The Market

今年我地個team 有兩個同事升職 所以由普通的飲茶慶祝
變成一餐 dinner buffet 好耐無食喇



估唔到依家D buffet 竟然有龍蝦任食



蟹腳 正



最正的 係我從無期待的蠔 勁食左七隻
(要知道我係玻璃肚呀 食七隻生蠔 真係好博命架)



魚生方面係令人失望的 首先出問題的 係企檔的職員
真係如殺人犯般面孔 好似全世界得罪左佢咁
最普通的三文魚係最差的 反而帶子係超新鮮喎



沙律 bar 的醬多到呢 不過我揀左類似千島醬的東西 不過係完全無味的



超好味的黑森林蛋糕



呢隻法式甜點 人家一直說好好味 (但超貴啊)
今次免費(以為) 原來竟然唔係免費架 但每人可以試食一粒
試完...食一粒就可以了 多謝



我最欣賞佢呢到D甜品 全部切晒一粒粒
我好怕外間 hotel 俾客自己切 除左第一刀
然後就會俾人搞到全個蛋糕走晒樣 望到都唔開胃
呢到淨夾 幾好

ps : 呢到食 buffet 可以去到 22:00 但佢地D staff 好奇怪
見你停左手 唔再拎野食 佢就會收晒你D刀叉 (問都唔問)
初初以為佢幫我地換上乾淨的 點解佢到最後淨係問 : 你仲食唔食甜品呀?
佢只會留低隻甜品叉俾你 唔該晒

番禺遊 03

其實今次個 trip 吸引我的 係入住長隆酒店
睇無線D節目介紹過 喺酒店房望落去 就會見到白老虎
我又一時忘記左 我地呢D團 點會安排到呢D靚景房呢
又原來我地個團唔包入去睇'野生動物園'
老爸超超超失望啊 如果自費要 $180 呀



好彩食早餐間餐廳 都睇到幾隻白老虎



每間房都有一個鎖匙扣作紀念品 雙人房都淨係送一個
固然我家倆老唔會同我爭 但若然兩個只係朋友 又是兩個根本唔識呢
兩個亦想要 咁點呢? 就算一間房送兩個匙扣都唔算過份要求啫2日遊 
好快就玩完 天氣實在太太太太熱

唔知點解 景點竟然係條街 & 一個公園









睇相都幾靚 不過現場係超臭 & 熱溶 

影左幾張相 相機同自己都要收皮

PS : 出門兩日 返唻連部腦都壞埋
點算呢? 搵邊個幫我整呢? 熟人? 熟人=唔使錢=要等
樓下街坊電腦鋪? 陌生人=要錢=快 即日取機
第一次幫襯...都ok喎 最重要係即日取機嘛
要換的換走 要重裝的重裝 用得

番禺遊 02

食完午餐 我地去到呢到 賞花啊





一入門口 就見到鴿子屋



跟住有堆豬仔











呢堆向日葵真係向晒日 結果背住晒我地



佢背住我地唔緊要 我自己走入花叢







花園另一邊 有呢堆公仔 都幾靚架









超靚的花田







有大大的向日葵 都有另類的 小花





唔好睇天陰陰 其實都幾曬 而且個天好焗
初初連太陽眼鏡都無戴 後來頂唔住 再後來影左幾影
突然覺得有D頭暈 實在太熱流左好多汗
要即刻行入陰涼的地方抖一抖



抖左一陣 要出動埋遮 當堂舒服晒 再去到另一邊的向日葵田







呢個花園 可以租俾人影婚紗相 所以好多地方都佈置得好浪漫



太陽實在太強 我唔能夠再同佢玩遊戲喇

番禺遊 01

又出發又出發 老爸依家不停周圍搵地方去
不過要知道熱浪實在太逼人嘛 去埋今次要暫停一下
否則超怕熱的老媽 應該會溶左喺國內

今次第一個景點 終於唔使再去拜神喇
去什麼類似科學園之類 (唔聽書的人唔會突然聽書呀)





世界各地名勝大集會 幫佢留倩影唔係因為鍾意果D名勝
係因為佢係 lego砌啊



另一個展館 係展示'船' 不過全部都放喺玻璃裡面 好難影到呀



人影我又影系列 : 唔知點解個個都影佢個天花 但我覺得佢毫無美感可言啊



好彩我有幫佢留倩影 原來我地係去參觀'廣東館'



其實呢個場館都幾有心思 旁邊有D樹林布景







去完第一個景點 我地就去食飯喇  間餐廳門口 有幾隻超得意的公仔



食完飯之後 我地可以去行下'街市' 果到D海鮮好新鮮架
除左海鮮正之外 另一盛產的係 : 蕉
不過我個胃唔記得幾時開始 同蕉反左面 無得試添



不過我地都試左甜品 雙皮奶
澳門的好味好多 講完