韓劇就睇好多 但韓國 唔係我會揀的旅遊目標
主要係因為....無咩啱食啦
"負辣"程度 算了吧
自從認識左旅遊達人之後
好多不可能都會改寫
有人樂意安排行程 租車
訂房 訂機票
咩都唔使煩 夾錢就可以出發
係幾幸福的事呢?
去韓國係半夜機係正常
我地係 21:50 諗住落機都可以去酒店眠 2粒鐘
點知 天氣不似預期 再加上長假期
好喜歡旅行的香港人一齊出遊
上左機都仲要排隊起飛
結果差不多 delay 2hrs
天氣唔穩定 + 坐得極唔舒服
感覺飛左好耐 終於見到燈喇
遲左咁多 什麼都失晒預算喇
結果我地搭的士去酒店
遇到唔識路但盡責的司機
搵左好耐 最後打電話問人
終於平安入到酒店
原本可以眠一眠的時間無左
只可以沖個涼就要出門口喇
噢 韓國的日出 仲有小鴿子伴住
哇!! 不得了 超好味三文治
勁想買一份袋喺身
我地參加左 韓國 one day trip
所以又要上路喇
第一個行程係跌路單車
原來都幾難踩架 尤其腳短人士 (我)
頗吃力 而且吹住迎面冷風
成個人醒晒
可惜係冬季 沿途望到的只有 "枯色"
沿途有幾個山洞 呢個係最特別
有D閃閃燈 好靚呀!!
原來有影到呢對男女 (公仔)
我地四個人踩四人車已經好吃力
前面得兩個人踩四人車 必定更吃力
所以佢地踩得...好慢
終於到左站喇 遠望風景唔錯
但因為剛剛回暖 蚊滋繁殖得好多
好恐怖!!
坐左小火車回程 司機已經在車站等緊
之後就帶我地去食飯
好出名的春川炒雞
我地有六個人 可以叫兩盆
呢盆已經係唔辣 但都辣啦
齋食真係食唔到
好彩有呢個菜 超新鮮啦 好甜的
用唻包住D雞 就可以食到喇
最重要係無限添食喎 自己去個柜到夾 正
職員經過又炒幾炒 經過又炒幾炒
成形喇 好香好吸引
食得!!
之後仲要倒入白飯 紫菜 落去炒
又係經過炒幾炒 經過炒幾炒 食得
好好味呀!!!!
食完炒雞 我地就出發南怡島喇
見佢咁得意 留個倩影
友人叫我埋去影張
哇 佢全個頭佈滿蚊滋 遠觀就可以了
搭左程滿佈蚊滋的船
終於落地喇
環境非常唔錯
冬日戀歌 都係喺呢到取景
所以吸引好多遊客
呢到就係劇中主角定情的場景
唉! 缺德的遊人 破壞晒
由於踩完鐵路單車 又食完飯
大家都攰 + 勁眼瞓
結果有人提議租單車踩 (又?)
但果D單車又殘又舊
同鐵路單車一樣難踩 遊人又多
勁怕炒車 撞到人點算呢?
所以更花精神 更花體力
上車出返市區 全部團友
全軍覆沒 zzz
旅行就係咁喇 食啦買啦
所以我地....又食喇
好靚的手拉麵
韓國...什麼植物都拎去醃
呢片葉好粗好鞋 又好酸
辣蘿蔔湯 聽聞勁辣的
新鮮沙律 聽聞暗藏殺機
又係辣的 好彩我今日的菜量
已喺春川雞到爆額 無食到
主角終於上枱 蒜蓉豬手
勁多骨膠原呀!! 飽飽
之後我地去行地下街+超市
差不多 40hrs 無瞓 + 連踩兩鑊單車
連閃紅燈的氣力都無埋
結果要搭的士返酒店
放低野 喺附近食左飯就要休息喇
噢!! 醬油蟹
我地終於見面喇
呢個蒸蛋 非常好味
人參雞 好清 = 味極淡
醬油蟹又係會加飯 & 紫菜落去伴
超級好味
原本好期待的鮑魚粥 又係令人失望
淡味如水
吹左一日寒風 D骨/股肉痛到不知得了
好彩我地間酒店有浴缸 放盆熱水浸下
再捽D白花油 (幾阿婆 哈) 當堂舒服晒
