搞掂喇

搞掂喇 搞掂喇 33 次的電療療程 
終於喺2008年最後一日搞掂喇

雖然人家話 唔使化療 已算是萬幸 但淨係電療 

(尤其最後幾次 嘔吐不止)
已令老爸十分難受

不過一切已成過去喇.....

待副作用慢慢散去 就會回復精靈喇



所有仍在努力作戰的病友 繼續加油呀

2008 回顧

2008 年對大部份香港人來說 是壞透的一年 

對自己唻講 更係驚心動魄

一場金融海嘯 由三萬點滑落到萬五點 過山車都無咁快 

弄得大家身心俱疲 最唔想見到的裁員 已經密密地進行 

但總係大機構第一個有行動 怎叫人不氣餒呀
裁員的風氣 2009年 應該會繼續延續....

農曆新年期間 我們來了一場藝人裸照風波 

我呢...零理零興趣 人家的事 向來好少理
最緊要係 又唔係咩開心野 揭人瘡疤的事 少做為妙啦



另一邊 更值得我地關注的內地先唻一場雪災 再唻一場四川地震
摧毀了大量生命家庭 新聞的畫面

全令人心傷透 好多傷者 仲係小朋友 望住一堆瓦礫 

一片頹垣敗瓦 滿目瘡痍 無限感慨 意外可以避得過 但天災 

就好似話你知 無論一己幾咁拼命 人的能力始終有限 

大自然再一次發怒 (2004年的滅世海嘯 亦造成大量生靈塗炭)
係咪意喻世界就快滅亡呢?



隔左咁多個月 陳堅...我仲好記得你的"堅"呀 

( 陳堅--北川縣一個樂觀的26歲青年 被壓了 

73個小時在記者的採訪中表現出了對生命的渴望 樂觀 自信
雖然佢喺被獲救後 10分鐘死去 但佢的精神仍在值得鼓掌)

2008 亦係中國首次舉辦奧運 佢的成功 

相信好多外國人都會跌眼鏡 但最令人可惜的
一定係劉翔 因傷退出 (恭喜佢在美國成功動了手術 康復在望喇)



劉先生最落寞的背影

盛大奧運過後 人人還在餘興的同時 另一邊廂 

突然殺出三聚氰胺毒奶事件 小小的BB
飲奶飲出腎石來 結果所有有奶類成份的產品 通通驗一餐 

得出好多驚人發現 連歷史尤久的大白兔糖都有毒

香港亦在08年痛失一個開心果 肥肥(沈殿霞) 

佢的超爆笑聲 相信無一個香港人會未聽過啦
可惜近年一直受病魔折磨 離開.....未嘗唔係一件好事

彩虹的另一端 已有好多密友等待著



2008年開始寫 blog... 過往從未有沖動要寫 但今年悶在心頭的事實在太多 

果然自從寫 blog 後 心情的確輕鬆左好多 但又驚覺有好多字已經唔識寫

08年 大伯因為癌症返左天家
08年 最開心的事 係同一個失去聯絡的好友再聚

眼見她得到很好的改變 好戥佢高興呀

老爸的電療 亦喺 08年最後一日完成 所有野都雨過天晴喇
08年 唔開心的事 全部 deleted -- all clear 

唔記晒得lu 亦無謂記住啦

2009 以後的願意 只有一個 就係希望自己同家人 

都要身體健康 一定要好好保重呀.... 我唔要初三再喺急症室過囉

老爸老媽 請你們多保重 一個人病 全家難受 萬請保重

冧到爆

今日放工 去書局走左一趟 買左本書



萊斯作品雖然我個人比較實際 但睇下亦無坊



職員收錢時 阻滯多多 掃極都掃唔到個 barcode
接過張單一望..... 哈哈哈哈 C到爆
佢用邊套 system 架 連個'冧'字都出唔到 笑死我喇

阿茂整餅

阿茂(我)尋日去整餅 固然都係'輔助'性質啦
若然單靠一己之力 零信心囉
蛋糕方面  我只喜歡食幾款

new york cheese cake is top one
傳統 cream cake is top two
黑森林蛋糕 is top three
其餘的好似無咩有興趣

友人近排迷上整餅 但都係業餘玩票性質啦
兩個超業餘的人 要成功整到一個蛋糕
靠的是 50%天才 + 20%運氣 + 20%經驗 + 5%昅人
(上網睇人地討論失敗地方) + 5%符碌



唔知那裡出問題 呢個 cheese cake
要返焗左四次 質地都係軟軟的
好彩拎返屋企 雪左一晚 已變得硬硬地了
圖中間爛左的地方 係用牙籤測試佢的硬度
有少少樣衰 不過唔緊要啦...



舖返D藍莓醬 靚仔晒



同場加演 : 藍莓鬆餅



影影下 唔知點解 D相無拉拉變左有藍藍地色圍邊
當場大叫 : 哇 靈魂符體



又有蛋糕 又有朱古力 仲要係我最愛系列 正!!

