尋日都係驟晴驟雨
今日....濠雨
可能我唔討厭落雨
亦唔想因為落雨影響去旅行的心情
又可能已經慣晒
貴人命嘛!!!
落左車 倒水一樣
要搵地方避一避先
呢個什麼魚飯團 D飯好好味
但D魚好戥 連我都覺得戥
無人會掂了
是日的急救咖啡 完全失敗
淡過清水
真係很大雨 隔住個窗都覺得濕
好想買的小餅干 餐廳竟然送我地一小包
但仲有一整天的行程 袋住必定碎晒
E....突然停左雨 即刻沖出去
橋頭 原來叫"夢街道"
晴天靚 落雨都有落雨的靚
似唔似仙境
襯佢停雨 不停影影影
呢兩張 post 上 fb
竟然無人估到
這...是....蜘....蛛...網
至於蜘蛛 去左避雨啦
影完一堆靚相
雨再次落 仲要好兇悍
我地跳上的士撤退
呢個司機叔叔超得意
不停同我地介紹沿途景色
有時我未能跟得上佢的講解
(因為根本聽唔明嘛)
佢好大力拍打我的膞頭 哈哈
又係鐡路站特色 眼前出現左部甜筒售買機
前日我見到有個伯伯
一次過按左三枝出唻
所以今日我決定試下
果然真係超 good
佢有超多味道選擇架
首選 一定係士多卑梨喇
之後我地就入宮島喇
聽聞島上的餐廳好早收
我地喺便利店買定小食
好多品牌都有出焦糖燉蛋
就連 7仔自己都有出
唔錯喎竟然
aiyo....好大雨
把遮打柴了
好彩旅店門口放左遮比客人使用
咁我唔客氣喇
淋左半日雨 又餓
要開餐喇
呢個鐵板蠔 好味到不得了
哇 冷麵真係超 good
至於果幾隻蝦 只係配菜
鐵板燒完 又食燒蠔
然後又食焗 廣島蠔真係唔錯
終於等到水退喇 可以行落去
但...遊人亦很多
又唔知點解
有一團團的"學生團" 不停入島
佢地唔似唻參觀的
因為佢地無停過腳步
入唻 全個島行一圈就走人
好奇怪
其實附近風景都唔錯架
主角始終係佢....鳥居
由於知道要落水行 所以晨早已經著左拖鞋
又因為落雨 隻腳已經濕左一整日
再加上沙拮在腳的感覺...超級惡劣
一步都唔想再行 勁想洗腳換鞋
除左個鳥居 其餘地方都係超寧靜的
我地上左呢個寺院參觀
可惜已經過左開放時間
呢個高度影落唻 不得了呀
紀念品小店 竟然有呢個小花園
真係不得了
友人說要試呢個燒餅
但經過大福同小雞的經驗
我決定只買一件 大家試一啖先
哇 亦都係甜到牙都痺
糖尿病患者 半啖都唔好試
真係唔講得笑 半啖都必定超標
頂唔住 返去沖左隻腳
然後再出唻食野
好多餐廳收好早
我地都要食個黃昏飯
oh...有團友身體不適
亦喺呢個時候急轉直下
情況令人好擔心
但 order 已經落左
點都要食埋先可以走
我真係未見過咁乾柴的鰻魚燒
枉死喇你
我亦未見過天婦羅 放喺熱辣辣的飯上面
結果....淋晒又油淋淋
好恐怖 勁想退左佢
原來日本的天婦羅唔係脆食的 今天真係大開眼界
呢碟刺身完全唔知咩唻
每一啖都有骨拮口的 又係想退系列
呢碟燒牛肉算係最正常
OMG 呢份炸蠔又係枉死系列
食唔到任何味道的
枱面三人分量要兩個人食
壽司只可以食刺身了
極速食完餐飯
雖然勁難食 但枱面留低極大量食物
我真係唔好意思留多一刻
食完餐飯 條街已經.....咁樣
病左的團友要盡快休息
我地....史無前例地
19:30 返晒旅館瞓
