柬埔寨之旅--第5,6日

仲以為餘下之旅都係會呆呆咁過 點知有人提議 不如去吳哥窟走轉
但佢地話 車程要差不多6hrs 六個鐘....究竟有幾遠呢??
即係話一來一回要12hrs 所以一去就要用兩日時間

媽一心係唻探親戚 如果要去兩日 就少左兩日時間 經過一輪游說之下
佢都肯一齊同行 因為如果佢堅持唔想去 我都會放棄架!

由於要清晨 5:00 出發 (again & again : 都話旅行係辛苦啦)
又由於要方便一齊出發 所以無住酒店 要喺親戚屋企瞓...
就因為咁 發生左前所未有的
恐怖事
話說起身梳洗的時候 開著燈一踏入廁所的同時
有野跌在我的眼鏡上 咩唻架???
哇!!!!!!!!
一隻'紀炎炎'呀!!!!!!!!!!! 

無當場暈低已算萬幸 不過真係嚇破膽 恐怖程度 x 100
租左一部車+司機 (都係導遊) 一行12人一齊出發
由天黑慢慢開始天光.... 真係好正!!!
原來要 6hrs 的原因 係車速極慢的
仲要避牛/避人/避單車 雖則已經極
慢行車 但都差D撞兩次



大部份時間望出去的風景都係咁 係咪好靚呢?
藍天的天 綠色的草 仲有白色的雲
呀! 期間我地有停低食野 & 去廁所 
哇 真係唔可以唔講下果間餐廳 
我估果間餐廳係養蒼蠅的 全間餐廳的枱面滿布蒼蠅
我極想影相作証 但被媽阻止 可惜可惜 佢又夠膽死收人USD15
一碟迷你炒飯 我地要不停撥住扇 防止D蒼蠅飛埋唻搶食
o my god

再坐多 4hrs 終於都到了 哇!!!! 好靚呀



外國旅客要收USD20入場費的吳哥窟



好曬又幾熱 我地仲行左入去 走左一個圈都幾壯觀 
全部都係由一舊舊好大的石頭叠成
究竟當年人類係點搬運D石頭呢?

其餘部份我地坐車遊覽 如果要行 聽講行幾日都行唔晒
同行有老有嫩 都係坐車啦!! 夜晚 我地去遊車河 當地的街燈係極少的
其實夜晚駕車都幾危險 果個導遊都幾好 不停介紹 可惜我唔識聽





第二朝食過早餐 原本想參觀另一個旅遊中心先回程 但因為佢係開 12:00 
媽又約好親戚夜晚食飯 所以要放棄了!
回程的途中 我地去左個唔知咩地方食野 眼見的係一個個草屋....
點知再上車的時候 司機就發現手機竟然俾人偷左 O no...

後來佢仲出言埋怨我地 話係因為要帶我地去先會唔見野 都幾搞笑!!
我地一行12人 每人都有手機 但淨係得你唔見 會唔會係你自己太唔小心呀!!!
結果一向多言的司機 餘下的車程就不發一言了!!!

回程時塞車 原本要 6hrs 的車程 + 2hrs 結果媽約好親戚的飯局要取消了
(當地人係極早瞓 & 極早起身的)
當地的街市係開 5:30 我地 9:00 出去食早餐 好多野都已經賣晒
會唔會係太誇呢