別了 09

今年真係過得太快 眨下眼就 bye bye 喇咩事都可以挽回 
只有時間 過去就過去 追唔到 留唔住

每年年尾 又係反醒的時候 今年有無白過呢? 有咩做得唔好要改善呢?
有咩要 keep 住呢? 又或是有咩要放低呢??
我覺得一個人 最大缺點就係唔識反醒 一味以為自己無問題
有呢個思想已經係錯 檢討自己係非常重要的
大家共勉之

今年要回顧的 都有D野想講下

我覺得變得最多的係心態 上左一課頗重要的 雖則過程痛苦
結果又似乎唔太好 但我相信對未來處事 有一定的幫助

有件事好想記低 :
有一日經過鞋鋪 見到有個男仔為左一對價值 $26 的白布鞋 左拼右湊
順眼一望 佢腳上的鞋已爛無可爛 殘破不堪
呢個場面好震撼到我
當刻好有衝動遞上 $20 但又怕會傷到佢自尊
好感恩的係 每當覺得自己窮的時候 都係因為想要買奢侈品
生活必需品從未缺少 感謝主 令我出生於一個富足的家庭
還有一對異常寵我的活寶貝 喺外邊踫得一面灰 有家可歸的感覺真好
就算被揶揄溫室小花也情願

今年竟然去左兩次旅行
台灣 ~ 仲懷念緊台灣人的友善
泰國 ~ 第一次全家旅行 相信亦係最後一次
同哥去旅行係唔好玩的 "無下次"的機會都頗大
去左兩個地方 證實左我最掛住的係...澳門

今年未能完成的 就係執電腦
腦內的資料真係又亂又多 尤其歌曲的 DIR
太太太太太多歌 唔知點執 又唔知由邊到開始執
結果一拖再拖
來年再執嗎? 真係唔敢再講 如無意外都係無限期押後

今年值得讚的事 :

第一位
一定係我對激光眼 800+近視眼完成手術後 只有兩個字不停飄出 : 方便
就算手術費貴一點都值得 戴眼鏡的麻煩 戴過就會知
如果有朋友考慮去做 我會勸佢盡早
呢D手術技巧已經好成熟 唔使擔心咁多
只要跟足醫生姑娘指示 手術後好好保護雙眼
問題唔大的

第二位
老爸的狀態已經穩步上揚喇 喺老媽的肥仔餐狂谷下
失去的 20磅 好快就會返唻喇 仲爭 10磅啫

第三位
年初的時候 我自行暗暗許下承諾
一年唔豪使錢 會點呢?
以往見到喜歡就買 洗錢唔抹腳的態度要改掉
賺錢買花戴的年代過去喇
要為將來打算一下
又原來... 還可以的 估唔到都唔係咩大不了
坦白說係有少少估唔到的

仲有一件事好想記低 :
一段令我猶豫不抉的感情 終於可以了斷喇
其實晨早就應該放手 都放棄過一次啦 係自己無謂的堅持
點都要戇居多次先識醒
又以為自己再努力維繫 就會有轉機
原來接受唔到的係自己 所有的堅持都係多餘

好多謝你咁樣對我 悲哀莫大於心死你潑婦罵街式的說話方式 嚇得我唔識反應
可能如你說 你唔會再忍氣吞聲 又可以令你吐口怨氣吧
但相由心生 多照一點鏡 你就知自己的表情有幾咁恐怖
最可惜 呢D方式你係覺得舒服的
又似乎 你身邊都係呢D人

最後我都係果句 : 唔緊要啦 你覺得無問題咪得囉
只係令我最傷心的 係你認為我係惡意針對你
多年的交情... 白交了 場面已經難看極了 唯有選擇離開

又原來 能夠放低執著 心情真係好好多 依家心裡的平靜 係前所未有的

回顧完畢 又係向前望的時候了

遲來的聖誕 party

今年的聖誕飯局 差D要延期到下年先食 不過經過各方的配合 
終於可聚頭今年我地唔選擇出街食 去友人家搞事
仲選擇左以為最小野搞 但其實超多野要準備的 : 打邊爐



第一輪 大家都好餓喇 放到成煲滿晒



友人說 每種丸都只準備六粒 但夾夾埋埋實在 "多"



原來友人唔食肥牛的 都為我地準備了



唔食肥牛 可以揀本地滑牛 真係好滑



友人記錯了 喜歡食脆肉鯇的朋友仔 已經飛返澳洲喇
(結果呢碟鯇 俾另一友人帶走)
其實同枱仲有好美味的雞 & 菜 仲有腐竹糖水 
多野食到痴線但掛住食啦 又要傾計 又要睇電視 留唔到倩影



