戀愛總是平靜地意外身亡

呢套劇上年公演的時候 竟然要去出門 

好彩今年有 re-run 呀



即係咩叫期待以久嘛

故事講述 Jude (梁祖堯飾)、Lennon (林一峰飾)、Michelle (邵美君飾) 及

Ringo (湯駿業飾) 合租一間工廠大廈單位。

隨著Bird (黃呈欣飾) 加入，他們本來相安無事的生活泛起了陣陣漣漪...
此劇中，每個人物都遇到不同的挫折。Jude 是同性戀者，

害怕再受傷害，寧可拒絕好友

Eric (楊政楠飾)的愛情，最後好友意外身亡，他仍掩藏自己的感受，

不肯坦誠面對自己對亡友的深情。

愛情失意的 Michelle 和事業失意的 Ringo 同時失戀，

兩顆寂寞的心走在一起，卻因猜疑和自由經常爭吵。

他們仿如動物園內的安安、佳佳，成為情侶，只因沒有選擇，

這樣的愛情能否開花結果？

Lennon滿腦子理想，但最終無一實現。

他將自己的挫折歸咎於一直「打壓」他的姐姐(林小寶飾)，

到了最後，他才發現原來他姐姐為了理想一直屢敗屢戰。

Bird 送外賣時走進他們的窩居，從此認定這就是她渴求的「雀仔竇」。

她的出現，不但令他們訂立的「規則」受到衝擊，

也迫使他們面對自己內心的感覺。

放棄 是我們唯一的武器

睇住呢套劇 但腦子有另一套劇"馴情記" 呢套明顯係成熟版 

當年大家在走廊玩耍 依家就同居在一個空間裡
原以為一套輕鬆劇 但去到一D有共鳴位 真係要拿拿淋搵紙巾 

尤其 Hey Jude一場 實在太 touching

返屋企即刻上網睇下仲有無其他日子可以再睇 

竟然有喎 好...再睇多一場
今個劇選用好多Beatles 的歌 大部份都耳熟能詳 

有一峰 點都有幾首live 啦 真係好正...

另一個值得贊的地方 係呢個劇D燈光好好呀 但要坐遠少少先可以睇清楚
(燈光設計 : 楊子欣)

Update (05/12) : 個劇實在太精彩 劇情好順之餘亦好緊湊
今次坐後D 上次坐第四行 有D場景真係睇得唔清楚
反而坐遠D會望到晒囉
睇第二場 有D場口更深刻的同時亦來得更感觸
眼淚比上次來得更狠

PS : 劇中有關於同性戀的 而且有少少親吻的情節 喺現今世代
竟然有人叫左出來 : 嘩 好肉酸呀
同場亦有其他親吻的情節呀 但大家的反應是笑啊...
呢D係接受唔到 抑或是歧視呢?