破財夜

突然好想出去行下 (幾時都想去哨街啦 突咩然呀)
行之前都要填飽個肚先

老尖食晚飯一定要早 尤其無 book 枱
唔想等到變化石 真係要一仆一碌碌落去架

好順利咁坐低左 Applegreen
即刻落 order
有好多地方想去嘛 同埋依家興限時交枱的 煩

前菜 要做隻牛 (食D菜)
但一個沙拉 價錢係半百實在貴

不過都好新鮮 唔錯唔錯

睇Openrice 人地話呢個薯條好good架
今次要試下 好脆喎

成筒喎 份量都唔少架
又唔算貴 $28 抵食啦

主菜上枱 燒菠蘿牛扒 超 GOOD
一輪打衝鋒 埋單 唔該

再用極短時間 買到一手都係野 收穫極之豐富
以往每年都出一隻限量版 今年一次過出一套三枝

真係拎唔起喇隻手 唯有收兵歸家

Mrs. Fields

呢隻美式曲奇 從未試過
但過年前經過佢地間鋪 友人話都唔錯架
所以買左幾片唻試下

佢個質地係我超喜歡架 軟軟淋淋
雖然有點過甜 但每次食少少 真係非常OK

佢D曲奇種類都頗多 埋到 counter 眼花撩亂
結果梗係... 胡亂咁亂買啦

除左有提子乾果D唔要 都係每款買D囉

買到連人家的 coupon 都買埋一份

香港九龍半天遊

唔知有幾耐 無再搭船過海
難得今日要香港九龍兩邊走
就去幫襯下

好似第一次坐下層 頗接近水面
但由於係開放式 吹住海風 凍到僵

風大自然浪大 仲要有大船經過

好彩都只係幾分鐘
但我的鼻敏感非常敏感 只需海風幾分鐘
乞嚏 + 鼻水就唻料喇
亦唔排除係前晚酒店的冷氣系統令我嚏過不停又鼻塞

順德遊 Day 3

最後一日喇

食過早餐 第一個景點 拜神是也

大家努力行上山

天色好明顯麻麻喇 不過環境唔錯

終於上到喇 地方....大....很...得

第二個景點都係拜神 然後就要上車返堔圳喇

~ 後話 ~

今次 無論部車/司機/導遊 都強差人意
先講部車 我地果部超巨巴 車身好高 有五級極高的樓梯
對於有腳患的老人家 包括老媽都超唔方便
每日都要上上落落咁多次 腳都軟埋
車身又長又高 國內好多地方路口都過唔到
行左好多怨枉路

行咁多怨枉路的另一個原因
係個司機根本唔識路 唔識的程度係完全唔識
差不多每日都係不斷搵路 錯完又錯
無辦法之下 導遊要落車問途人
不過聽聞 呢個司機都係臨時拉夫上陣的
原本安排左個司機 突然唔舒服入左院 咁無計啦

但最唔掂係個導遊
懶... 超級懶 遇過咁多個導遊
從未見過一個係咁懶的
一落車就不停講電話

睇佢都好年青 但都叫出唻社會搵食
要專業小小嘛  夠膽死 你帶大家去到景點
介紹都懶得介紹 叫我地有興趣就自己去行
然後就自己匿埋一邊講電話???
仲要每個景點都係咁 你係咪出唻撈架?

每次旅程回程果陣 我地都要有夾D小費
俾司機同導遊 但今次真係俾唔落手囉
咁當然最後仁慈的爸媽都有俾
但後生仔 你真係要落點工夫啊
否則好快就被人淘汰

順德遊 Day 2

話咁快 就到第二日喇

呢間酒店好GOOD (起碼好過上次廈門的 多多聲)

第一個景點 唔知點解 用面盆作一個瀑布
其實無咩美感可言喎

轉個頭 我地去左呢到
呢到以前係好出名的陶瓷的地方
好多人唻參觀架

媽媽以前唻過 仲有得示範俾旅客睇架
依家無晒喇

無得睇示範 都可以睇下製承品

成個場地好大 左穿右插

旅行的時間就係咁快過 玩無幾玩 日落西山

夕陽無限好....好...好...好


轉頭又食晚飯喇 過左農曆年咁耐 仲有咁大盆桔

順德遊 Day 1

又出發 今次目的地係 順德 let's go

天都未光晒就要出發 去到堔圳灣 
太陽伯伯先剛剛起身兼梳洗好出唻見人

天色似乎唔錯

第一個景點係公園 耆英嘛
唔係拜神就係公園啦

呢個公園都幾靚 相信都幾多國內劇喺到拍
因為門口寫住請臨記

鏡頭一轉 我地就坐低食晚飯喇
順德好出名的私房菜 巨魚
(留意隻碟同枱面個轉盆一樣咁大)

每次有魚要出場 都吸引所有人 大家都放低筷子影影影影
要四個大男人搬條魚 真係幾誇張

我地一台8人 個個都好喜歡食魚
條魚總算無嘥