傷心的2015

2015 係充滿傷感的一年

最錫我的老爸返左天家了

雖然好唔捨得 但眼見被折磨得不似人形

總算係一個解脫

邊個想活著只係出入醫院 病臥在床?

另...令人憂心的

係老媽對爸的離世仍未能釋懷
我明白共同生活 40年的夫妻

要佢心情一下子平伏係唔容易

希望再過一點時間

情況會有改善

爸 請你在彩虹的另一端要快樂生活

你的家我會好好照顧

無需掛念

2015年最後一日

突然想作一個了斷

感激你從來的"不顧及"

終於明白你的反應

擁有外國人思想的果然與眾不同

好難理解 好難明白

但總算清楚晒

做左咁多野都沒令你感動

一次又一次的心軟

竟然被人形容為精神病

頂你呀!

既然你話係精神病 我就癲比你睇

我實還你的 走著看

一直未能原諒自己的不自愛

情緒異常低落

依家安樂晒 無咩值得留戀 

(根本就無野可以留戀)

當年的妄想貪心 親手將自己推落地獄

風吹憂愁散 再見

遲來的聖誕飯

聖誕去左台灣

所以呢餐聖誕飯一直延期

新鮮凱撒沙拉 good

無得輸 菠蘿牛扒

食完呢個薯條 條脷爛左

痴線 檸檬芝士餅 勁好味

但上面堆野要推走

香蕉花生朱古力 好得意的甜品

非常滿足 埋單 唔該!

2015 台灣遊戰利品

呢兩年聖誕都去左台灣
真係一個好舒服的地方

有我喜歡的夜市 又有好多老街

吃的 環境 都好好

將來有機會 可以再安排下

今次只有四日三夜 時間比較緊
不過要買的都買到 yeah

呢枝黑糖梅糖 非常之掂

好後悔只買一包

喺機場補左一盒

好頑皮的鐵蛋係老媽至愛

但佢近排個胃唔係好舒服

所以只可以買一包比佢

今次終於都有買筍

但果日喺烏來老街橋頭

有對兩夫婦 自制的真係超正

但由於包裝理由 只可以買密封的

邦妮爆谷

佢依家做緊買五送一

但爆谷乃超肥的零食

輕嚐輕嚐就好喇

今次買最多就係牛軋糖

三隻牌子大比拼 哈

上次好高評價的蛋糕 要入D貨

團友介紹的甘草檸檬 幾好味

鮮葱魚仔乾 媽會喜歡

去台灣 當然要買黑糖

今次買比較方便的獨立包裝

唔使落手拎 比較衛生

呢個係漁市場阿姨介紹的三文魚魚鬆

好脆好香架

痴線 台灣膠布減價

啱晒成日損手爛腳的傢伙

宜蘭餅 係酒店 welcome gift 之一

我無咩興趣 拎走

噢!!!! 豬肉紙呀

隻手幾痛都要抬一箱返唻

誇張 潤唇膏都買幾枝 (又係特價)

平香港 $20

今次試用 wifi 蛋

果然幾方便 又唔使同人share

下次去韓國都可以考慮

今次旅程比較多人

人多自然意見多 意見多=混亂多

我明白

每人都有自己的性格 & 飲食習慣

但我真係好怕好憎浪費食物

叫返來食幾啖就話飽 真係食唔落等等等等

你真係食唔落都可以原諒

但轉頭你又買甜品放落口

下.....又話飽???

aiyo!!!

好多人無得食架 點解要咁呀?

每年香港都有飢饉三十呀

你無聽過咩?

唔係話要計較錢 (其實都有少少)

浪費食物真係好折墮架 點解要咁呀?

2015 台灣遊 4

今日強呀! 我地 05:30起身去食早餐

喺討論區見到人地介紹"阜杭豆漿" 勁吸引

但聽聞勁多人 所以決定 05:30 起身

人家開 05:30 我地 05:50 到達

好有誠意啦

哇!!

