無意思的九號波

尋日嘅氣溫 實在太太太翳焗 37度 喺屋企淨坐 都會流汗
極度怕熱的老媽 晨早就嗌晒救命 到下午時候 更有頭昏腦脹嘅感覺

黃昏一場雨 亦無咩大幫助 終於頂唔住開左冷氣 佢當堂'復活'返

今次呢個風球(莫拉菲) 好似來勢洶洶咁 果然 23:30 就改掛8號波
到半夜 01:30 仲改左9號波 

可惜... 幾多號波都唔影響到大家 除左要喺半夜返工嘅人 

包括老爸 成間酒樓 只有一半員工返到工

佢個上司尋晚直頭喺酒樓瞓 果然係好員工

今年第一個9號波 就喺大家瞓覺嘅時候過左 無意思.....

落左成晚雨 終於降溫了 唔該晒