今次整餅成功 其實想參與多D架 但友人住村屋 
她的五隻狗狗來勢洶洶呢 超怕狗狗的我 
真係動彈不得呀 恐怖過見鬼

蛋糕狂熱

前幾日 行超市 見到麵包蛋糕新鮮來貨
人家未唻得切放上架 我已經睇中呢個蛋糕



吸引我的 是佢中間個咖啡杯 望個樣都應該好味
但一買就要買兩個 先有特價 萬一唔好食點算呢?
正當同老媽討論途中 超市職員搭訕 : 呢種好味呀 揀佢啦 無錯架喇



果然無介紹錯 好好味 咖啡味好濃 每次食一粒 飲埋野 飽晒
不過若然佢中間無 cream (又類似奶油的物體) 會更好囉

罕有的 x'mas party

12月24號 根本唔適宜返工 因為 holiday mood 

實在強勁 個個同事 都係等放工
但通常呢個時候 十次有九次 

我實有 urgent 野要做 激死
自己一邊埋頭苦幹做做做 其他同事們為 party 作準備 

x'mas party 喺呢間公司做左15 年
係呢兩年先有人搞 舊年自己又放左假 唔知情況係點
但聽聞好多同事係食唔飽的 所以已作最壞打算
呀 講起先搞笑 朝早有同事竟然一次過食兩個麵包打底

情形真係咁唔樂觀???

忙左半朝 個肚已經好餓 好彩易飽易餓的我 

好快就填飽左個肚 至於好唔好味呢... 無謂講啦
所以連相都無興趣影
但係就從未諗過 會額外收到聖誕禮物囉 先唻...



老闆女第一次送我地禮物 此乃一套濃濃薰衣草味的護膚品
薰衣草味 係我唔鐘意的味道頭幾位呀.... 
點處置佢好呢?
再唻.... 呢份就唔同喇 好喜歡呀



電腦部 senior 送出的.... 金牛座的我 抽到隻金牛



佢表面係隻牛 但其實係個風鈴佢仲寫係咩招福的 好呀好呀

將所有的福過晒俾老爸 等佢盡快康復



最後係我地 team senior 送的披肩 抽到呢個顏色 好ok
質地仲好好喎 皮膚超敏感的我 都接受到呀
但老媽一見到 即話: 咁女人 你會用咩 邊啱你啫 拎唻啦
自此佢無再出現喺我眼前 唔知佢收左喺邊!?



仲有一張好靚的聖誕咭添呀

Merry X'mas

過幾日 就係聖誕喇 今年無安排任何節目 全個假期陪伴作戰中的老爸 
不過 電療已進入倒數階段 只要堅持捱埋呢幾日 就雨過天晴喇

沒想過當初的一場小手術 竟會變成抗癌戰爭 人家說要到電療中途 
副作用先會慢慢浮現 但老爸在第二次電療後 
已吃不到任何味道了 到第五次後就完全沒胃口 
體重亦急劇下降 到第十次仲要嘔添 果隻作嘔作悶 
令老爸極為難受 反而好多人認為好難頂的口腔疼痛
就沒太大影響喎



送你一顆聖誕樹 希望令你開心D



每年聖誕 差不多都喺澳門過 今年沒得去 就睇住舊年D相啦
其實好掛住囉

後來

呢首歌好值得推介



* 後來　我總算學會了如何去愛
可惜你早已遠去　消失在人海
後來　終於在眼淚中明白
有些人　一旦錯過就不再

梔子花白花瓣　落在我藍色百褶裙上
愛你 你輕聲說　我低下頭 聞見一陣芬芳
那個永恆的夜晚　十七歲仲夏
你吻我的那個夜晚　讓我往後的時光
每當有感嘆　總想起當天的星光

那時候的愛情　為什麼就能那樣簡單
而又是為什麼　人年少時
一定要讓深愛的人受傷 在這相似的深夜裡　你是否一樣 也在靜靜追悔感傷
如果當時我們能 不那麼倔強　現在也不那麼遺憾

# 你都如何回憶我　帶著笑或是很沉默
這些年來　有沒有人能讓你不寂寞

Repeat * # * (twice)

永遠不會再重來　有一個男孩　愛著那個女孩

一點紅

公司從不會為任何節日作佈置 而且傢俱選擇的顏色
都是冷色為主 所以全個office 都係冷冷冰冰的
但尋日返到公司 突然見到我的文件柜上放了一盆好鮮艷的聖誕花



幾靚



好彩有幫佢留倩影 因為今日已被人拎走了

向著未來

心情好 post 多首正歌




 



ほら足元を見てごらん　これがあなたの歩む道 
hora ashimoto wo mite goran korega anatano ayumu michi
瞧，看一看你的腳下 這是你所走的路

