今次個旅程真係又短又趕
好多想試想去的都放棄左
呼一聲 已經係最後一日喇
ok 食個早餐醒一醒先
今朝揀左韓式餃子
嗯....個餡好結實 但D肉好鞋
唔似香港D肉都係滑滑的
聽聞好好味的泡菜
又係聽聞好好味的冷麵
我可以食的 只有餃子 & 餃子麵
其實佢全間店都係得呢幾種食品
我地已經叫晒唻試
應該真係相當唔錯喇 因為開鋪無耐
已經 full 晒
大部份時間都係大排長龍架
之後佢會派粒香口珠比你清下個口
好滑架 但我地搵唔到有獨立包裝的賣
去南大門逛左一陣 我地要返酒店 check out 喇
之後我地就出發去食 lunch
孔陵一隻雞 佢係睇人頭比的
我地四個人 所以有兩隻
有團友唔食雞 前日佢喺春川雞已經好比面食左四件
今次佢堅決 say no
比你影完張相 佢就會幫你剪開一件件
嗯...其實長期用水煲住D食物
過熟又走晒味
好彩我係雞胸會會長
幾鞋的雞我都可以食 如果唔係就浪費晒
D精華喺晒D湯到
可以加麵 or 飯 撈晒唻食
我地兩樣都有加
可惜 忘了影相 都幾好味架
之後我地就去左梨大 shopping
講到 shopping 無女人唔啱嘛
團友們 滿載而歸
我無野做 走左去飲咖啡
衫褲鞋 我都唔啱睇嘛
終於 break 一 break 喇 佢地
喺明洞排晒長龍的 issac 三文治
梨大無咩人 仲有得坐
但由於我剛剛飲左咖啡
要食份輕量的
芝士 火腿 雞蛋 三文治
賣點其實係佢個汁 酸酸甜甜
未算好有驚喜
友人揀 多D料 應該好味D
然後又行一輪 見到呢個
類似冰糖葫蘆 但我無食過真的冰糖葫蘆
但呢個係士多卑梨 超吸引
一咬 D士多卑梨汁爆晒喺口 好正呀
遠觀一下梨大 無行入去影
唔知點解 假期學校都咁多人
然後我地又返酒店放低野
喺地鐵街見到呢個 好吸引呀
要留個倩影
我地只係揀左兩款 團友們覺得麻麻
我好喜歡呀 裡面類似過年食的 "牛耳"
我收左喺背狼 諗住夜D食架
點知拎返出唻 油晒 唔食得喇
團友們努力執喼 無聊的我影下日落啦
之後我地去左酒店間 school food 試下
三杯顏色好 sharp 的飲品
好出名的紫菜包飯 要試下
但唔知點解係點沙拉醬
其實每種都有少少辣架
呢個係好濃味的韓式年糕 好好味
哇 呢條野 辣到爆炸
咬左啖 要飲三杯水
呢個冷麵 只能遠觀
想試呢個汁好耐喇 臨走一定要試
點知...勁酸
之後就精彩喇
我地去左東大門....對面
喺香港無機會睇的玫瑰花海
韓國補返
好靚呀! 但其實條街好凍
狂吸D寒風 又咳又流晒鼻水
之後團友去左東大門"最後衝刺"
我上左頂樓睇其他野
終於買到手信比媽媽 嘻!!
返明洞食完晚餐就要出機場喇
其他團友揀的石頭鍋飯
我想試好耐的冷麵 幾好味架 但...
叫左醬油蟹嘛 個麵當堂比下去
個蟹真係好好味 我會掛住你架