真係好喜歡食蛋糕 友人J 通常都會為我地準備 當場食左半個
另一半俾蛋糕達人'笠'走



同場加映 : 蚊型抽獎



我抽到嘅係一個暖水袋 超 good 呀 好鐘意呀
各人又食又拎 拎鯇的拎鯇 拎糖水的拎糖水 拎蛋糕的拎蛋糕
除左隻手拎得滿滿 不過最爆滿的一定係肚囉 飽到呢
同埋最重要 我得到好多'愛'囉
我真係好鐘意你地呀
愉快的飯局就係嘈亂巴閉中完滿結束

買買買買

今年為自己揀選到的禮物 實在少聖誕節唔使下錢 好似唔太似我喇
藉口

之前買左對全白色 點知佢轉頭出左對紅底
好靚呀 又買

點解一對皮鞋 動不動要過千
唔係聖誕有折 真係買唔落手

呢對係舊年買的 其實仲好新淨

就係你呀

大時大節 梗係又會發生D悲劇
點解你會認為 自己飲左通宵酒都係清醒啫
其實你係咪癲左啫

請大家認住這兇手 點解死果個唔係你呀

PS : 政府只係一味'勸籲' 好明顯係無用架喎 點解唔立法即時重罰呢
仲要死多幾個人先肯做D野啫
每次睇到呢D新聞 真係又嬲又忟囉

是日...平安夜

兩個鐘頭後就放工喇 跟住有幾日聖誕假 正!
喺公司無野做 悶到發慌呀

Merry X'mas

ps : 今年聖誕都喺香港過 無晒 annual leave 又去唔到澳門喇

是日...x'mas party

今日係公司 x'mas party 食物方面向來都無咩要求
但值得紀念嘅
係今日收到好多禮物

呢份係老闆女送我地的 包裝非常精美

原來係枝筆 粉紅色波點 好小鳳姐 style 啊

呢份係我地個 senior 送嘅 非常靚 袋癡(我) 隻眼未離開過個袋

袋住個袋嘅 packing 都好靚架 好有聖誕氣氛架

最令我喜出望外嘅 向來都無抽獎運嘅我 竟然都抽到獎
(因為有頗多同事放假 無疑機會大左好多)

係一隻好靚嘅杯
拎返屋企 哥已虎視眈眈

是日...冬至

俗語說 : 冬大過年 大家都會趕返屋企做節
但我地已經喺上星期六做左節 正日無飯食
今年公司竟然放早半日 返果半日
無人有心情做野啦 大家 hea下 hea下等放工
放左工無野做 去銅鑼灣行下 接近聖誕 成條街逼滿人

行左一陣見唔對路就決定閃喇 要買野都唔係呢D時候同人逼
凍左咁多日 今日終於暖返少少回家路上 影到好靚嘅黃昏

PS : 相中間有點野 係月亮唻架

天寒地凍

今日係最後一日 annual leave 原本計劃左同老爸去海浪公園

點知....寒流襲港 得返10度

點知....又病左

朝早都掙扎左一陣 結果都係改期 萬一冷倒老爸就麻煩

人地放假就去玩 我放假就係'食藥'

幾咁 colorful 嘅藥都係苦嘅

翠華

上星期打完波後 友人說下次打完波同我去'翠華'食野'翠華' 
好耳熟的名字 但我應該未去過
以前未有室內禁煙的年代 我係從不幫襯茶餐廳的

刮北風的日子 要飲杯熱野暖下身

棉花糖朱古力 一望到已經好吸引

肉絲炒麵唔知係我口淡 定係佢本身無咩味 
成碟野係無味嘅
我地仲食左佢好出名的奶油豬仔包 
可惜唔記得影相

Sick

尋日一踏入公司 就開始流鼻水 半朝已經抹左大半卷紙巾

過左半朝 情況每放越下 似乎要食粒藥了

踏出公司 已經感到頭暈暈 
通常呢D時候 就會等唔到巴士 & 必定無位坐

結果企喺到都瞓著左 好彩瞓醒過後 個人精神左好多

夜晚都唔敢怠慢 食多兩粒藥即瞓

早瞓唔代表精神好 早上床又瞓唔著 半夜醒嘅次數比平時多一倍
究竟點先可以一覺瞓到天光呢?
今朝醒來 情況更惡劣

扭扭粉

同事推介麥當當的芝士扭扭粉 見放假就去試下

我的火腿扒芝士扭扭粉

老媽的豬柳芝士扭扭粉試後結果 : 食D扭扭粉一定要伴湯 因為佢係零味的
最唔喜歡食 煎到 120度熟的雞蛋 好難食
下次....我會揀....熱香餅呀
唔該 講完

