 以並不是套戲的劇情

(尋日睇報紙 竟然有人偷走呢副眼鏡 唔係嘛? 真係咁貪心?
唔通佢以為副眼鏡已計埋錢? 偷走咁誇張? 仲唔係少數目 100 副喎) 

4D特別版 就係會根據劇情 有D風有D水有D煙咁 令你更投入 但我又覺得
呢D風/水/煙 未免太兒嬉了 講白D太求其囉 尤其係果D煙 出得太慢了....
不過凡事都有第一次嘛 但你問我 有無下次呢.... 咁就真係要考慮
既然出得街 梗係玩盡啦



我最愛的 new york cheese cake 幾靚 ! 但太貴又唔太好味囉



另一款 lemon cheese cake 外表差不多一樣的 只係多少少酸味啫



又係好靚 叫蜜糖咖啡 但不宜飲用 十級甜....
我已經可以飲得好甜 但都頂唔住



呢杯呢就唔同喇 超好味 但因為係凍飲我無揀 "香蕉朱古力咖啡"
好彩友人揀左 我可以試兩口

睇完戲 又要趕落中環搞D野 然後又要去旺角 隻腳行到有D痺 又因為好熱好熱
都係搵個地方坐下食下好 夜晚去左'和民' 佢D野勝在唔大碟 每樣都細細碟
可以試好多款 我地當日叫左好多 但好味的 因為太肚餓 
好快掃清 全部無影到相 勁搞笑



淨係得呢款影左 但已係阿婆牙的我 真係咬唔到咁韌的牛肉 

我曾多次向該餐廳反應呢個問題
但從未改善 最低能自己每次都會叫囉...

好失望

又輸...又係咁輸...

明明可以嬴 結果都係輸

如果係技不如人 輸都無野好講 但每次都係咁輸 諗下辦法好喎

中國女排 加油呀

多角度的opening

前幾天 收到這 mail 
送上很多精彩的圖片 過左一星期 仍感震撼



呢個角度太好了



會飄起的五環



好圓



好多人呀



好勁



smiling face



amazing picture



請起立
今晚 20:00 中國女排會對由朗平帶領的美國隊 

希望今日中國女排能好好把握可勝利的機會
(前日的比賽 先嬴兩局 竟然比古巴反追三局 結果輸埋 

開頭兩局都打得好好呀 點會突然又會
散晒呢? 點解每次你地先嬴 之後都會輸呢?) 

努力呀中國女排 !!!

好友C

第一句就想同你講的 : I am so proud of you

這是你自稱的 : 好友C (令我非常高興)

你...係我認識的朋友中 最斯文淡定 又溫柔 盡得你媽媽的好遺傳
無諗過你媽媽同我媽媽係同事 我地亦係同事 呢D咪係叫緣囉 邪爆!

8年的同事生活 再加7年的朋友關係 我真係無諗過 大家各散東西後 反而令感情更好
有一段時間 你在工作上的磋跎 令我好擔心 幸好最後都得到上天的恩賜 搵到一份令
你稱心如意的 你安心 我放心 大家都鬆一口氣

我好多謝你 總讓我替你分憂 有時候 朋友肯俾你分憂 窩心程度總比分享快樂的多
唔知點解 你總好似手握住可以開到我心的鎖匙 每每簡單的一句話 就將我茅塞頓開
朋友...都係交心的好

前幾個月 得知你媽媽離世的消息 整個葬禮的過程 你真係超堅 平日軟弱的你 
竟然可以如此堅強 自問我都未必做得到 你當天的講義 到今日仍感震撼 未能忘記 
如果當場可以鼓掌的話 這掌聲我一定比你

