我想大聲告訴你

送埋個MV 俾大家睇下

夜深了 我還為你不能睡
黎明前的心情 最深的灰
左右為難的你 不知怎樣去面對
我能做的 只剩沉默 體會

愛情是讓人沉迷的海洋
孤單的時候 想要去逃亡
轉身的一瞬間 你出現在我身旁
你的眼淚 讓我不敢開口講

我想大聲告訴你 你一直在我世界裡
太多的過去 難割捨 難忘記
太心疼你 才選擇不放棄 也不勉強
你不要哭 這樣不漂亮

愛情是讓人沉迷的海洋
孤單的時候 想要去逃亡
轉身的一瞬間 你出現在我身旁
你的眼淚 讓我不敢開口講

我想大聲告訴你 你一直在我世界裡
太多的過去 難割捨 難忘記
太心疼你 才選擇不放棄 也不勉強
你不要哭 這樣不漂亮

我想大聲告訴你 對你的愛深不見底
用力緊緊抓住我們的回憶
屏住呼吸 心跳的頻率有一種魔力
它讓我們 慢慢的靠近

我想大聲告訴你 你一直在我世界裡 喔...
用力抓住我們的回憶 喔... 若有一天
我看到的是你的背影
只因我愛你 沒有告訴你
我愛你 真的很愛你

蝸居

TVB 依家 有MYTV 可以返睇好多 miss 左的戲
近排追看 "蝸居" 

呢套戲係大陸出品 劇情講述 大陸的樓價急劇上升 
大眾們為自己的家努力
劇中有很多人性的弱點 貪婪 睇得人牙癢癢
劇中幾首歌曲配合得非常好 呢首係劇尾歌 
(主題曲搵極都搵唔到)









套劇的北京腔 聽到我耳好痕

金霸王

我家一向用呢隻品牌嘅電芯 唔係因為有咩原因特別喜歡
用開無問題咪一直用囉

點知...近排 竟然出現問題 仲要頗嚴重



超市買到的 通常係越大 pack 越抵啦
就係咁 家中的電器 陸續換上新電芯
結果惡夢就唻喇 成 pack 電芯差不多全部都流出電池水
(事前梗係唔知啦 當發現時 個電芯接觸點已經醃到生晒銹)

超嬲爆呀 極想投訴啦 點知喺佢個 web-site '提出意見' 

按極都無反應啦 你都有心砌個 web-site 

但又極其簡陋

唯有打去佢個客戶熱線 又係一輪機械人指示
投訴無門... 唔係想淨發洩架 想你作出改善嘛

同友人無意中提起 原來佢之前都試過中招
唯有用最消極的方法...放棄你

可惜...報銷的電器都唔少呀
包括: 兩枝電筒 + 一部收音機 + 一部 mp3 機 + 一個遙控器

shit...

署光

今日 lunch 過後 天色變得好異常
黑到好似世界末日咁 簡直係同我的心情一樣

尋日同老爸返醫院覆診 起初講到可以做手術將腫瘤切除
喺等 book 日期期間 醫生話再抽多D組織去驗清楚 
先決定可唔可以做手術
當時嘅心情真係一面天堂一面地獄

返到屋企 成個人虛脫到頂點 又可能太緊張 
又可能一時間接受唔到 個人好暈
頭先放工返屋企途中 突然出現一道署光... 
唔通真係天無絕人之路









黑雲後面 竟然係咁藍嘅天 唔通真係雨過就天晴我地都會係咁嗎?

困擾

近排 煩心的事很多很多...
萬想不到 竟然收到你的電話 老實說 有一刻我係唔想接的

可惜 你拖拖拉拉的處事態度 + 欲言又止的說話方法 令人非常困擾
更可惜 我已沒時間 亦很討厭這左猜右估的遊戲

在大家斷絕來往的兩年間 發生的事情如山泥傾瀉般出現 
別說我倆的10年友情 就算是另一友人的30多年的友誼 說斷就斷 
依家...唔會再抱任何'無謂'的期望

猜度唔到 你究竟想說什麼? 亦猜度唔到你的目的? 要解釋當年的事?
重拾友情? 又唔似啊 就如小小的交收文件 你都唔似乎太願意同我接觸呀...
你向來俾我的感覺 實在太淡 完全嗒唔出任何味道 究竟你有咩感覺呢?
可惜你從不透露半句 我只好自行判定



正如唔再願意喺MSN通話 我又唔願意出唻面談 就連小小的問題
大家都執著 唔願意讓步 似乎...都唔見得有任何明朗的前景啊
可能你會奇怪我的反應過份冷淡 但只要你想一想 
我無辦法亦無可能保證一年365日都可以笑面迎人 
況且當年你決意一刀切 你就會知道我的反應
是沒錯了

正如我常說 : 沒意思的事別做

政治遊戲

對政治毫無認識

過去投票的目的 只想選出一個真係打算為香港做D野嘅人

但...結果好似得個吉囉

一場場鬧劇上演 幼稚得連擲蕉都做得出 胡鬧到頂點

今日係什麼補選的日子

明白的就如曾特首說 : 突然有五個人辭職 然後政府要用一大筆錢去搞補選

但果五條友又參加補選 

淨係聽到呢到 已經唔明喇 辭職又再參選

玩野咩 我都有交稅架 俾你地呢班戍利嘥晒喇 PK

香港就係有呢D戍利議員 做出一大堆PK事 正經的就咩都做唔到

我淨係想 用果一大筆錢 去補貼醫院 起碼對市民作出些少貢獻啦

幼稚的遊戲 留俾幼稚的人去玩吧

我唔知呢D思想係咪太膚淺

但僅有的智慧告訴我 無意思的事別做

這一票 甚至以後的一票 我想放棄了

~ 講完 ~

update : 最後結果 咪又係呢班戍利做返晒 你地幾條友夾返錢出唻呀 pk

近排...

