今日係脫離四眼一族的日子 (一定要成功呀)
由於決定唔返屋企瞓 喺醫院附近搵間酒店休息一夜
手術係 16:45進行 但要遷就負責碌咭的哥哥
我地提早去到醫院 原來早到可以早做架
友人先做 但點知...換好手術袍 等左粒幾鐘都未叫名
期間我已餓扁了 結果飲左六杯水頂住
等到 18:00 先輪到我地
(後來先知道 原來有個男人超緊張 搞到問題多多 延誤晒)
手術第一部份 先射層激光切開眼角膜
手術第二部份 就用激光幫你矯視
(終於聞到傳說中的'燶'味 但我覺得似燒焊味多D )
由於滴左麻醉藥 所以可以話係零感覺的
而且成個過程比我想像中快好多
醫生再幫我地檢查過後就可以返去休息
(最鐘意皺眉的我 俾醫生嚴厲警告 : 停手 )
因為無人接走 我地兩個'咸蛋超人'(雙眼貼住透明眼罩) 飛的返酒店
期間個的士司機對我地呢個手術超好奇 最後仲叫我地俾張醫生咭片佢
如果有介紹費可以 claim 返就好喇 盲摸摸咁衝入酒店 狼吞一個杯麵後
立即上床休息
哇... 麻醉藥過左 感覺就唻料又唔講得上好痛 但好刺好'拿'眼囉 十二分唔舒服
友人仲不停流眼水
扮屍體幾個鐘頭 其實一D都瞓唔著 到 1:30 突然醒左
所有刺痛的感覺終於過晒
一開眼 喺在眼罩的小孔子偷望 已經睇得好清楚呀 哇!哇!哇!哇!
實在太高興喇 即刻叫醒友人 大家測試一下 狂歡左一輪 要繼續休息喇
沒有留言:
張貼留言
注意：只有此網誌的成員可以留言。