歪理長存

自從前幾年 有'巴士阿叔'的短片出現喺 youtube

呢種我認為出醜的行為 一定有人會覺得好自豪

因為網上出現更多"歪理"當正常的短片 
我自己都親身經歷過幾次

個案 1 : 巴士阿叔事件之後 我就遇上巴士師奶 話說朝早搭車返工 

一直聽到有把女人聲喺我耳邊不停'喳喳叫' 由於塞住 headphone 

根本聽唔清楚佢講咩 當刻我只係諗 : 死 唔通有幻聽 但果把聲不直無停過 

仲越唻越大聲添 結果轉身一望 原來該名女人 一直貼住我的座位頭枕位置

講電話 點知佢先發爛 出口鬧我 : 望咩呀 依家唔俾電話呀? 

你唔好以為我好蝦呀! 佢似乎真係覺得自己好自豪喇

個案 2 (更恐怖) : 都係喺巴士 今次喺男人 該名男子由一坐低就狂咳 

狂咳的程度 真的如十級肺癆 超級恐怖 結果我又望佢一眼 

結果又俾人出口狂鬧 : 你真係無家教呀 (我淨係聽到呢句) 

其餘的都被我的 headphone音量遮蓋晒 一部密封式的巴士 

你係咁咳 都覺得自己有道理 仲要大聲鬧人 應該係癲左喇 

點知... 最後先係最精彩呀... 佢比我早落車 

佢竟然走埋唻我到 不停向住我咳 點解咁架....

個案 3 : 依家係流感高峰期啦 患病在所避免 病左又唔敢請假 

依家呢個市況都能理解 但其實戴個口罩 對大家都好啦 尋日搭西鐵 

企我後面個男人又索鼻又乞嚏 我依家唔敢望人喇 只好自己行開 

全個過程被離我不遠的哥望到 落車後 

佢竟然同我講 : 你呢D行為 會俾人歧視架 

如果你咁介意 應該自己戴上口罩

我地就係活在歪理當中