人龍已經長到....轉晒彎

排左 20 mins 左右 見到"光"

真係誇張 要出圖教你點排隊

yeah! 見到餐牌喇

好喜歡見到 open kitchen

我喺外邊偷影 又原來可以入去影喎

店員都係上年紀的姨姨

但人家勁專業

好多日本遊客幫襯

姨姨們大多懂日語啊!

真係嚇我一跳 專業到咁 勁

咸豆漿 其實想試下

但友人第一時間已經將所有芫茜撈混

試唔到喇 可惜

我的甜豆漿 痴線

無得輸系列

我的厚餅油條

友人的薄餅蛋油條

哇! 網友就係 post 呢張相吸引我

依家我自己都有喇

其實我勁想試佢個飯團

但眼都未開 莫講個胃

只可以試到一款 下次....下次吧

瘋狂完之後 落大雨

幸好遇到好人

的士司機遠處都停比我地

之後我同友人返酒店再瞓

實在太早喇

而且今次旅行

我地 morning call 的時間都比較晏

可以補眠

台北最後一餐

encore 左舊年好正的鰻魚飯

今年仲誇張 未開鋪已經排晒長龍

食完果個夾油條 確實未肚餓的

但叫左都要"盡力"完成

今餐又上演什麼好餓好餓

叫返唻食兩啖就推開的情況

勁想拉出去打一身

睇到咁浪費食物 真係好唔安樂

幸好已經係最後一餐

有緣都別再見 你地好折墮

講完

2015 台灣遊 3

~ 呢篇 blog 打左一世都未能完成 ~

第三日喇

幸好都只係陰陰天 無咩落雨

台灣好馳名的鼎泰豐

條龍長期排得滿滿

團友決定一開鋪即刻去食

咁早無人爭喇啩?

點知....錯!

人家開 10:30 我地預早左到

點知商場一解開鎖鏈

一群 (真係一群人)

由四方八面沖向鼎泰豐

真係誇張得很

當然我地係順利入座

轉眼就 full 晒

誇到爆

當時只係剛開鋪 職員密密手

搓搓搓 包包包 好忙碌

從未試過佢D糭

異常好味

見唔見有小蟹子呀?

好明顯係蟹粉小龍包喇

普通小龍包都相當好味

哇! 這豆苗嫩到呢 之後仲 encore 左一碟

醉雞早餐 強呢!!

担担麵....因為係辣的 我無食

鮮蝦餃 唔錯

甜品時間 早餐食甜品

旅行真係咩事都做得出

迷你芋泥包

非常滿足地離座 正!

聖誕節 點都要有少少氣氛

等齊人我地出發去買手信

早餐都未落格 要食鳳梨酥

無法喇 要拎走

同埋我唔食鳳梨酥的 哈

買好晒手信

我地終於可以出發去景點喇

環境真係好 空氣又清新

烏來台車 維修中 搭唔到 失望呀!

台灣另一馳名 麻薯

呢個即制麻薯好吸引

有條友差D比呢粒麻薯埋單

太大粒 又怕咬開會一身係

結果....哽到又吞唔落

差D透唔到氣

聽聞係溫泉水唻架

眼見好多人都落水 亦有人浸腳

應該都係暖的

條街有幾檔燒腸的 好香

又試下 好多肥肉粒 要吐出

然後我地搵間餐廳食野

竹筒糯米飯....嗯.....無味的

呢個炸蝦正呀

勁想影低佢個碗

好耐無見過的....紙碗

國內都已經轉晒膠碗啦

台灣仲用紙?

紙碗盛熱野 唔捱得幾耐咋喎

食完野我地就要回程喇

因為時間唔許可 我地只能去到一個景點咋

我地返酒店放低晒手信

然後就出發去饒河夜市買黑糖

勁多人 又落雨

買完就要走了 行唔晒 可惜呀

因為我地要出發去食晚飯

呢餐正呀!!

~ 油花烤肉 ~

先唻一碗沙拉菜 我...輕嚐就可以了

我未識欣賞的牛舌

痴線 D炭好靚呀

牛魔王流晒口水

影左幾張 之後場面又混亂

而且唔想(又)賠上手機

都係收起比較安全

太飽 食完又去行師大夜市

仲試左另一間牛軋糖 (一之軒)

唔錯喎 又買