好回家

我深信 絕大部上司會覺得自己的下屬
有80%時間都係玩手指玩頭髮 or 玩 facebook
亦唔會了解下屬喺工作上遇到咩困難
亦以為下屬係萬能 + 千手觀音 + 八爪魚
當然 喺佢地高高在上的地位 + 工作上的經驗
佢吩咐落唻的工作 當然好輕鬆就可以完成 (如果係佢做的話)
但對下屬唻講 就困難重重 求助無門
前陣子工作上的一輪調配 無疑工作量'表面上'係少左
但絕對唔可以講係輕鬆左 因為同時間地 亦有新工作交到手上
又非常無奈地 原本負責的同事極不負責任 & 混亂得很
佢做的所有 worksheet 難明到呢... 相信只有佢自己先睇得明
(不過佢做左咁多年都無人出聲話有問題 可能係我太蠢吧)

當我仲研究得一頭煙的時候 上司'查詢'我的工作進度
佢竟然問爭D咩 我當刻好想講 : 好明顯係爭對手囉
眼見同事玩 facebook 就係佢一天的工作 自己就做得死去活來
書展/美食節都唔使旨意請假 就連想陪老爸去覆診都唔敢開口
不公平的怨氣當堂湧上心頭 可憐上司亦唔(會)理解
只係一味吹吹吹 大佬呀 我依家無做野白賺你人工咩

尋日又被追交 report 心諗咁都唔係辦法
把心一橫 print 晒D野出唻 帶晒返屋企做 起碼屋企無人嘈 無電話響
今朝再晨早返去做埋D手尾 盡快交左 report 大家都安樂晒



由尋日開始 工作差不多接近 22hrs + 整晚都睡得不穩
喺回家的車程 終於可以鬆一口氣 & 可憐我兩個膊頭差不多甩出唻 好痛