失魂魚

近來 我發覺自己的失憶症嚴重左 (註: 原本已經好嚴重)

今年我晨早已經 Plan 好晒D假期 點知叔叔的事
所有計劃都取消晒 呢D咪叫人算不如天算囉

我地無咩呢方面的經驗 (俗稱:戇居居)
身後事宜已經一頭煙 好彩所有儀式一切從簡

但去到要處理遺產事宜 真係煩到呢...
初初以為銀行小數目 竟然唔記得左有強積金

由於我地又無什麼身份証明文件
連要同佢確定叔姪關係都得去搞

今日專登請左半 day 假去搞辦文件

點知... 連我自己張身分證都唔知死左去邊
官僚就係咁 就算有 copy 都唔得
諗極都諗唔到張身分證去左邊?
最後一次拎出唻用係叔叔出殯果日
但果日著過D衫全部洗過晒喇喎
然後... 又好似去過銀行
唔通漏左喺公司? 即刻打返去請同事幫忙搵下
再打返屋企請家人幫手搵下

繞讓左一大輪 終於俾老媽喺一件洗過的外套袋搵到
咁好喇 即係今日咩都唔使搞喇 返歸

為左呢幾張相搞左好耐 POST 極都 POST 唔出