破財夜

突然好想出去行下 (幾時都想去哨街啦 突咩然呀)
行之前都要填飽個肚先

老尖食晚飯一定要早 尤其無 book 枱
唔想等到變化石 真係要一仆一碌碌落去架

好順利咁坐低左 Applegreen
即刻落 order
有好多地方想去嘛 同埋依家興限時交枱的 煩

前菜 要做隻牛 (食D菜)
但一個沙拉 價錢係半百實在貴

不過都好新鮮 唔錯唔錯

睇Openrice 人地話呢個薯條好good架
今次要試下 好脆喎

成筒喎 份量都唔少架
又唔算貴 $28 抵食啦

主菜上枱 燒菠蘿牛扒 超 GOOD
一輪打衝鋒 埋單 唔該

再用極短時間 買到一手都係野 收穫極之豐富
以往每年都出一隻限量版 今年一次過出一套三枝

真係拎唔起喇隻手 唯有收兵歸家