真係咁神奇?

呢個 yahoo blog 又唔知神左咩

神左 出唔到 blog 都無奈地 OK

最最最神奇 係你 edit 過你篇 blog

佢成功俾你 save 又俾你 post

之後幾日都相安無事架喎

但某時某日你再睇返 佢會變返你未 edit 前的模樣

真係咁神奇?
(老爸近排的口頭禪)

會唔會係鬼上身呀 使唔使搵D大師返唻做D野呀?

不去不去還須去

 dee你呀 好嬲呀 打左又無晒 超級嬲呀
又要打過

對腳好軟好軟 軟的程度差少少就落唔到樓梯 (係差少少 仲落到)
尋晚約左個高人打波 激戰一晚 今日全身肌肉已經好酸痛
但仲要去書展 真係有諗過唔去 (雖然已經請左假)

係呀 明明講話唔去嘛 (我無失憶 大家唔使提我)
但身邊一堆友人(係一堆呀) 不停問我 : 多唔多收穫呀? 多唔多人呀?
無去幾年喇大佬

之後呢堆友人
喺 facebook 不停 post : 去左兩日勁多收穫
另一友人更說連車仔都壯烈犧牲
搞到人地心癢癢

跟住另一友人說 : 今年D空間好大呀 無咁逼無咁焗
(連呢兩個咁缺點都改善埋 都可以去'行'下)

出發前我已經鎖定目標 只係三本書
(真係真係無位放喇 再買真係要搬架喇)



以往都係入場前 喺便利店買定票 原因係避免排完買飛又要再排入場
但原來依家 12:00 前入場只需 $10
雖然係要即場買 但平成半有多 (原價$25) 
橫掂向來我都早 就現場買囉

今日係 last day 大家都趁機執平貨 但時間尚早 未有人潮管制
順利入場



迪偉本'筆舉直插'尋日斷左貨 好彩今日返得切啫
Leo本'敗犬男'都賣晒架 好彩之前喺書局買左
好怕專登入場買又買唔到 果隻失落感實在太大



呢套 CD box set 唔係我的目標之一 我目標係佢附送果本書
初初唔知係成套買架 我問 sales 妹妹 有無淨係本書賣架?
佢好巧妙地答 : 你買本書咪送五隻CD俾你囉
你好野呀 呢 $150 俾你 
CD 轉送給很喜歡舊歌的老媽 但其實所有歌屋企有齊晒



估唔到只係7月 已經有2011年 schedule book $55 ok 啦



行左3粒幾鐘 再落銅鑼灣行左粒幾鐘 再落返灣仔搭車
上到巴士 很餓很餓 即場開左包填肚



update on 28/07尋日買漏左一峰本書 都費時去書局睇 (應該未有得賣)
便利店都有得賣 仲要總有一間喺你附近嘛 超方便
最最最重要 都有八折

好奇怪喎 場館真係無咁逼 冷氣又ok足夠(有人更要著外著)
但入場頭一個鐘 我都係不停流汗 係狂滴落唻果隻誇張流喎

喺書展控制得好好 真係買左目標的書就收手喇
點知...落銅鑼灣走左轉 失手喇(終於) 滿載而歸
返到屋企 除左D手腳 連膊頭都痛埋(個袋太重)

樣衰怪

我家有隻樣衰怪



唔止個樣衰 連D姿勢都係衰 成隻軟皮蛇咁



好明顯 佢都察覺到自己太衰相喇 擺返好D手腳
其實佢係沖緊涼 享受ing

窩心的禮物

今日收到這小的禮物 真的很窩心







係友人一針針縫給我的 窩心程度 x 2
拎出唻俾家人欣賞 最大反應的 竟然係哥

好得意呀 可唔可以整隻藍色俾我呀
好可惜 你妹這方面的天份係 : 零 (ok 甚至係負分)
整日我哥都將佢帶喺身邊 就連落街食 tea 都話要帶住

好彩係紅色的 否則佢實據為己有
我哥還為這隻 唔似狗唔似馬的東西改左個名
"馬英狗"

