手機的衣裳

買左個新手機 梗係要為佢扮靚靚啦
(固然都係因為想佢得到好D的保護)
由買左新電話果日開始
老媽已經千叮萬囑唔好買咁多機殼

知我者 莫若母

專登出旺角走轉 真係超級失望
全個先達 95%都只賣'挨phone'機套
款式仲超多 又超靚
其他機唔使用機套架咩...頂你

一眼望到呢隻 Donald 真係十分喜歡
佢個表情仲唔係代表我 襯到絕
但超貴啊 依家咩都貴 食又貴 唔得食又貴
考慮左....兩日

人家係正版貨 算啦



呢個係我第一個買架 都幾喜歡架
佢有極強的散熱功能嘛 但唔知點解
套左落去 張保護貼會谷起
一度好困擾我 我去問過人 人地話係張貼貼得唔好
先會谷起 但哥又說 硬殼就會出現呢個情況
咁究竟我要換左張貼 or 另買機套呢?



結果我都係另買個軟身套 (當時未決定買 Donald)
呢個套包晒四邊 連 on/off & 影相個按鈕都遮埋
雖然係好保護 但好難按到囉

PS : 坦白講 我極喜歡上網的 但用手機上網真係零興趣囉
就算個 mon 4.2" 都係超細 望得耐真係會盲架喎
而且呀 我親眼見過不止一次 好多人喺街掛住睇住部手機
爭D俾車撞到呀 你話幾危險呢

PPS : 由於以上理由 我的手機極少處於上網狀態
友人們若然你 whatsapp 我 30秒內無回覆
就唔使等喇 有急事的話即電我