食完一餐極豐富的午餐 我地繼續向宜蘭出發喇
食飽左又舒舒服服地坐喺車
睡魔即刻搵上門喇
點知一開眼 見到一片花海
忍唔住 哇左出唻
司機主動要求停比我地影下相
註: 這司機似乎都係第一次去
我地影相佢又影 我地食咩佢又食 哈!!
實在太靚 花海到處都係
坐左好耐 終於唻到下一個景點
~ 清水地熱 ~
好靚好得意呀 周圍地都會噴煙
喺極飽之下 我地都買左粟米試下
由於要等頗長時間 又係留倩影時間
極力推介 超甜粟米
最衰當時我的牙仲未整好 咬野極不方便
食完棚牙攰到呢!!
終於唻到酒店喇
出發前我一直以為係住一晚民宿
點知原來係超高級的酒店
這長榮酒店極受香港人歡迎
價錢當然都極貴喇
但設備很好很完善
大家換過衫
急不及待就各自走去泡溫泉
溫泉從未試過 老媽出發前千叮萬囑
要注意身體 別浸太耐
結果呢個試下果個試下
最後去到最高溫(40度) 又有藥膳的
坐無一陣 這頭暈感就唻喇
不敢怠慢即刻上身 但這頭暈感跟左一晚
.jpg)
這酒店實在優雅
夜晚我地又出去行夜市
可惜...超級大雨
又拎遮又影相 得到鬆郁濛相片一大堆 正!!
