柬埔寨之旅--第2,3,4天

當地衛生環境真係好麻麻 周圍好多蒼蠅呀蚊呀 仲有紀炎炎添 (四腳蛇)
雖然佢係食蚊的 叫做益蟲啦 但我就超驚囉 驚的程度係 100
一分都唔少得 由於我係超惹蚊的 所以每日都貼 4 張驅蚊貼
原來真係 work 架 七日的旅程我幸保不失

去得旅行 就要入鄉隨俗嘛 所以就算餐廳的衛生唔 ok 
我都照食可也 但凍飲/街邊的小食都係唔食得 
媽說我的肚子應該頂唔住的 我好想試
街邊推車仔的雪條 & 冰菠蘿架

第2,3日 我地都係去唔同親戚屋企坐 又好好彩喎
媽的親戚好順利咁搵到 32年無見 媽亦由一個窈窕淑女
變左個肥師奶 但佢地都話認得到喎 老實講我係有少少懷疑的
32年喎 都認得? 係真唔真架?

由於又聽唔明啦 老實講係有D悶架 唯有參觀下人地間屋啦 
當地人的屋多是兩層高 樓底極高 所以喺屋內都幾清涼喎 
佢地入屋前係會除鞋的 但老實講 屋內的清潔程度同外邊唔差得幾多咋喎 
即係污糟啦 所以腳底都係黑麻麻的

媽的其中一個親戚是做雞蛋批發的 全屋都放滿雞蛋 呢張相見到的
只是門口的一角 屋內的雞蛋山係超壯觀的
屋裡的雞蛋山更壯觀 排到上天花的 但有好多工人做緊野 影唔到相



另一個親戚家後有個小小的果園 
哇 好多芒果呀 可惜仲未熟



中途 親戚們車我地去食野 好山長水遠的
over 1hr 的車程去到一處茅屋的地方



環境極靚.....



當地的燒雞....極瘦