世界女排大獎賽

今年女排大獎賽 (香港站)

變返星期五, 六, 日打

但吸引力咁大 點都要支持下

少少題外話

舊年知道 今年有澳門站

一早約好友人一齊過去睇

點知 今年舅父唻香港探老媽

要留守屋企

澳門....去唔到了 好可惜呀

但好彩 依家資訊咁發達

去唔到現場 安坐家中按按按

就可以睇到比賽

遺憾之中有少少安慰

今年賣飛真係好驚險

D飛去得超快

開賣第一日頭 15mins

已經無左 80%

固然好多都比大會 hold 起左

但太誇張喇嘛

最後一日差D買唔到添呀

今年唻香港參賽有

中國 美國 荷蘭 德國

之前幾個站 中國隊發揮得唔錯

所以我對中國隊抱好大期望

頭一,二日 中國隊都打得好好地架

今年入場 每人派左呢片野

" make some noise "

估唔到真係幾響架喎

場內職員要掩耳仔 可憐啊!!

最後一日 傳說中的 "中美大戰"

即將開始

超級失望 中國 0:3 輸左

失望到連頒獎禮都無睇就離場

唔係話輸唔起咁小家

但今日中國真係一盤散沙咁 完全不在狀態

球員發夢的發夢

就連自己要企邊都未知

點架???

你係保留實力定點架?

奧運就開始架喎 有無問題架?

好替你擔心喎

最後一日入場 竟然有派紀念品

最估唔到 係一片抹mon布

請問...其實呢個紀念品同排球有咩關係架?

勁似倉底壓住好多貨

襯機派晒佢咁款

柬埔寨遊 8

今日係 last 喇 中午過後就要出機場

朝早媽媽的親戚

專登車媽媽去佢以前住的地方睇睇

順便食個早餐

噢!! 呢一檔竟然識講廣東話

好多日無聽到廣東話

突然覺得好親切啊

金邊的粉腸好好味 我要求另加的

呢碟炸雲吞不得了

食左一碟要 encore 多一碟

至於中式點心 留返香港食吧

食完早餐 我地要去阿姨家分手信

然後返去 pack 行李

真係估唔到

去金邊 都會買到過晒重

大家左夾右夾

放棄左好多無拎返唻

尤其係阿姨果邊

好多野都放低左 好可惜呀

佢地真係好熱情 仲為我準備兩大心頭好

最後一次喇 下次唔知要等多幾多年

我地一直都好順利過關

點知臨上機 比人欄截住

話我個行李有問題

要跟職員落去處理

oh!! 大樹菠蘿被充公了

好可惜呀 我地仲買左 3kg

彩虹都唻歡送我地

再見喇

媽媽的故鄉

柬埔寨遊 7

今日全日都喺跟阿姨呢邊

因為人多 要坐"篤篤"

其實都幾熱

金邊塞車情況都幾嚴重

塞車無風都幾係野

早餐又係貴刁啦

但呢個比較特別 用肉碎放湯

所以湯底好甜

食過早餐 我地出發去見一個親戚 

熱....真係好熱

見完親戚 我地繼續"篤篤"遊車河

期間遇上...黑色暴雨

依家D篤篤已經設計得好好

有晒擋雨帳蓬

但拉埋晒 就好焗

好多地方都出現水浸情況

我地其中一部篤篤仲要死左火喺路心中

要去百貨公司避一避雨

好等佢去換另一部車唻

幸好百貨公司有輪椅借

媽就可以跟我地一齊

唔使搵地方呆坐

呢個係我想試好耐的果汁

寫到 100% apple juice

當然極度懷疑啦 幾蚊雞 純果汁??

當地人的飯餸

想食的只係通菜 點知 全枱人都投晒降

應該落左十粒辣椒

當地人由細訓練食辣

四歲已經可以食十隻辣椒

呢碟要留倩係因為好正

唔知咩咩苗 好甜好嫩

呢條魚都唔錯呀

煎得好香好脆 可以輕嚐

因為我的主菜出場喇 真係一有肚就要食 哈

飯後果出場 但實在飽

連輕嚐都唔可以了