Cadero Grill and Oyster bar

自從上次喺 hotel icon 食過生蠔之後 一直都好想再食
生蠔呢類食物 梗係即開即食最安全啦
但要咁新鮮 價錢都唔會平喇
我從未出去食過生蠔 係咪真係人地講得咁正呢
左揀右揀 就決定呢間
一入到餐廳 都覺得有少少唔對路
成間餐廳得三枱客 有兩枱仲係淨飲果隻
咁既來之 則安之啦



一大碟生蠔 買一打送半打
點知...友人食左第一隻 已經睇到有蟲
經理解釋蟲 只會喺蠔殼外面 無問題架
又點知...友人再食第二隻蟲 又唻 say hello
職員再次解釋 要好新鮮先會有蟲



搞到我每食一隻前 都細心研究 + 尋找蟲好彩之後果D無
呢張係生蠔唯一的單蠔相 之後的都掛住食食食
無晒



鏡頭一轉 好新鮮的沙拉上枱 good



蒜蓉包狂人見到餐牌上有蒜蓉包 好想 order
點知上枱的係一碟...炭 三條野價值 $40
飯後評論 : 呢間野唔值得推介 友人們唔使去
講完





食完唔太滿足的晚餐
點都要食埋甜品
友人的 顏色好 colorful



我的 cookie & cream + cuppacinno
唔太甜 幾好 但上面片蝴蝶結朱古力係大陸貨式
點解咁架? 佢已經係名牌雪糕唻架喎

踏上歸家路 尖沙咀幾時有咁靚的地方架? 
究竟我有幾多年無唻過老尖呀? 變左咁多?