唔去書展

呢幾年 都無再去書展 多人係其中一個原因 

場館太焗係另一個原因
最大原因 係怕自己去到會場失控



不過今年有好幾本書想買 唯有去書局入貨
很喜歡看少爺占的'交換日記' 個人比較喜歡佢同一峰的版本
王貽興的文字 實在太咬文嚼字了 (俗稱 : 悶)

仲有幾本書局都未有得賣 唯有...等
我呀 真心覺得書局喺書展期間 都做八折囉
起碼唔使D人一窩峰咁湧晒去書展 自己都有得兢爭嘛

黑雨

臨近放工 突然掛起"黑雨"來
其實就算唔係黑雨 都心知不妙
望出窗 見到的只係 : 雨 (好似瀑布咁)

我決定自行提早放工 ~ 3mins



要知道逢黑雨呀 打風呀由市區入屯門  真係好睇你彩數
半身全濕是必然的 夾喺巴士前門都係必然的
今日我竟然得到上天的兼顧
先要遇著一個非常好的巴士司機 佢見到我急步追車
竟然肯等埋我
(因為會 pk 呢D天氣絕不能跑)

上到車坐低左 連頭髮都滴緊水 連忙抹抹抹抹
(濕晒身喺冷氣巴 係必然會中招的)

濕身的程度絕不講笑 一條毛巾仔 都扭得出水呀
回過神發現 成部車只有十多個的乘客
如果個車廂 日日都係咁靜就好
sorry 太貪心喇

心聲

特區政府建議全港各區加建骨灰龕位，

結果引來受影響居民聯同區議員強烈反對，
特首曾蔭權昨日出席地方行政高峰會，

借機向 18區區議會主席發炮，批評地區人士

抱着各家自掃門前雪心態，拒絕承擔社會責任，

只求將厭惡性的設施推到其他社區，

又點名要求沙田區議會主席韋國洪，

親自解決石門區居民反對建骨灰龕事件，

不要再將責任推到政府頭上。

我諗呢D係曾特首的心聲

眼見呢幾年 政府都不停推選一D地方 但從未有一處成功被贊成

結果一眾自私的人類 倒頭來又責怪政府唔積極 

仲要投訴D私人骨灰龕壟斷市場

(今年拜山時 曾問過私人的骨灰龕位 這位目中無人的主持

(該處其實係佛寺)  眼尾都不看我地一眼 

淨說 : 8萬 一年前只是兩萬 轉眼漲價4倍)
睇怕窮人死後都係全部灑落海算了 但灑落海都要錢囉

好喇 再無新的骨灰龕場 以後拿取到仙人的骨灰 就放在家中吧
(又可節省每年去拜山的時間 多好)
大家都拿些少良心來做事 政府出什麼的方案 

都被否決 香港遲早比祖國更落後
~講完~

波點狂熱

前幾年 突然喜歡'波點'來
所以連帶喜歡上 head-porter 這牌子

(它有很多波點的產品)
我亦用最大的努力去搜集

某日落雨天 喺街見到個少女 拎住一把超靚的波點遮 

我如鬼迷心竅地跟住佢
(當時係朝早返工時間 我亦唔知跟住佢做咩)
跟到第二個街口 竟然俾我望到個牌子label ~ ice fire

即刻去專門店睇下 原來係一把自動遮 

但價錢竟然係 $148 太貴喇 天使極力勸阻 : 唔好買啦 

(你家的遮山 已經可以用到孫兒那代了)

這件事已經係舊年去台灣前發生的(即舊年9月) 

我亦係台灣搵到一把同 pattern
但價值只需$50 的代替品 以求了左件心事
但唔知點解 呢把靚遮 一直無喺我記憶中消失 ok 

既然係咁 今年4月終於收歸國有

老爸依家接受電療 要避免曬到太陽 

更何況依家D太陽真係好似想曬溶你咁 

我地要求佢帶遮 佢都好聽話無抗拒 我喺堆遮山中揀左一把淨色又深色的 

點知...佢用左一次就話好難用 

(其實係佢唔太識用手動的雨遮)