性格古怪的我 唔多願意出席人家的婚禮 & 葬禮 講個小秘密你知 你的婚禮暫時仲係
我肯出席的最後一個 我要親身分享你的快樂 親口祝福你得到幸福 至於葬禮...
我更唔想出席 但我知道 你想得到支持的 我甘願的為你走一趟 估唔到 我唔知葬禮
可唔可以用精彩唻形容 但我真係覺得好精彩 沒太傷心的眼淚 
(我好怕見到哭哭啼啼的場面) 你為你媽媽安排的一切 佢定必安心上路

我相信你近排會覺得 死亡並不是太可怕 在世的人做出的事 會令人更痛心 亦令你懷疑
所有恩怨 真的如過眼雲煙? 不過我相信 記憶係無法淡忘的 一切只需要時間慢慢去適應

你唔好覺得經常煩到我 以減少來電 任何時候 我都願意為你分憂的
別怕 一切都會安好的 

最後想勸你一下 別常將生活排得密密麻麻  俾多少少時間自己靜下去 讓思想休息
一定會對你有好處的 要聽話呀!

愛你的Helen上

別來惹我!

十級嬲.....

我都幾信 緣份呢樣野 
茫茫人海 兩個人都能夠遇上 某程度上都係有緣吧... 
聽人說 今世能成為夫妻/父母/兄弟 係上世結下的"因" 變成今世的"果" 

我的工作 只需要自己默默地做做做 唔太需要接觸其他人 經過重新裝修後的 office
完全合乎我的心意 因為係高身 partition 連前面的同事 都唔使望到 幾好

點解...你仲要惹我? 老實講 我的脾氣不會比你差 你要癲 我實會同你癲喎 
以往我都極度抑壓 無謂喺公司發火啦 我唔似你唔要面 點解 係你 
每次都係你... 你D態度 使唔使咁差呀? 係咪要咁串先? 你估淨係得你識串嗎? 
你係咪癲左呀? 你認為我點都唔會還火嗎?? 你認為我係善男信女嗎???

最令我頂你唔順的 當你心情好/悶呀 你會當一切無發生過咁唻同我傾計
仲要反俾你話: 你唔好咁 cool 啦 哇 大佬 你無病嘛?! 使唔使睇下醫生呀

有時候會諗 前世我應該係爭你一大筆錢 今世你來討債的 要對住你的時間 
比家人還多 做咩你要咁呢?  其實我唔使你去扮 nice 只要你唔好唻惹我 
一句真心話好想同你講: 唔該死開

講完

超勁

一個令人睇到會起雞皮的 opening...

尤其全場大部份人一齊唱國歌的一刻 怎能唔感動呀!?
我依家又番睇尋日opening 的錄影帶 所有壯觀的千人操
雖然只係從畫面看到 但都超震撼 呢D都係佢地花長時間排練得出來的成果

史匹堡你有後悔嗎?
你看 沒有你我們的張藝謀沒令你失望吧!

你們係機械人嗎? 邊有可能咁齊架?

千人太極

太壯觀了嗎?

加油呀 香港隊

尋日老媽狂搵的黃金寶 佢口不停叫點解無"洪金寶" 

搞到我諗左好耐 關洪金寶咩事呀? 激死 人地叫黃金寶呀 小姐...

加油呀 中國隊

巨人姚明身旁的小朋友 原來係四川地震的救人英雄 
報告說佢喺地震的學校現場 不停出出入入 救出好多小朋友 
還帶領大家唱歌減低大家的驚恐 中國有這樣的下一代 必定充滿希望

壯觀的煙花表演

鳥巢 in red

所有藏獨 & 尋求人權的人事 其實你要人家關注事件 
在巴士上放炸彈 有用的嗎? 你要無辜的市民陪上性命 
令你達到目的(如果可以的話) 良心過意得去嗎?會瞓得著嗎? 
你地有無諗過用一D文明少少的方法呢?

一向對中國沒什麼好感 尤其他們的衛生文化 
我係完全接受唔到的 不過 對於今次 100分的付出/努力去舉辦奧運會
非常值得嘉許 
加油呀 中國人...

