廈門遊 04

拜完神 我地去遊船河
接近 2hrs 的船河 目的係 : 近觀台灣金門島
以前內地人好難去到台灣 所以望到台灣已經超級興奮
但對我地香港人 吸引力係零
上船時 無拉拉俾職員叫住 要求我出示身分證登記
結果上到船 竟然無晒位
我極度唔明白 上船已經俾左錢買票 但無位坐
其實隻船係有三層的 低層無位自然會上多一層 但又要俾多 $40
若要再上多層 又要再俾錢 咁搭一次咪好貴??
你要知道低層船艙 係密封式的 國內同胞們愛煙如命啊
簡直係困獸鬥 & 被逼不斷吸食二手煙

由於我無位坐 被導遊帶到上層 但老爸媽被困在低層
要到回程的時候 我先可以救到佢地上唻 吸一下清新空氣
(後來知道 原來根本就係船上的職員要賺外快 俗稱 : 呃錢)









除左吹吹海風 影影相 確實是很無聊的



呢個係"鄭成功"巨像
(我無讀過歷史 唔清楚佢有咩偉積 但會整個像去紀念佢 來頭都不少喇)



就係呢隻把鬼船 直接改名做 : 呃錢船吧



食過午飯 我地又搭船 去到呢到 : 鼓浪嶼
全個島都好靚架 所有建築物都無'國內'的影子
所以好多人唻呢到影婚紗相 但D婚紗呢...土氣到爆
無野想講 自己睇相

















































呢個樣貌咁和藹的女士叫 : 林巧稚





佢係專門幫人接生的 我估佢必定功高偉積
國家起左個紀念館俾佢 來頭不少啊













喺島上遊左好耐 要搭船走喇

ps : 年輕的導遊 未能充分體會到耆英們的腳骨力已一去不返
雖然都行得好慢 但唔識避開樓梯/斜路 島上有條 '奪命斜'
好多團友行完都投晒降 全體休息