自家烏冬

呢間自家烏冬 開就開左好耐
由於個人不太喜歡熱湯粉麵類 所以從未試過
公司附近開左吉之島 順帶左好多食肆
所以就有機會試下囉

真係麻麻熱湯類 所以叫左冷烏冬餐
烏冬相當頗煙韌 質地唔錯唔錯

相同事叫左獎門海鮮烏冬 湯底係辣的

同事評語: 湯底小辣無蝦味 有兩隻勁霉蝦仔 一條普通蟹柳 兩細粒帶子 
兩隻其貌不揚青口 最可取的是兩舊嫩滑雞粒 & 彈牙烏冬 
講明係海鮮烏冬 但唔知點解會有雞
個碗仲要出古惑 個底托高左 扮大碗 真失望

我地仲叫左章魚小丸子 章魚份量頗多 幾好味

呢間吉之島有 b.duck counter

睇得我人流連忘返 又影相又周圍摸
一時誤會左自己係闊太 高茶後可以慢慢濕平
 望一望錶 死! 過晒鐘
一仆一碌咁趕返公司 繼續做工廠區的打工妹