點知...佢突然致電俾我 : 喂 我喺你的遮山裡 搵到把正野 

好好用呀 一按即開架 (佢唔知果D叫自動遮) 

喺我堆遮山中 自動遮只有兩把 一係粉藍色的 
另一把就是超靚波點 唔使問喇 超靚波點已係佢的囊中物了 

我自己都唔太捨得用呀

前日同佢出外 佢真係完全唔愛錫咁折磨把遮 

我已經好肯定佢係無可能返到我的懷抱
結果我再去買一把 點知俾我發現佢有直身的 

為怕人家以為我係波點瘋人 所以打算分開兩次買 

點知...只隔一日 sales 小姐說 : 賣晒喇

~ 我喜歡的波點只限如圖 ~



小鳳姐的大波點 要等到小鳳姐的年紀再考慮

潔身自愛

年紀大左 身體出現小問題的狀況劇增 
一場感冒 搞上幾個月都未能完全復原
喺炎炎夏日的氣溫 冷氣係避唔開喇 
但可惡的鼻敏感又藉此發作

喺炎炎夏日 口乾的時候 好自然開雪柜飲冰水 
不過唔爭氣的氣管令我 咳不停
近呢幾個月觀察 我的身子 越來越似阿婆 飲的要是暖開水
縱管氣溫係33度 若然他日氣溫標升至40度 能有括免嗎?

臨瞓前 要將冷氣關掉 否則一覺醒來 鼻...一世都通唔返



為左自己的健康 這少少的妥協無奈接受
我好明白要善待自己的身體 要多飲水 & 多休息
但每個人的結構唔同 我相信可能我係無左'口渴警號'呢個 function
& 唔知點解飲太多水 係非常令人想反胃的

可能係由細到大 老媽只給我地喝茶
老媽常說 從未見你去飲水/茶
係呀 因為根本都唔口渴
點會無拉拉走去飲水呢 再老一點 我就係一條千年人乾

老媽亦經常投訴 又唔係放假 你晚晚都咁夜瞓點搞呀
但你要知道 有90% 時間我都只係如'扮死屍'般躺著
根本瞓唔著呀 晨早爬上床 真係覺得好浪費時間嘛
除左睡得少 唔飲水 我都算潔身自愛啦

其實係...
今朝喺輕鐵站的月台 見到一個年青但唔貌美的女仔
應該係食左軟性毒品 這超恐怖的半開合眼 + 靈魂出竅地
喺月台上飄蕩 (佢已經企唔穩 行唔郁的狀態)
&
喺醫院 有一位老伯伯 每日都自己一個到醫院接受電療
原來佢係末期肺癌 之前已經接受十多次化療
但癌細胞上到腦 要再接受電療
但最震驚係佢一出醫院 即刻點起香煙狂吸

看著這兩個例子 老爸滿心疑問地問我 : 佢地點解咁做呀?

理由好簡單吧 : 唔自愛是也

邁進一步

老爸的療程 已完成 1/3 繼續加油
有過上次的經驗 今次我地喺各方面準備得好一D
希望之後的療程路程 會輕鬆一點

老爸已感覺到腫瘤縮細了 相信是鼻子終於無咁塞呢
另一件值得恭喜的事 係佢嘅體重竟然係一直向上升
之前瘦到皮包骨的地方 終於慢慢脹起唻喇

醫生說 : 進度良好 keep going



老爸 大家都要 keep going 呀

工作狂的老爸竟然已為復工計算日子
大佬呀 請為你辛苦得過的健康好好著想
何況你都60有4喇 仲咁博命做咩呢

測試 5

明明話要停'測試'系列 轉頭又 post 兩張



咁真係好得意嘛...D雲
(我為佢作左個名 : 脂肪雲)



