發牢騷-炎夏

我唔太怕熱 但勁怕曬 曬一曬 就會頭暈眼花 而且全日最熱的時段
都身處 office 埋頭苦幹 外間的熱空氣 好少感受得到

但總有例外的時候 尋日 lunch time 務必去銀行走一趟 點知返到公司
全個下午都有作嘔的感覺 當時心諗 身體真係咁差  直至到放工的時候
返屋企的途中 見到一個中學小女生 著住一件長袖的冷衫 企在街上等朋友
照計當時都有30度 雖然我都唔太明白 點解大多數的校服 係白色長裙加條膠腰帶
超肉酸囉 陽光下又超透 但點都好 喺 over 30度的氣溫 絕對唔可以著件冷衫囉
淨係摸到 都想流汗啦 仲要著住周街行

見到果個小女生 我又想嘔喎 當刻即時諗起 lunch 喺餐廳亦見到一位小女生
都係著住冷背心  相信係焗了一個上午 她的體味 超級濃烈  有狗仔鼻的我
喺防不勝防的情況下 勁索了一野   當場想反胃 她的味道 不是汗味 係好濃烈的狐味
其實 deodorant 已經係上世紀發明左 種類多到呢... 炎炎夏日 就算未確定自己有無狐味
但總會出汗呀 deodorant 絕對需要使用呀 用左又沒蝕底嘛 係咪先

對味道極度敏感的我 狐味...絕對受不了 這是夏天唯一的不好處

尤幸當年我的校服係超靚架  分開兩截的衫裙 奶茶色的上衣 深咖啡的半截裙
又唔怕污糟 講真我地學校好少人會著冷衫架喎 記得我揀上呢間學校 呢套校服都佔好多分架

講完...