青山黛瑪

尋日無拉拉 友人話有兩張 "青山黛瑪" 的迷你演唱會門票
地點是九龍灣展貿中心九展... 一想到咁遠就想拒絕
但依家好多演唱會 都選擇喺呢到舉辦 避得一時避唔到一世
而且10月 都要去睇森小 今次既然有伴 就試走一趟

青山黛瑪...日本女新人王 20歲的女子 她的歌 903 plug 得好勁 
尤其係"留待在我身邊" & "就這樣" 其他就唔太熟喇
事前都怕會有悶場 原來都好易投入到喎
呢類迷你演唱會第一次睇 原來係企的
好彩只係一個鐘頭 否則阿婆D骨會頂唔住

由於是企位 大家都急於逼喺枱前 原以為揀旁邊企
應該無問題 點知開始無耐 D人就逼滿喺我地後面
照計企喺我地後面 應該都唔會睇到枱上的表演
結果一邊留心枱上的 一邊又要攬實自己個袋
(我總覺得 現場會有小偷) 都係小心D好



入場就派了一pack 紀念品 (係襟章唻架) ok 靚



原來...所有門票都係免費架 入場已有紀念品 離場時更誇 一大袋東西拎走
包括: 1 個環保袋 + 1 樽水 + 1 樽玻璃有汽果汁 + 1 個folder + 1 張poster +
2 條 fruits soy bar 免費飛都咁多野送 今次仲唔係又食又拎

今日試左一間想試好耐的餐廳--麻布茶房



呢 set 叫免治肉醬屏屏麵 唔知係咪太肚餓 好好味喎



好明顯啦 什錦天婦羅 哇 好味過"和民"果D多多聲 炸漿薄得多



呢個土佐豆腐 千祈唔好俾佢咁靚的外表呃到 其實唔太食得 裡面勁油
唔該可以上甜品喇 其實一心係想唻食甜品的



友人的抺茶冰淇林窩夫 脆脆的窩夫 好味



我的香蕉朱古力芭菲 好彩果D朱古力漿全部係底 實在太甜喇