玩野

我總覺得所有電器 都有什麼磁場 (俗稱 : 邪)
例如 : 以前舊公司的影印機 經常壞
壞到一定要call師傅上唻睇睇 超神怪的是 師傅一上唻
該部邪機又會如常地運作 萬試萬靈
大家都無晒符 師傅又以為我地戲弄佢
初初場面都幾尷尬 後來大家都似乎習慣左
佢上唻望兩眼就用得咁囉

今次的開場白頗長
其實我係想講呢個錶盒

向來都有用布將佢遮住 財嘛 不可露眼
前排發現佢有一邊頭唔郁喎 佢唔郁 隻錶當然都唔郁啦
睇返個日期係16號 但幾時的16號就唔知喇
(因為錶唔係我的 所以都無去望佢一眼)
但用手幫佢轉下 佢又郁返喎
咁郁下唔郁下都唔係辦法

所以決定買個新的

咁呀 由於舊果個郁下唔郁下 
(佢未完全唔郁我又唔捨得掉 都要錢買嘛)
所以我唔遮布喇 好等佢一唔郁就換上新的
點知呀... 自從唔遮布之後呀 佢就郁返喇

佢係玩我定係迴光返照呀?