我的電腦

Hi 你還好嗎? 身體好了嗎? 前排你總是痴痴呆呆的
反應又遲鈍 經過醫師初步斷診 內臟出現問題了
但只是小問題 結果揀好吉日 送你入院驗一驗吧

點知當初話只需留院一晚 結果要與你分開5日 實在掛心
一直以來 喺公司已對住你的伙伴達 9小時 回家總是對你冷冷淡淡的
怎知分開了的5天 每次經過你的房間 總是空蕩蕩 心裡不是味兒 
尤其上個 weekend 沒你在身邊的日子 時間實在難過 平時與你玩得通宵達旦
這幾天 00:00 未到 已經悶得發慌上床睡

我知道 你身子變壞 絕大原因都是因為我經常的處理不當 令你捱出病來
但其實我已好小心使用 替你選擇較好的軟件 免得你受到外間惡毒病菌的感染
但有時候出錯總是在所難免吧 不過你又實在太記仇了 我一次的犯錯你就永記於心
搞到自己屈出病來 又何必呢??

還記得當年你仍是屬於貴價貨的時候 要慢慢儲一筆錢 才可以將你擁有
經過多年大大小小的手術 能變成今日的樣子 你每次唔舒服 甚至發老脾
都令我十分傷心 (請別將我所有 Data 全部吃掉 有事好商量嘛)

經過今次的小手術 希望你一切安好 小心保重

十字架

呢首歌 簡直係寫出晒我D心聲

很久的當年 媽媽天天囑告
好心交給人 總可得到好報
過去按這教導埋頭做
可惜隨年長一步 傷口隨年多一道

伸出手攙扶 遭鬆開手警告
交出心戀愛 反得傷心的控訴
厭棄我過份熱情流露
或是仁慈得恐怖 燙手愛意怕碰到

彷彿背上十字架捨我救贖未算好
愈奉獻得到結局愈殘酷
教我為免傷勢再會變更槽 圍牆變更高
圍住要自己的去路 防護罩終變成墳墓
將根本的我葬下去獨自老

伸出手攙扶 遭鬆開手警告
交出心戀愛 反得傷心的控訴
厭棄我過份熱情流露
或是仁慈得恐怖 燙手愛意怕碰到

彷彿背上十字架捨我救贖未算好
愈奉獻得到結局愈殘酷
教我為免傷勢再會變更槽 圍牆變更高
圍住要自己的去路 防護罩終變成墳墓
將真的我埋葬下去 哀悼裡獨個漸漸老

多想光陰退後到舊時 童年重度
多斬釘截鐵共處 態度
我對你好所以你會對我好
心裡沒旁騖 無奈這幸福的國度
已飽經災劫無寸草
今天只得我野地裡在獨舞

要怎麼的上路 期望一天我能知道

是日大暑

大暑...顧名思義就係熱
今日應節要飲冬瓜湯前兩日去左暴曬













藍天白雲 好靚呀!!!!!!!!!!!!

我的生死之交--Y

前陣子收到一個朋友的SMS 內文係咁嘅 :

友誼就像一根蠟燭 須要去點燃它 才會發光發亮 歲月或
許會一切退色 但心田的記憶卻是永恆的色彩 真摰的祝福
寄給我最好的朋友 願彼此的友誼 永不退色

好文章

令我又再想起你 我地識左32年 一個恐怖的數字 即係大家出世就已經認識
一齊讀幼稚園 再一齊讀中學 5年超愉快的中學生涯 所有的經歷都有你在
身邊分享一切 感覺很好 

雖然大家同年出世 但你是大家姐 我是幼女 
所以心態上你總比我成熟 又經常會照顧我 由衷的多謝你

你所有的強項都係我的弱項 編織呀 所有手工藝呀 甚至車衫 全部都係無師自通的
好記得一齊去書局看看書籍 你就可以看懂人家的技巧 十個勁
果D編織書 我相信一世我都唔會識睇囉... 超複雜

到大家都離開校園要踏出社會 外邊的大風大浪 一度令我嚇窒 
又由於我唔會同人分享心事 所以只好一直自己 替自己好好的打氣 
弄得身心俱疲 前幾年心煩事更令我無法招架
只好放棄一切社交活動 專心在工作 & 家庭上 但從未諗過一停就停左 2年幾囉

