美食博覽 2011

忙碌的週末 唔記得有幾多年無去過美食節
因為其實變晒質喇 切得比指甲還要細的試食 只能剛剛濕到條舌的試飲
真係好能清楚試到味道喇

試食試飲都可以算數 唔試又如何啫 買平野先係我嘅目的
又點知喎 佢近年痴根地要買大量數目先叫平D
例如 : 買10包先送 1 or 2 包 = 一下子你就有12包野喺手
點食呀? 最重要係點拎呀?
你買一兩包根本無得平 甚至乎超市大特價仲平過佢
所以好多年無去 lu
但今年喎 竟然去左2次



就係為左佢 尋日去果陣 諗住走果陣先買 (費時拎住周圍行嘛)
點知未夠 15:00 已經賣晒 係每日限量架咩?
又唔早講 自己買唔到都係其次 我應承左幫人買嘛
呢個福袋絕對唔叫抵買 但出邊無得賣嘛
又好彩地老媽竟然為左佢 俾我再去
(要知道來回車費+門票 要$65啊)



呢個冰皮趣脆 喺門市見到已經俾佢個(袋) 吸引左
無錯我淨係想要佢個袋 但$80/set 我又唔捨得
會場竟然係 $100/2 set 唔係諗即買



呢個餅想試好耐架喇 但未試過我又唔敢亂買
(要知道喺我手上浪費的食物何其多 

我幾肯定下世會活在埃塞俄比亞要為今世浪費的食物贖罪 )
今次試左先買 無問題啦



藍鑽石果仁 係 must buy item



喉嚨經常不適的人(我) 要常備枇杷膏
怕自己拎唔起 所以買左方便裝



今日重頭戲 其實尋日都見到架喇 什麼D24榴槤
真係估唔到 會場竟然有得賣 連飛機/酒店都係禁物
若然佢附近檔口有人唔受得呢D咁濃烈嘅味道
都幾難頂 一日困住 12hrs 喎 榴槤呢家野 只有極喜歡 or 極唔喜歡嘛
原來老媽想試下 當然佢唔知價啦 老爸應承買俾佢
好明顯我家都係平民百姓 什麼山珍海味呀 燕窩呀 從未買過唻食
什麼D24 貓山王 當然都從未試過 經過檔主極力推介 我地揀左成檔最貴的貓山王
一粒唔算太大的 已經要 $398 一粒生果成四百蚊 老爸猶豫左一陣 最後都決定買
不過好明顯佢都嚇得呆一呆 人一世物一世 就試下囉

就係呢細細袋 四百蚊喲 雖然又盒又包 包完又包 其香味真係...依然會漏出唻 

好彩部巴士唔算多人
 亦無超討厭榴槤嘅人 順利將佢帶回家
(我真係見過有個男人因為有人 拎左粒榴槤上車 鬧足全程車
仲要係80%都係粗口 好似殺左佢全家的血海深仇一樣 好惡毒架)



好彩粒榴槤真係好靚 一開出唻 全場都讚不絕口
連老爸唔太靈敏的臭覺 都聞到佢陣味 俾左少少佢試 佢都話好甜
老媽食左一輪 話要留返呢D 慢慢品嚐 

見佢咁開心 貴D都抵