近排...心很實
近排...頭很暈
近排...腦很空洞
近排...靈魂很飄
近排...思想很混亂
近排...好多野都諗唔明

點解好多人不停食煙 仲可以健健康康 好自愛的老爸就會出現問題?

點解有D人生左個 BB 但又唔好好照顧 情願拎晒D錢去買煙 就無錢買奶粉
令佢活活餓死 友人為左想有 BB 睇盡中西名醫

仲有好多好多點解點解點解點解點解點解點解點解...

個腦真係 function 唔到 人好似魂不附體咁 就如活死人一樣
每日只係返工放工 其他事已無氣力去處理

老爸今個星期經過一大輪的檢查 下星期 
醫生收集晒所有報告 就可以作出決定
天父 你有聽到我的禱告嗎?



我想放棄了 ....

母親節

今日係母親節
向來唔重視呢D日子嘅老媽 今年更無心情去理



老媽請你振作一點 老爸還要你照顧啊
好開心你咁勤力做強化肌肉運動 日子有功 必會見效果架

義工活動

友人邀請我出席一個義工活動
初初說是油學校 所以一直以為係油校舍 
一日時間點可以油得晒呢??

去到先知 原來係油壁畫啫

其實已經有 designer 畫好晒 outline 我地跟住填色啫

淨係聽 都覺得好玩喎 工作人員千叮萬囑要小心油彩唔好滴落其他牆壁 
尤其係地下 因為乾左就抹唔甩架喇

工作人員都教晒補救的方法
可惜期間甚多人都忽略呢個 main point
(亦可能呢個原因 活動都提早完結)
先睇下大家努力下 初步的成果



好明顯無聽人講野啦 滴晒D油又無人即刻抹走





當我幫忙油條紅蘿蔔的時候 突然有個男人衝出唻
話呢條紅蘿蔔係佢架 要求我讓開 有分你我架咩?





最後呢副 就係我地負責的 參與的時間真係唔多
底下D草+蝸牛 & 好樣衰的箭豬洞穴 都係我完成架

PS : 呢次活動 係友人公司搞的
雖則係義工工作 不過都可以見到好多人生百態
有D人 說話多多 落手就免喇
有D人 一見到公司高層出現 即刻爭取"表演"的機會
有D人 真係好似做 show 咁 淨係埋位影相
OMG...

振作

情緒低落的時候 最好用食物振作一下



顏色好鮮艷的三文魚
(經過幾次唔好的事 老媽依家好討厭食壽司)



色香美味的鰻魚炒飯要好好照顧好自己 先能夠照顧好屋企

憂心

老爸的檢查報告 得出唔太好的結果聽到消息的一刻 
真係由心震出來之後要做的事很多

但依家 首先要鎮靜自己 安慰老媽 然後再振作起來



呢頭老媽才好一點 果頭老爸又有問題請各位多多保重

攞唻搞

好怕好怕好怕 借野俾人
你當我小心眼又好 自私又好 咩都好啦 我真係十二分唔願意

前排哥要求媽借出新買的相機俾佢個女人去旅行用
佢自己唔係都有相機咩? 點解仲要借?

下 唔係嘛 你明知問我一定唔會借 你就問老媽嘛
不過我又可以講咩啫 老媽再三承諾 一定會安全歸還

我又唔明借人野果個 點解會咁粗老 將部相機整花晒返唻
不過我晨早都估到會係咁架喇 

最最最離譜 有條友扮盲 話睇唔到花左
咁好戲你唔去做演員 真係嬲到噴煙

部野買左半年咋 傷痕累累咁 見到都黑人憎呀
上網 check 過 原來可以拎去原廠換殼架 都好起碼有得救
點知成個過程都一波三折 dee.... 
搞左好多好多好多日 終於重返懷抱



最後都係想講 : 做咩要借野俾人啫 攞唻搞

意外頻生

發佢個神經 晨早流流就搞單杰野出唻
每個星期日都係換床單嘅日子
上星期竟然唔記得左 趁係假日 咪諗住早一日換囉

點知...喺未完全清醒之下 
意外...就係咁發生喇
竟然打翻左枝香薰油 仲倒左落張床褥到 很好 x 1000000

點算好呢........... 嘗試用水印下佢再用風筒吹乾
佢啦但實在太大陣味 經熱風吹一吹 
D味散得仲勁

不停乞嚏乞嚏乞嚏乞嚏乞嚏乞嚏乞嚏乞嚏乞嚏乞嚏乞嚏

雖然一直都想換張床褥 但應該唔係呢個時候嘛
公假人家唔知肯唔肯送貨
好彩經我地多番哀求下人家都肯今晚送貨

點知張床個床框頂住 放唔入張床褥要自己動手 cut 短少少
一輪勞動 成個人精神晒 今晚有排唔使瞓喇

豬頭炳 你再輪盡D囉