無聯絡的兩年的生活 你認識一班傾得埋的同事 又認識一班志同道合的朋友 
好戥你高興呀 以前的你都係靜靜的 唔多主動認識新朋友 呢個情形我有少少
擔心架 所以你有如此改變 真係值得高興 但到現在 輪到我唔願意出去交朋友 
不過唔使替我擔心 依家的生活方式 雖然外人覺得古怪 但我仍 enjoy

又由於我有電話恐懼症 所以你從未收過我的來電 那天下午悶極的我 
終於與你在MSN再遇 所有的感覺都湧上心頭 你主動約我食飯... 
其實初初我仍有猶豫的 不過有32年的感情打底 應該一切都無問題吧!!

我仲記得 70歲一齊去啜龍蝦的約定 如果有機會 我仍會守約的

發牢騷--巴士記

每日都要搭長途的巴士返工 成個車程大致上係無問題的 
就算幾長途的車程我都可以好 enjoy
除非遇上....

1) 扮瞓覺的人
點解會形容扮呢 因為一個人個頭不停搖來搖去 又點會瞓得著呢?
仲唔係扮野 大佬 你係咪食左'搖頭丸'先 你知唔知 你每次搖個頭埋唻 
都要拉緊我每條神經 又要去避你

2) 真係瞓著的人
我十二萬分佩服呢D人可以一坐低 5分鐘內就能入睡 究竟佢係長期失眠呀
定係工作實在太辛苦? 攰得咁誇張? 不過就算幾好瞓 但請顧一下儀態吧 
始終係公眾地方 你總不能咀巴盡開 流晒口水嘛 有時候我都好攰 
但點解我又瞓唔著

3) 嚴重缺德的人
邊有人咁大方架 死要同人share佢D病菌 我唔係要阻你打乞嚏 
但可唔可以用手 最好用埋紙巾蓋住呀 有無睇廣告架 
每一個乞嚏都噴出大量'珠珠'架 (珠珠=細菌)
喺一部密封式的冷氣巴士 簡直係困獸鬥 十次的病 有八次都係喺巴士上惹來的
你咁鐘意同人 share 不如拎D錢出唻大家 share下喇

4) 公開私穩的人
全程車都大大聲的講電話 喂 我唔想聽到任何你的家事/國事/天下事
一個鐘頭的車程 可以由上車講到落車 你唔攰的嗎? 真係有咁多事要分享
定係你真係不甘寂寞? 有咩見面先講啦

5) 公私事都繁忙的人
我明白1 hrs 的車程 真係可以做好多野 但剪指甲/化粧 都係留喺屋企做好D囉 
化粧都算喇 雖然你郁來郁去 但只要你的手唔好批到我 我都可以忍 
但剪指甲就真係唔得囉 喂 大佬 你剪完仲要撥過唻 你無病嘛???  
如果我識落降頭 你死梗呀

講完 係咁

我不好愛

尋晚睇左 簡單兩字 : 好睇 講完 (講笑啫!!)

睇住 poster先

梁祖堯 : Dove

Ah Dee : 劈柴 (Patrick)

彭秀慧 : Ann

所有 poster極靚

要睇劇自然要買飛 話說知道佢只開五場 (後加一場) 當然唔可以怠慢啦 

公開賣飛第一日(落住滂沱大雨) 都要逃工 2hrs 去排隊 

9:45 到達票務處 無人喎?! 

