柯迪夫

等左好耐 終於等到喇



" 柯迪夫 "



點解場刊無夾到 postcard ?
睇過王菀之兩次的舞台表現 (big nose + 柯迪夫)
發覺佢真係好適合做舞台劇喎
唱功真係好勁 成場劇又要唱又要跳 仲要話帶傷上陣
(又拗柴 + 斷腳指骨) 都無咩影響演出
可能佢強忍住啦 真係戥佢辛苦 不過一切努力都無白費
因為D飛真係好難撲 又好彩有得優先訂飛 唔使出去排

先講少少題外話 真係好怕D明星坐喺附近 
因為散場果陣 真係勁似走難咁
坐我後面就有 小儀 + 楊千嬅 + 農夫
散場果陣 我相信至少有 30人 圍喺窄窄的通路 蟻都逼唔入
實在太誇張喇

一開場 阿祖唱 : 邊個發明了返工，我請佢食米田共...
真係超爆笑 好應該收錄喺柯迪夫大碟內嘛

呢套劇係講一班年青人 因種種理由放棄夢想 各自懷住遺憾長大
各自有各自的工作 但心裡對當年的夢想念念不忘
10年後 大家拋開一切 實踐當年的夢想
仲有好幾場演出 大家要小心唔好再受傷 
好好保養聲帶唔好令排左咁耐的劇浪費呀