龍年團拜飯

今年的團拜飯地點一改再改 last last minutes 
都係決定去返 '相川滬'坦白講 自上幾次的經驗 
對呢間野信心盡失
食物質素 服務質素 超級唔穩定 時好時壞出街食飯 
至怕貼錢買難受嘛

由於友人們過年已經食得好油膩喇 所以今次主攻小食
(最主要我對佢地的主菜無咩信心)

果碟雞絲粉皮超正... 真係想 encore
但果碟拍拍小黃瓜好奇怪 一粒辣椒都見唔到 
但暗藏殺機架喎 係頗辣的

呢碟叫黃金硬豆腐 同佢個圖差九丈遠 同埋佢係淋豆腐囉唔該
不過味道係 ok 唔錯的

今日唯一的主菜 松子魚 GOOD (比上次的好得多)

友人說 喺佢個角度條魚好靚 堅持幫我留倩影
但條尾... 入唔到鏡頭

吱吱喳喳一輪 甜品就上枱喇
呢個叫什麼香蕉 友人說 應該要熱一點的

呢個高力豆沙 甜到呢... 只可以輕嚐一件

友人仔仔的補習社 竟然出自家利是封
利是封怪很喜歡收藏特別的利是封