築地哈林

今日喎 ah dee 個獨腳劇 ~ 築地哈林
終於開 show 期待左好耐







先講下個劇照 嘩下 超靚呀 係過往咁多劇 最靚的
今次喺小劇院上演 由於係不設劃位 大家都早早到場排隊
但有小插曲 話說排前面有兩個人 點知一陣又多兩個
 一陣又多兩個 結果多左 13個 當然覺得唔公平
排我前面的姐姐仔仲向工作人員投訴 但人家點會理呀...
不過個場咁細 坐旁邊都唔太大問題

一開場 ah dee 清唱左首歌 好勁呀 當刻好想拍手呀
佢D唱功好過好多歌星仔囉

獨腳戲真係唔易做 選擇細場係好明智的決定
由於坐喺第一行 (其實都係得三行) 有一刻同佢有眼神接觸
嘩...成個人震一震

到個劇後段 有幾幕都幾寒
尤其係個假屍跌落唻果下 成個心飛左出唻
今次個場刊 係一本小書仔 印刷得異常精美
回家途中 已經忍唔住拎出來睇 隔離個叔叔 好想同我分享

人家買樓就話買樓花 估唔到買碟都要買碟花
(佢隻新碟仲未趕起 要多等一日)