咁即係我排第一啦 點知果個雞手鴨腳又慢手慢腳的票務員 

搞左一大輪 我已經要坐第四行 跟我後面果個要去到第九行呀 

當時心諗D飛都去得好快喎 11:00 返到公司

上網一睇 D人話已經買唔到飛? 咁誇

未講套劇前 講少少題外話

即係咁... 如果你係連續 30mins 都咳過不停咳
應該都係重病喇 其實你好應該喺屋企休息一下
一來你又辛苦啦 二來你又影響其他人睇劇喎

三來 唉 再講白少少喇 你唔好傳染人啦
有少少公德心好D囉 另一個更離譜 

咩事咁重要呀 咩大生意要喺 20:00後仲要交代呀
講電話 我想拉你出去狂揪囉

第一次去文化中心睇劇 真係諗唔到 個場原來咁細
場內的冷氣真係好凍 外邊30度的氣溫 我無帶外套
結果凍僵了一晚 不過凍D都好 成場咁多細菌 

另外不得不講下張'櫈' 真係好震好唔穩陣 隔離果個人一坐低
我張櫈一齊向後壓 有少少恐怖

今次我個位置極佳 可以仔細睇個場景 好靚好細緻
一D好細微的部份都做得好好 十個讚
一開場 三個主角的造型 阿祖的頭原本已經大
再加上又厚又多的頭髮 結果大上加大 好搞笑 ah dee 的西裝褸
唔知係件裇衫過長 定係件褸過短 有少少衣不稱身的感覺
(後來知道原來係designer故意咁設計)

第一次睇劇係無用 mic 的 不過聽得好清楚 以前睇過的都有用mic 的 

有時真係較得太大聲好吵耳 

今次感覺好好呀 (除左附近不停咳咳咳咳的咳聲 好騷擾) 

呢套劇係改編197x年的 原著從未睇過 所以兩者無法比較 

我自己就覺得有D可惜囉 

感覺上好似嘥晒阿祖 + lewis 的心機咁

故事內容 ann 同劈柴喺屋企 enjoy 二人世界的時候 

已變成第三者的dave 破窗而入 其實 ann 係趁 dave 出trip 期間 

即刻搭上佢心目中一文不值的同事(劈柴)

但由 dave 再次出現 又做出一D瘋狂行為的時候 

包括: 突然求婚 堅持三條友 一齊食餐飯 ann 的心態已經有所改變 

佢作出兩者都放棄的決定 打算自己一人生活 

但當 dave 還上地毯 兩人一段的真情對話 然後打算狂歡一番的同時

 dave 突然又清醒過唻 ann 經過獨處思考 終於明白其實 dave 仍是最愛 

當ann dave 二人喺屋企 enjoy 二人世界的時候 

劈柴嘗試模仿 Dave 的一切 企圖令 ann 回心轉意 可惜 ann 心目中

其實一直都無劈柴的存在

第一次睇非喜劇的劇種 之前阿祖又講到呢D劇好難演
其實都有少少擔心 好彩三個演員都 handle 得好好
令我好快就投入劇中 而且所有間場的歌 

揀選得非常好 睇得我好高興

Dave 破窗而入果下破窗聲太細喇 
如果果下震撼D 可能會勁D囉 

三個演員的眼神交流非常好 睇完之後其實有少少地方唔明架
 點知完場後 原來有討論會喎 見時間尚可 所有唔明的部份
都有人提出發問 個感覺好好呀 

唔使不明不白咁行出劇場

三個主角的性格其實都不好愛 大部份人都為咗工作/愛情
戴住假面具做人 更何況邊有人係完美架 不過我自己唔會如 ann
咁隨手搵個人拍拖 亦唔會如 dave咁
死纏難打咁喺 ann 的身邊 更唔會如劈柴咁
嘗試改變自己去討好他人囉 

所以我更不好愛

感冒嗎?

偏頭痛....已經好幾個星期 但又時痛時唔痛 
睇過一次醫生 他只簡單說偏頭痛了 食D藥啦 但一直未曾斷尾
解決辦法 : 試下早瞓 但唔成功 最痛的一天 食左一粒 panadol 頂住

週身骨痛...大約有一星期 依家又似乎無事
解決辦法 : 無辦法唔識搞

喉嚨痛...初期每朝起身都痛 煩 後來要去到中午後才消
解決辦法 : 試過一朝食左半條'樂必治'喉糖 飲左幾杯'清熱酷'

咳....終於尋晚咳左
解決辦法 : 由佢咳下先

鼻塞流鼻水...今朝一邊鼻都塞了 另一邊就流鼻水 分工合作
解決辦法 : 都係由佢 塞下流下先

這是感冒嗎?? 但似乎又拖得太耐了嗎?

好天氣

呢兩個月的晴天 真係十隻手指都數得晒 
雖然我唔太曬得但成日落雨  好x煩 !



趁好天時影定 落雨天可以望下





太陽伯伯 where r u??