深圳一日遊

老爸喺屋企實在太悶 而且佢好想好想試下搭果部直達深圳的巴士
好啦 難得老媽又有興趣 就同佢地走一趟啦

就係呢架巴士 來回屯門市中心到深圳灣口岸車程超快 又唔貴
未出發前 老媽講到一落車過左關就大把野食



點知落車後 只得一片荒蕪 天色又差 白濛濛
三條友都係第一次去 結果好明顯啦....唔識路 
喺車站擾攘左好老爸常說 : 路在口邊 可惜今日唔 work 喇
問十個九個都唔願答你
超多港人推埋車仔返去買餸架 但你問佢去邊到買
佢地竟然話唔知 咁迷幻?

結果都係老媽出馬~師奶問師奶
啱 channel 人家唔止肯答 仲帶埋我地去添成功到達蛇口街市
(老媽好喜歡行人家的街市) 行左一圈 其實價錢比香港的差不多 
無咩好買 後來先知道 原來D人返去買豬肉同雞生肉唔入得香港境 
街市D人會幫你'淥'熟佢 咁都得

PS : 我真係12分唔明白 大陸人的文化教育 過馬路係其一 明明係綠公仔
但都會有車高速咁駛過 果枝紅綠燈如同虛設咁

搭車係其二 佢地D人真係超掂.... 後門又可以照上喎
仲要將佢部車仔放喺我隻腳上 跟住仲要話 : 你好避我嘛
部巴士已經超逼 我使唔使落車避你呀 人都癲