新玩兒

又一次自打咀巴事宜 之前講過唔會揀大mon手機
厭大厭麻煩 袋唔到袋嘛
(但仲係好堅持唔會揀'挨phone')

點知....

人家一出呢部 "又"深深被吸引
(知衰 包定底先 唔好再講 唔知足呀 三心兩意呀 什麼什麼)
不過同你推介返先啦  呢部好正架 鏡頭又靚又薄個MON又靚
唯一缺點係真心貴 唯有去網絡商用零機價優惠
但羊毛出在羊身上 月費都幾貴 好啦 今次我會盡量用耐少少啦



一係就最大 一係就最細
呢D叫咩呀? 要浮誇就要誇到盡囉咩呀

I love u because

剛剛睇完呢套劇 內容係OK的

最出色的 係王菀之 唱功當然好 而且做得好放

無因為係歌手要保持什麼形象等無謂理由 正

睇過佢有份演出的幾個劇 都可以好投入到個角色

呢套劇係風車草劇團繼《你咪理．我愛你．死未？》音樂劇後

全新改編百老匯愛情音樂劇《I Love You Because》

由林立三博士執導 何秉舜擔任音樂總監 林一峰填詞 黃詠詩翻譯

四個自以為愛得最醒的人 一直用他們認為最強的愛情攻略 虛張聲勢

就算輸掉愛情起碼都贏得面子 直到遇上他們最無期望的人 愛情竟然偷偷發生...

梁祖堯飾Austin： "Mr. Stubborn" 一切要跟足計劃 按步就班 最怕即興行事

咖啡落多滴奶都發癲

王菀之飾Diana： "Miss Calculate" 數口精 篤信數字/統計/報告 

但一遇上愛火就瞬間自焚......

邵美君飾Marcy： "Miss Puzzle"最鍾意驚喜 不會去同一間Cafe兩次 

點菜最愛「是日精選」最憎計劃

湯駿業飾Jeff："Mr. Casual"冧女能手 但頭腦簡單 喜歡愉悅 害怕束縛 

相信性愛但不信愛情

套劇好簡單易明 人未遇到愛情前 梗係以為自己果套道理絕對無錯架

但有戀愛過的都知道 喺戀愛裡面有85%都係人算不如天算 縱然點有計劃

期間梗會出現意想不到的情況

呢套係歌舞劇啦 歌舞的場面真係好多 我好戥負責填詞的一峰辛苦

咁多歌 而且D詞係好密好密 我對耳仔對'B呢巴拉 一輪咀'的說話方式

會好自然咁自動閂埋 所以今次好集中精神啊 好留心D歌詞 但坐得比較近

個喇叭 有時合唱的部份 實在有點吵耳 聽得頗辛苦

戀 love love (director's cut)

戀 love love 呢個 show re-run 今次我把握到機會
可以優先訂飛 唔使出去排
去完個廈門trip 爭D miss 左領取門票的日子 驚險
得尋日or今日可以領取門票 但尋日去左睇跌打 所以只能揀今日
最麻煩就係要帶張入數紙 但張入數紙我又放左喺公司
人地放緊大假嘛 都要返公司走趟
(已經專登趁 lunch hour 返去 無咁多人嘛 但同事見到我
好似見到外星人咁驚訝 仲有人問 係咪俾人call返唻
我當時心諗: 間公司係我架咩? 一 call就要返唻 咪傻啦)

今朝落狗屎 仲紅埋雨 但都必要出去走趟



yeah 門票兩張



仲有兩張現金券



仲有送左張 poster 添 今次人物有少少變動 (改左仲吸引呀)



貼喺雪柜剛好

靚花年年開

朝早老爸晨運返唻 煞有介事咁叫我帶部相機落街影下棵樹
講到靚得好誇張咁囉
人家靚都唔係今朝今日的事呢 3年前我都有幫棵樹留倩影啊
好啦 既然佢咁有興致 就影啦



第一張 爆晒光


行前一步 比較好 
~  回到2008年  ~


3年前部手機個鏡頭無咁靚


棵樹亦無咁大 今年D花多好多 証明棵樹係好健康

廈門遊 10

由廈門坐車返堔圳 至少要6hrs ( 所以今朝要 6:30 morning call )
無疑係一個好嚴峻的考驗 尤其對老媽呢D腰骨痛人士
再次得到老天爺兼顧 上車無耐先落起大雨來 但已經對我地無影響喇

停雨的時候 已經係黃昏喇 所以有呢堆日落西山相
因為落雨 司機行車要安全一D 結果我地用左 7.5hrs 先返到堔圳
返到堔圳晚餐 終於都食返一餐適合東方人口味的餸菜
起碼有雞又有燒鵝 第一次覺得好好味

ps : 國內的吸煙族實在太太太厲害 甚至連食飯時 都唔會放低支煙架
一啖煙一啖飯都見過 好擔心中國未來的醫療 國內好多年青人都食煙呀
我估好多人以為吸煙唔大問題 (比起吸毒) 梗係覺得煙仔無問題啦
但煙仔的影響 係慢慢侵略你身體架 而且國內D煙 平至 $6/包
會俾D咩你食呀? 

廈門遊 09

今日 morning call 係 6:30

8:00 就要離開酒店
好彩我家與團友人們都無人遲到
眨下眼就已經去到旅程最後一日喇
由於團友大部份都係耆英 有D甚至係一個人出門
所以每次 check out 酒店時 導遊都千叮萬囑
問完又問 提完又提 要檢查清楚有無執漏野
走左就好難拎得返架喇
點知開左車大約20mins 臨上高速公路之際
突然有個伯伯話漏左手機 O...仲要一不離二
另一個伯伯都話漏左手機 導遊似乎有'預知'能力啊
晨早就留左個人喺酒店等 即刻打電話返去
叫職員上房搵 大蒙伯伯一號手機自己走返出唻
大蒙伯伯2號 手機真係留左喺房間廁所
我地部車就要停喺路邊...等...等...等...等...
就係咁 我地就浪費左差不多1hr 有一個景點就取消左
我地去到東山島東北部銅陵鎮 國家4A級著名省級風景區
環境好靚 而且係海邊 吹唻陣陣海風 都幾涼







但未上到前 導遊話有條200多級的長樓梯
腳骨力唔夠的團友 紛紛卻步 但原來喎 就係今日 啱啱開左條新路
可以行少好多路喎 而且D樓梯好好行架





喺海邊 起緊一條步行徑 但仲未完工
(相中一枝枝 就係支架 搭埋個平板就可以俾人行架喇)







就係呢舊巨石 兩舊石的接觸面唔多
但點都唔會跌落唻架喎 奇景

橫睇豎睇 都似一隻鴨囉



其實人家叫'風動石' 聽聞風大時 舊石會郁架
但人手就點都推唔郁的



舊石真係超大大大大....



人地寫明'世界奇觀 嚴禁推動'啦
但好明顯無人會理 差不多個個都試推



跟住我地又去拜神 呢個關帝廟由1389年開始有 好厲害呀



佢隔離起左座新的 (唔記得左叫咩)



環境真係好靚 影左好多相





由於等緊團友們拎相 (同巨石合照 要人民幣10/張啊)
無聊影系列又出現喇

然後我地就踏上歸家之途喇