Yeah 今年聖誕 都係去台灣
對於可以不停重複的我
完全無問題 一直咁去都可以 哈
因為係早機 (07:30)
所以我地 06:00 前要到機場
咁唯有 call 的士 橫掂全部都住屯門
呀!! 超級值得推介"飛的" apps
超好用 準時又有禮貌 相當唔錯
世事真係咁
一個平時一晚起身十次超失眠的人
喺呢D時候就會出亂子
一開眼 04:58
下........... 唔係嘛
友人喺元朗出發 10分鐘已經到左我樓下
幸好一仆一碌以 10分鐘就彈出到門口
但三魂無左七魄 全日都矇矇地
真係嚇鬼死
以舊年全程都係落雨的心態
今次唔抱希望喇
藍天呀! 唯恐怕之後好難見到藍天
依家要留倩影先
天氣好得睇到地面 對於貴人命的我
呢個情景 好難見到
今次白雲相極少
哈! 兒童餐
哇! 見到果隻全熟蛋 & 完全淋透的薯餅
勁唔開胃
輕嚐腸仔 & 車厘茄
全個餐最想食係呢個蛋糕 good
順利地步 各人按錢的按錢
買電話咭的買電話咭
我今次租左 wifi 蛋
都幾方便 唔使換來換去
台灣第一餐
係電視節目剛剛介紹過的玻璃屋
無菜單料理
外觀係咪好靚呢?
(photo from 佢個 website)
哇 好太陽到呢
好太陽 = 熱
玻璃屋裡面好似蒸籠一樣
冷氣又唔夠
食完呢餐飯 全身出晒汗
好新鮮的沙律 唔錯
然後係 帶子什麼
點解係什麼呢?? 因為真係食唔出佢係咩
然後係扇貝什麼 每道菜下面都唔知係咩
呢個角度 沙律係咪吸引好多?
呢個刺身拼盤 超級得意
烤羊架 由於我唔食 唔知咩味
但佢地話零味
呢隻豬手 超級 good
非常 juicy
呢個鮮奶海鮮湯超 good
好似飲左三碗 正
呢個烤蝦 勁鮮甜
但上面灑滿七味粉 要小心
呢個魷魚 一致劣評
完全... 係完全零味
呢個避風塘蟹 職員上枱時已經預告 是辣的
但蟹王勁想食 可惜食左一啖
失去味覺了
之後仲有好幾道菜 但由於場面頗混亂
留唔到倩影喇
呢間野經電視介紹過
滿座情況好嚴重 一定要訂枱
但其實味道真係好一般
而且份量明顯地過多
我地已經係 6個人
但差不多無一道菜能清碟 量太多喇
起碼要多四個大食的男人先食得晒
環境真係唔錯 又有藍天白雲陪襯
之後我地去左威士忌酒廠
有團友想買酒 可惜....無貨
唔買酒的人 去左賞花
好靚呀
再之後我地就去買阿典
焗蛋糕的香味真係無得頂 要入D貨
之後我地返酒店浸溫泉
臨入酒店前 我地去左呢間好出名的店
排晒隊咁 勁多人
又係無敵的藍天白雲
成件餅放落油炸 坦白講
見到都覺得油膩 同埋D葱好生好臭
又話三星葱好甜好好味?
唔識欣賞 吞唔落 放棄左
今次我地預多左時間喺酒店
到夜晚先出去食飯
蔗汁姐姐唔喜歡上鏡
見我拎出手機 就躲起來 & 黑面
台灣好出名的魯肉飯
可能向來唔好飯類 依然未識欣賞
反而呢個炒米出奇地好味喎
呢隻"純粹.喝"
香港都有售但勁貴 & 好難買到
台灣 7仔排滿晒 仲要勁平
勁想大量入手返香港
但佢要冷藏 唯有喺當地盡量飲吧
