我不信愛

喺媽口中 我係冷血無情 從不動容
無錯 有時候我好怕人太濫情的
不過冷血又似乎未至於 但無情...確實係嘅

求學階段 同學間嘅感情 來得簡單純真 
快樂嘅生活隨著胡鬧而過去 令人懷念
後來出唻工作 多年來得到同事間嘅冷漠 
再加上多次被出賣的經驗 果種反轉豬肚就係屎嘅感覺 
實在令人難受 亦令我明白人性真面目

結果練出一身硬朗 所有感情全部收起 
都係隔岸觀火好了 要埋身的 都係有D人好需要愛情 
同學們在求學階段 已經急不及待 搵個男朋友仔拍拖去了

我呢... 完全無興趣喎 唔知係咪DNA 出了什麼問題 
我就好似唔需要呢種愛咁囉 又眼見同學感情翻波 
總是哭哭啼啼的 令我十分煩厭   固然我都試過所謂的
談情說愛 試問一個極唔喜歡講電話 又唔喜歡交待下落 
又唔喜歡聽甜言蜜語的人 下場都係咁啦 反而更樂得清閒

成長過後 對愛情觀得不到改變 
反而從朋友身上的經歷 更令我卻步 好友的父母
喺我眼中 係極度恩愛的夫妻 誰知女伴離世後 
男的第一個反應不是傷心 反而是想喺極短的時間 
另找伴侶...行為更有點不智  我盡希望佢只是一時傷心過度
反常了吧... 另一方面 我亦替好友傷心 
人的感情就係咁脆弱 '愛情'更是不可靠
友人只會向我哭訴感情上的痛苦 快樂的情節全部省略 
分擔到的 只是苦惱 我真心覺得煩 若然覺得咁困擾 
分開一下就好啦 點解要自找麻煩呢? 要生要死的 睡唔著
食唔落的 一個人生活真的活不下去嗎?  呢點係我最唔明白嘅  
唔通真係如人地所講 愛情會令人又盲又聾的?
清醒過後 會覺得自己太蠢了嗎?

其實我極唔相信 一個無血綠關係的人 
會無端端'深愛'另一個人架 果D一見鐘情
sorry 我唔信囉 就算一對夫妻/情侶 一起生活幾多年都好 
話要變一夜就成仇人 近年的情殺案恐怖到極點 
以前俗語說 : 一夜夫妻120蚊 現今社會仲會值120 蚊嗎? 
無可能吧...

我的世界裡 只有一種愛係值得信賴 就係親情  
雖然有時與哥吵吵鬧鬧 但他總是讓著我的  
(不過你唔好同我鬥'硬' 你沒我辦法的 ) 一直以來 
爸媽為我地'無條件'付出嘅一切  任何時候 心仍是暖的
就算做錯什麼 到最後 都被原諒的
就算幾無理取鬧 到最後 投降的只會是爸媽 
不得不承認 我是被寵壞的女兒  
一個人的生活 一直活得不錯

PS: 打呢篇blog 並不是發生什麼事 只是昨晚睇的韓劇 
佢地的'感情' 實在太誇張了

講完