不買不買 還需買

一直都好想好想買個 porter 相機袋
但日元個對換率不停上漲

小小的相機套竟然要 $699 成架車俾佢食左 結果放棄

好衰唔衰 舊果個又俾我跌左
 個 porter 即刻喺個腦到飄出唻

一部相機都係二千幾蚊 如果個套要 $699 
似乎唔太合邏輯嘛

今日要走轉旺角 順便快逛一下 
竟然俾我搵到平少少

$499 有交易 雖然都係覺得有點貴 但....就當是聖誕禮物啦

(千祈唔好再唔見就得喇)

雖然老哥都俾左另一個我 但呢個顏色就真係唔掂呀

Copier Paper

今日收到一份好特別的小禮物



就咁望係一箱 A4 紙



其實係一叠 memo pad
好靚架 好鐘意呀

我愛 AIR

Nike 波鞋 已經好多年無買 因為佢D鞋籠 大部份都係偏窄
夾到我隻肥厚腳好唔舒服 而且以前所有 Jordan 系列
價錢被炒得完全唔合理 動不動都要過千呀

不過近排眼見老哥 買左一系列 air force I 鞋款非常好



我都貪得意買對試下



結果最後都買埋對 '全白'
(其實根本一開始就想要全白色 但上次嫌貴 到頭唻咪又買埋囉)

骨質疏鬆

最近公司好喜歡搞埋晒D咩健康講座 
但多安排喺 lunch hour 所以從未參加過

今次呢個骨質疏鬆 有個測試

但呢個講座日期一改再改 呢個醫生個責任感都好一般喇
如果唔係有個 test 相信無人會出席

一直好擔心自己D骨已經鬆晒 我又唔曬太陽 又唔飲奶
仲淨係飲咖啡奶茶  仲唔死咩 好彩結果都唔太差

等天收

由旺角漒水彈 到各區不停有高空擲物
我都明白要捉到個兇手 真係比登天更難

今次竟然係我座大廈



兇手們 希望下個瞓底果個係你啦

泰國遊 part 6

終於到最後一 part
咁就梗係要影下D戰利品啦

我地一行七人 第一批蝴蝶袋 已經霸左兩個座位

老實講 真係好失望 導遊唔見議我地喺曼谷分店買 所以無去睇過

去到芭堤雅分店 間鋪大就係大 但啱買的 實在少 比澳門還要少

今次嘅目標係 "甲蟲" 系列 但大部份已經賣晒

佢連手巾仔都無得賣 結果我喺另一個牌子買左3條

一直想買皮帶 點都諗唔到會買到泰國去 
我唔知香港係幾錢 但泰國有7折

連想買 hand cream 都無晒貨 係全泰國無晒貨喎

結果買幾枝 body lotion 算數

呢架車仔 喺柬埔寨親戚屋企見過 
佢地話喺泰國買 竟然真係俾我買到

呢隻藥油 對蚊釘蟲咬非常有效 只需泰幣33.00 大手入貨

Starbucks 聖誕吊飾 年年都有買 今次喺泰國買

呢個係哥哥喺水上市場 買俾我的 (因為我要照顧兩老) 好靚架

等我影個近鏡俾大家睇下啦

呢隻棉花糖 超好味 又係大手入貨

泰國小食 我最喜歡肉鬆米餅

呢個腰果餅 一定要再買 但由於好易變壞 只能買2樽

(上次老哥去泰國買過返唻 硬塞一粒入我口 真係好好味喎)

泰國果子 喺office 頂眼瞓佳品 酸酸甜甜 買左兩盒細size

之後又見到一個 king size 覺得好得意 又買 嘻!!

真係好怕幫人買野 買左返唻 三吹四請都唔唻拎...

又要搵地方收埋 點解呀.... 緊張果個唔應該係我嘛

真係忙到 30mins 都抽唔到? 就算你要求送上門 我都無所謂喎

即使買唔啱心水 咪出句聲囉 起碼我都可以處理左佢嘛

口又話好鍾意 但從不要拎走 咩意思先? 咁留唔留俾你啫 dee...