工展會 2010

老爸的退休生活 確實很悶 所以襯今次的長大假 

好好陪佢到處玩玩
前日已經同佢去左會展 '冬日購物節' 逼人到呢
喺一個密封式的場館 逼滿晒人 這感覺都幾...(字窮) 

唔識點形容

未到前 都有少少恐懼 會唔會超多人呢?? 

今日仲帶埋老媽 要更小心啊



好彩...時間尚早 唔算太多人 而且空間很大 起碼行到咁囉



oh... 突然有一群人湧入場 我都要急步入場先 仲要一拖兩老



出門時都叫唔使推車仔喇 到時實有得送 點知老媽堅持 ok ok....
你睇...我都話喇 一入場 已經有收穫 仲有車仔送
好彩我地有三個人啫 如果唔係點推返屯門
呢架'贈品' 未離場已爛左兩部 (當然即換)



sorry 三位上左鏡的嬸嬸 我又唔想將你變格仔人
但由於你地擋著我的鏡頭好耐呀.... 我等唔住了



望到呢個品牌 頓然諗起讀書年代 (鮮果乳酪) 

依家已經執左好多分店 即刻幫襯一下先

舉辦商都幾好 喺場中間放左好多膠椅子 被D老人家坐坐



烈日當空真係一個....曬字 行到好熱 著短袖衫剛剛好



see... 空間真係好大架 起碼唔係人貼人先啦



玩得陽光都收工了 我地都返歸喇