日本天文台真係超級準
預測是日 : 雨
就真係落雨
貴人嘛 出門梗招風雨
唔知係習慣左定認命
落雨對我唻講
真係小兒科
今朝去小倉城
搭車可以食少少野
呢個蠔脆片 好正架
D蠔味好濃
呢隻蠔仲強 味道更濃
去日本要食飯團是常識吧
但朝早要食飯....我留起先
終於出左車站 有個太鼓像
好大雨呀!!
無辦法 要搵地方避下雨
餐廳對面 竟然係影相的好地方
喺好肚餓之下 以為佢係咖哩飯
點知.....shit 洋蔥汁
坦白講 好失望 唔好味 亦唔係我預期
團友叫左個意粉 share
令我更加後悔
因為一開始我係想叫呢個架
太大雨 我地轉戰室內
博多 我地唻喇
一望無邊際的地下街
好型的天花
我以為鄉下沒有 porter
點知.... 見到即刻瘋狂
錢亦係咁....88 lu
超市向來係我地的目標
每間百貨公司 都必定會落超市望下
咪...又食囉
呢個帶子 不得了 超甜
呢隻蟹腳就令人失望喇
無味 唔鮮
好強的刺身
第一次試海膽 喺香港都有輕嚐過
又鯹又臭
日本的....係要一板板食的
甜蝦 真係好鮮甜
OMG 最令人失望的士多卑梨
酸到爆炸 韓國的好味好多
當三條女人食到興起時
有個姐姐....走埋唻放低三隻雞
應該係做緊推廣啩
諗住正啦 無拉拉有甜品
咬左少少....
哇 要即刻吐出 甜到咁 點吞呀???
果然係樣貌娟好 暗藏殺機
血拼完我地又去覓食
日本有好多拉麵比試場
我地又去....被挑戰
發佢個神經 衰過食急凍
D皮厚過阿嫲 頂!!
呢碗先係災難 D麵過淋
湯又無味 唉...食左幾啖
真係唔得呀 下世食樹皮肯定係因為佢
最後我地行埋 0101
佢個 porter counter 無令我失望
唔止可以退稅 某信用咭仲有折 正!!
再次血拼後 返酒店放低野再出去搵食
想食的 已經要收工喇
唯有揀次選
唔知點解 會放一碟生椰菜
仲要咁大片 生食???
日本的生蕃茄 係必需要試的
超好味 甜又唔腥
從來無試過的枝豆 喺日本要試
吾....普通啦
叫左多春魚 但估唔到係生的
然後職員放低左個爐
團友們....兩眼發光
燒菇 好有味的
炸蠔 差不多每餐都有食蠔
燒雞皮 好明顯唔夠脆喇
唔緊要 放落個燒爐到再燒下 正!!
呢個係雞腎 (應該)
我唔太食的
燒牛肉 好味
呢個粟米好味到不得了
烤雞翼 我媽整得比較好味
烤椰菜進行中 差不多食晒
