長洲遊

上次去長洲係幾時的事? 已忘了
一直想入去行下
趁今次長假期就係去逛逛吧

星期日 整個中環被賓賓霸佔左 連條天橋都封埋 (坐滿晒)
右避左避先行到碼頭

入到去個肚已打晒鼓 食件多士

唔少得救命奶茶

店員推介 : 炸雞翼 OK好味啦

出發前 做左D功課 知道呢間的芒果糯米糍好出名

唔好講笑 即刻試下

芒果沙冰 = 氣管大敵
飲完即咳 跟住就大鑊喇

坐坐下 見到有榴槤糯米糍 又試 超好味

一大盆糯米

員工不斷密密手原本想買走 個老闆又叫我地轉頭返唻買 (我地未走)
唔夠兩個鐘返轉頭 佢竟然話賣晒 唔賣外賣
好奇怪 堂食可以 外賣唔可以 唔知咩邏輯
被佢呃Q左 不過...拎走又未必好味

長洲魚蛋亦係好出名的
即刻整兩串先 (炸啦炸啦 好戲在後頭)

聽聞平時好多人排隊架 今日算少人喇

呢條巨薯 上次唻已經有 但無試
今次就試下 出左名 鬼Q咁多人

紅豆餅 又係好出名

D紅豆相當唔錯 可惜個皮... 扣到差不多無分 零味之餘 直頭難食

芒果糯米滋唔止一間 我地再試另一間
餐牌/價錢 完全一樣 懷疑係之前果間的分店

去長洲 點都要食海鮮
海鮮狂莫明興奮中

豉椒聖子 Good 零沙

椒鹽鮮魷 咸得滯喇 令我飲好多水

dee... 好x失望呀 又唔新鮮又細隻 dee...

呢碟都係麻麻 但我好喜歡的蒜蓉 幫你多左好多分

越食越唔對路 我條唔爭氣的喉嚨被火燒緊
我做過咩呀??
未出長洲 痛到不得了 oh no

即刻灌枝涼茶
可惜 零效果 返屋企即刻再食藥

無晒聲呀 頂

一直想買呢D平安包精品 呢個磁石貼唔錯

老媽最喜歡的吊飾 買幾個俾佢揀

澳門遊 手信

我得承認 執喼絕對唔係我強項
真係無辦法 塞晒所有野入喼
今次真係唔係買好多野 都要手拎一大袋

又落住滂沱大雨 又要拉喼 又要拎行李 又要拎遮 好狼狽啊
仲要遇到一街自私的年青人
同你爭位 厭你阻住 死要超越你的人

咀香園代表 : 杏仁餅 + 麻辣牛肉干 (所有都唔係我的)
今次發現 市區咀香園買少少野 都會送小禮物
氹仔果邊 買幾多都唔會送野架

呢個係買船飛送的 唔錯

今次算係好運 連龍鬚糖都買到 (但都唔係我的)

晃記代表 : 鮑魚酥 + 香蕉糕 + 雞仔餅

李禧記代表 : 大良牛乳

都係李禧記代表 : 什麼薑 + 陳皮
聽聞止咳化痰好有效的 送給近排經常咳咳咳的友人

日興堂代表 : 肉鬆米果 好味 但份量少左好多



齒香代表 : 金錢餅
之前四次都買唔到 異常失望終於... 買到
仲要係臨走前2個鐘先有貨 真係難買到呢
好大雨我都等埋佢呀 真係唔肯罷休好好味 雖然係甜左少少 但真係好香



友人指定要的陳皮 自己都買包試下
係咪真係咁止咳?? 但凍的媽媽奶已令我咳左兩晚
效果係點... 要慢慢試真先知
依家要食即時見效的西藥 : 咳水



又係新鮮出爐的朱古力花生
雖則賣相麻麻 但相信都好味啩 因為係好貴的

去澳門要入返少少貨 只有呢個 係咁多年都無加價的物件
仲係 $0.8 隻

大三巴附近 開左好多精品店 我覺得呢兩個好得意

因為太大雨 要入室內避下 喺八百伴 NICI
見到呢隻長頸鹿杯 手拎都無辦法唔買喇

澳門遊 3

差D爛尾 blog
有條友日玩夜玩果個candy
過唔到關又唔忿氣 一直玩玩玩

突然醒起 "澳門遊" 仲未完成
已經違反左我的做事原則
拿拿聲搞掂埋佢先

滂沱大雨的一日 諗起都掃興

第一餐 : 三元粥
因為係平日 比前日少人好多 nice

最鐘意睇佢'爆蛋'一刻 變態女人

滂沱大雨 經過巷仔

老式茶檔 必要試試喇

大雨得枱面都濕晒



嬸嬸睇唔過眼幫我抺抹
澳門舊式奶茶 一杯奶 一樽茶葉茶 自己沖

真係好香好正

無理由淨飲嘛 食件包
其實係叫錯左 想叫多士 叫左包

隻包烘得唔夠乾 又或者濕度太濕
好快就淋左喇... 結果...食唔晒囉

其實今次過澳門 係有事要辦的
就係申請強國的 e道
因為要喺辦公時間去搞 好麻煩
呢個係一個好時機

由拱北過關 估唔到平日都幾多人 好彩佢有兩條隊專 for 香港人 (極少人啊)

出發前老媽說 : 申請好簡單之嘛 填張 form 交比佢 即刻用到
事情往往有意外
過到關 form 一張也沒有
問下公安 個嬸嬸(都係公安) 說要去"東配樓"辦手續

見仲有時間 喺拱北個地下街逛下
坦白說 每次返國內 我都異常緊張 佢D小偷真係非常專業
唔見錢事少 唔見證件就大鑊

果個地下街大到呢.. 由於喺威尼斯人都蕩失路(兩次)
所以我好保險咁 原路來 原路返
個商場好多手機配件賣呀 本應人都癲
突然又清醒 無人仔喺身 無得買

既然係咁 辦左正經事先
我再問另一個公安 好喇 其實我唔太信個嬸嬸公安
得到的答案 都係 : 要去'東配樓'

果個"東配樓"
眼見都見到 但點行過去呢 又係一個問題 仲要落住大雨
又問公安 佢好輕描淡寫說 : 逛一圈
呢一圈真係大囉...

終於順利完成 但喺佢個 office 寫住 : 處理時間要24分鐘至24小時 
見議明天開始使用 眼球都飛出唻 
會唔會差太遠呀 你個24

實在太大雨 手機唔能夠再拎出唻 又要躲喺室內
買好晒野 食埋野就走喇

魚翅
依舊好味 依舊爆熱

好多料架其實
肚餓的時候 真係唔應寫呢D blog

~ 係咁先 唔係咩呀 ~