8號波

又打風 今年第二個風 叫 "北冕" 唔好聽 但風勢相當勁 
一陣陣的大風大雨 所以多左一日假 yeah

尋晚臨瞓前 天文台都預計會掛8號 但瞓醒就 refresh 左個腦 
一望個鐘 死!! 遲到...點解無人叫我起身嘅?? 
再清醒少少 先知原來掛左8號波

突然多出的一日假期 未來得及安排節目 就清清閒閒吧!!

點唔使返工就咁精神架???
平時返工就唔願起身 唔使返工又自然醒呢
呢D咪就係犯賤囉

我愛小籠包

對這小小的包子 情有獨鍾 鼎泰豐未喺尖沙咀開之前
已經不斷去試其他的店 但人家總說 呢間係最好味的 曾經有衝動為左試下
飛一轉台灣 好彩皇天不負有心人 唔使走咁遠 就有得食了
聽說呢間仲係請台灣的師傅唻負責廚房的 不過點都好 我都會去食架喇
不過我好唔明 點解仲未有訂枱呢個服務 唔通你地真係覺得
要廿幾卌十人企晒喺你門口 會好睇D?? 做咩要咁辛苦你D客呢??
雖然我都會幫襯 但應該體諒下D老人家 好多係一家大少嘛?!

另一點又唔明 果日食飯 隔離枱係兩個日本年青人 不過佢地都講到簡單的英文
照道理溝通上唔應該有問題架啦 點知果個服務員真死奇怪
極度堅持用'廣東話'同佢地溝通喎 好明顯人地唔明架啦 

又照計你唔識講/聽英文 可以搵另一個同事幫手 

呀!! 又無喎 結果上演左幾場'雞同鴨講'
極奇搞笑



幾好味的辣青瓜 雖然對我唻講都頗辣 但有好香的麻油味



好好味的牛展 但略嫌乾左D



主角出現 : 小籠包是也



另一個主角 : 蟹粉小籠包 (未影相前已俾我食左粒)


原盅燉牛肉湯麵 : 湯極鮮 牛又軟淋淋 係D麵麻麻


最後到甜品 : 荳蓉小包 超好味

全部相都對唔到焦 都唔知搞咩?

一期一會

呢套戲已經係舊年的作品 絕對係一套上佳之作

當初知道會出DVD 心裡暗喜因為我好喜歡 
將心愛的書/DVD/CD 不停番睇又番睇啊
結果等了又等 終於買到

首演的時候 因為學宜在彩排時受傷 (踢爆腳趾) 整 part要 cancel
老實講 係有少少失望架 總覺得好似唔完美咁囉 

原來佢唱 live 超勁喎 如 wyman 話齋 紅唔起係樂壇的損失

結果有 re-run 喎 可惜到 re-run 前 輪到小谷家裡出事 
心想 : 雖然佢的戲份 係頗重 但如果缺場都在所難免 
最後佢竟然可以超堅強地演落去 十個勁呀

到依家呢一刻 我仍想拍掌鼓勵

呢套劇用上陳百強的歌 我又好熟 danny的歌
所以睇得非常投入 吸引我入劇場的係林一峰
因為一峰...又識左梁祖堯/ah dee/蝦頭一班劇團人

全部都又演得又唱得 所以我成日諗
喺演藝出唻的演員 係唔係個個都咁堅架?

我會在往後的日子 盡可能地睇多D不同種類的劇

小龍同一峰的劇 我全部都有睇過 一場有血有汗的表演 

令人又笑又喊 所有劇都是宣揚唔同的愛 親情呀 友情呀 愛情呀 

令我明白"情"唔可以收喺心裡 一定要表現出唻 (趁仲有機會啦)

我最深刻印象的 唔記得邊套劇 係講大家幾耐無'擁抱'家人 

老實講 以前我真係從未擁抱過家人架....(自己都覺得衰囉)

不過依家我成日都攬住父母親架