今日我地離開鄉下喇
金邊人晨早都會飲咖啡
主人家幫我地準備好 估唔到好好味架喎
由於車程都有段長距離
所以我地要晨早出發
每日都(被)陽光玩遊戲
又係牛丸貴刁
金邊人係好早起身作活的
我地 08:00 人家的油炸鬼已經賣晒
得返一條
食完早餐 趁住人家在閒談
我行出去周圍睇睇 其實係出唻散散熱
外邊有個街市 金邊真係到處都係烏蠅
街市有豬肉檔 牛肉檔 魚檔
以城市人的知識中
烏蠅係傳播細菌的來源
但金邊人 視烏蠅為...朋友
完全無想驅趕佢地的意途
我勁勁勁想影相 但又怕被人罵
返唻先諗到 我都唔識聽 被罵又如何啫
蝕左添
食完早餐 我地要返出市區喇
經過 差不多 2hrs 的車程
終於都到
柬埔寨坐車係無人數限制的
只要你逼得上 無人會理你
亦無人會抄牌
所以一部私家車 我地坐左 6個成人
唔舒適程度可想而知
落車果刻 真係腳都伸唔直
落車後 我地略略執執行李
又要向吳哥窟出發
金邊真係好熱 戒凍野多年都破戒
全個旅程 差不多全部都係凍飲
風景真係好靚 今次入吳哥窟條路
同 8年前的唔同左 改善左好多
起碼係高速公路
可以開快好多 大大減少呆坐車的時間
途中我地竟然去返 8年前同一間餐廳作小休
親友們竟然買呢D唻食
有咩唔好食到要食蟲呀???
負興趣
小息之後 我地繼續車程
去到已經係黃昏過後喇
所以我地又食晚餐
但傳統的柬埔寨菜 差不多全部都唔啱食
只係....飯後果最吸引
好彩我地旅館附近竟然有夜市
周圍都有小食店
我地行完夜市 買左小小野返唻食
