追星到澳門 01

人都已經唔後生喇 仲學人追星
今次仲要去到澳門 咁澳門當然無問題啦

咁點解要追星呢 其實有段古 有條 cheap 妹人家喺香港開 show 果陣 
又厭貴 但人地出碟果陣就超後悔囉
知道林一二再喺澳門開 show 真係唔敢怠慢 即刻做野

第一次喺屯門出發 以為無咩人 點知去到碼頭 已經好多人喺在等
已經無晒窗口位不特止 仲要爆滿 無位可以換
隔離果個阿婆真係煩到呢 佢做每一樣都要講出唻
例如 : 我要睇下報紙先 (睇的期間仲要讀出聲)
我要食D野呀 (佢每 5mins 就要食D野)
個 MP3 player 開到幾大聲都聽到佢把聲
期間佢仲要不停開/閂喼

好彩好快就到

今次唔止船係新出發地點 連間酒店都係新選擇
去酒店放低行李有少少阻滯 搞左好耐 不過時間尚早

第一餐 : 三元粥 (金銀丸粥)

仲要加雞蛋

以前D粥好香好鮮好好味 但今次D粥好淡 所以落左少少豉油
(我知 應該落鹽嘛 但佢無提供 只有胡椒咋) 即刻好味晒

隨即食第二餐 : 香島
佢D奶茶好出名呀 仲唻件鮮油多

食得飽飽 遊下車河 向路環出發

呢張澳門通 真係超超超級正
市區單程車費要 $3.20 拍咭收 $2.00
入路環單程 $6.40 拍咭收 $3.0
最最最重要 若然你落錯車(早左站) 再上同一 number 巴士
係唔使錢喎 痴線
佢仲有轉乘車優惠 即係又唔使錢 痴線x2

太陽很好呀 曬得你全身暖笠笠

澳門有好多噴泉 我一直想影佢噴到最高的狀況 奈何手機的反應唔夠快
(今次旅行我想測試手機影相的效果 如非必要 相機係唔會出動的)

影左好多張'失敗'照 有少少氣餒 影下D靚花

真係好掛住你呀 澳門

今日好多人的教堂 個個都爭住影相

影下我喜歡的樹好過

鄉下地方就有鄉下地方的特色 通地狗屎 仲人中招
睇相都幾靚 但其實現場都幾臭

影到咁上下 食隻葡撻走人
有條矇妹 買隻蛋撻 + 幾件朱古力蛋糕 差D俾人呃錢
條矇妹食食下隻蛋撻 覺得唔太對路 突然清醒左
 返轉頭追返D錢 (D錢可以買到1.5盒杏仁餅架)