但另一邊 己有一堆黑雲飄緊埋唻
由於企喺馬路邊 只能快影兩張

柯迪夫

等左好耐 終於等到喇



" 柯迪夫 "



點解場刊無夾到 postcard ?
睇過王菀之兩次的舞台表現 (big nose + 柯迪夫)
發覺佢真係好適合做舞台劇喎
唱功真係好勁 成場劇又要唱又要跳 仲要話帶傷上陣
(又拗柴 + 斷腳指骨) 都無咩影響演出
可能佢強忍住啦 真係戥佢辛苦 不過一切努力都無白費
因為D飛真係好難撲 又好彩有得優先訂飛 唔使出去排

先講少少題外話 真係好怕D明星坐喺附近 
因為散場果陣 真係勁似走難咁
坐我後面就有 小儀 + 楊千嬅 + 農夫
散場果陣 我相信至少有 30人 圍喺窄窄的通路 蟻都逼唔入
實在太誇張喇

一開場 阿祖唱 : 邊個發明了返工，我請佢食米田共...
真係超爆笑 好應該收錄喺柯迪夫大碟內嘛

呢套劇係講一班年青人 因種種理由放棄夢想 各自懷住遺憾長大
各自有各自的工作 但心裡對當年的夢想念念不忘
10年後 大家拋開一切 實踐當年的夢想
仲有好幾場演出 大家要小心唔好再受傷 
好好保養聲帶唔好令排左咁耐的劇浪費呀

又中招

公司太多人病喇....結果咪又中招囉
喉嚨痛左好幾日 點知...



今次連淋巴都發炎了
又換唻一堆藥 抗生素都要食5日

由於我家附近的醫生遲到記錄實在太離譜喇 

夠膽死話開 9:00 但 11:00 人都未到診所
我唔係要怪你 間診所係你嘅 但你唔好要D病人呆等幾粒鐘嘛

所以決定先返公司 再喺附近搵個醫生睇 9:30 

打去診所問 人家醫生已經返到
即刻碌落去 原來呢個係兒科醫生 問診都幾詳細

其實我都只係嚴重喉嚨痛啫 醫生連我的腸胃都問埋 

經過一輪問診 醫生終於有結論
醫生 : 哦 你喉嚨有D紅 有D腫 情況都唔算嚴重 不過淋巴腫左
就要開D抗生素俾你喇 你要食完成個療程喎

豬頭炳 : OK 無問題 但點解條喉嚨會痛得咁厲害呢?

醫生 : 哦 喉嚨發炎 離不開會紅 會腫 痛就係當然喇

豬頭炳(心諗) : 喂 唔該晒喎 解釋得"咁"清楚

只係喉嚨痛 竟然有埋收鼻水藥 + 勁大枝咳水

向老媽吐苦水時 得到的回應竟然 : 食定都差不多喇

結果... 食藥第2日 真係咳起唻喇 藥果然無白食

測試 4

影開上左癮 今日D雲又好得意







好喇 測試系列好應該告一段落

測試 3

近排出沒的地方 只有屋企~公司 + 公司~屋企
一直想多試下新手機的影相效果結果...





















都係得呢條公路啦

呢篇 blog 由 15:00 打到 22:00 

並不是因為 yahoo blog 有問題 (touch wood)
uplaod左D相之後  家裡發生一連串小意外 

再坐低喺電腦面前已經係 22:00

測試 2

個天一係就落大雨 唔落雨就熱到暈 

係真係暈果隻喎
又熱又焗 齋坐喺到都會流汗

點解D人仲選擇去行山架? 到頭唻搞到中暑 又要消防員去救你
其實果D : 打風去滑浪呀 打風去海邊睇浪呀又出意外的人
救返佢果陣要收重附加費 相信呢筆錢都幾可觀



雖然天氣好熱 但天色真係好靚 藍天白雲
屯門公路呢條路 望過去D景 真係好唔錯架
坐喺冷氣車影過去就超 good

由於仲未完全掌握新手機的操作 左研究右研究
到影得 又見得人的 只有一張