ほら前を見てごらん　あれがあなたの未来 
hora mae wo mitegoran arega anato no mirai 
瞧，看一看你的前方 那是你的未來

母がくれた　たくさんのやさしさ
haha ga kureta takusan no yasashisa
母親所給的溫柔

愛を抱いて　歩めと繰り返した 
ai wo idaite ayume to kurikaeshi ta 
重覆地懷著愛步行

あの時はまだ幼くて　意味など知らない 
ano toki wa mada osanakute imi nado shiranai 
那時候還是年幼 不知道是什麼意思

そんな私の手を握り　一緒に歩んできた 
sonna watashi no te wo nigiri issho ni ayundekita
這樣地握著我的手 一起地走進來

夢はいつも　空高くあるから 
yume wa itsumo sora takaku aru kara todokanakute kowaine 
夢想總是高高地掛在天空

届かなくて怖いね　だけど追い続けるの 
dakedo oitsuzukeruno 
因此不能到達而感到害怕 但是要繼續去追尋

自分のストーリーだからこそ　あきらめたくない
jibun no suto-ri dakarakoso akirametakunai 
就是因為是自己的故事 不想放棄

不安になると手を握り　一緒に歩んできた
fuan ni naruto te wo nigiri isshoni ayundekita 
變得不安時握著手 一起走進來

そのやさしさを　時には嫌がり
sono yasashisa wo toki ni wa iyagari 
那種溫柔 有時候會令人討厭

離れた　母へ素直になれず 
hanareta haha e sunao ni narezu
離開之後 變得不能對母親坦誠

ほら足元を見てごらん　これがあなたの歩む道 
hora ashimoto wo mite goran korega anatano ayumu michi 
瞧，看一看你的腳下 這是你所走的路

ほら前を見てごらん　あれがあなたの未来 
hora mae wo mitegoran arega anato no mirai 
瞧，看一看你的前方 那是你的未來

そのやさしさを　時には嫌がり
sono yasashisa wo toki ni wa iyagari
那種溫柔 有時候會令人討厭

離れた　母へ素直になれず
hanareta haha e sunao ni narezu 
離開之後 變得不能對母親坦誠

ほら足元を見てごらん　これがあなたの歩む道 
hora ashimoto wo mite goran korega anatano ayumu michi
瞧，看一看你的腳下 這是你所走的路

ほら前を見てごらん　あれがあなたの未来
hora mae wo mitegoran arega anato no mirai 
瞧，看一看你的前方 那是你的未來

ほら足元を見てごらん　これがあなたの歩む道 
hora ashimoto wo mite goran korega anatano ayumu michi 
瞧，看一看你的腳下 這是你所走的路

ほら前を見てごらん　あれがあなたの未来 
hora mae wo mitegoran arega anato no mirai 
瞧，看一看你的前方 那是你的未來

未来へ向かって　ゆっくりと　歩いてゆこう 
yukku ri to aru i te yu ko
向著未來 慢慢地 一起走吧

世上無難事 (再下一城)

之前 post D歌詞出唻 但又無得聽 總覺得無咩意思咁
好想好似人地咁 可以放埋 youtube 影片 可以睇埋 但究竟點整呢?
一直認為 應該好難架喇 而且身邊都無咩朋友寫 blog 
想搵人問下都無 結果一拖再拖

今日 係最後一日 annual leave of 2008 
(固然下午都係因為要去醫院見醫生啦)
但今朝 就係今朝 唔知那來的決心 點都要研究成功 
晨早 8:30就起身開電腦 慢慢研究

哇 果個 yahoo "新手上路" 睇左 45mins 都仲係一頭煙
突然靈光一閃 都係 search 下人地個 blog 
果然...果然 一睇就明
搞掂喇 搞掂喇
仲可以用呢個 software 自己 upload歌添

http://vlog.xuite.net/

繼要學會放短片上blog 再學會從 youtube download 短片到自己的電腦
以後唔使齋睇 又無得keep了

我不難過

一向都好喜歡孫燕姿的歌 近排經常掛在口中的係呢隻 但唔好問我理由 


又站在你家的門口我們重複沉默
這樣子單方面的守候　還能多久
*終於你開口向我訴說她有多溫柔
　雖然你還握著我的手
　但我已不在你心中
　我真的懂　你不是喜新厭舊
　是我沒有　陪在你身邊當你寂寞時候
　別再看著我說著你愛過　別太傷痛
　我不難過　這不算甚麼
　只是為甚麼眼淚會流我也不懂
　就讓我走　讓我開始享受自由
　回憶很多　你的影子也會充滿我生活
　我並不懦弱　你比誰都懂　雖然寂寞
　這會是我最後的寬容
Repeat *

抱緊我　再抱緊我　這一份感動
請你讓我留在胸口　別再說　是你的錯
愛到了盡頭　是非對錯　就讓它隨風
忘了所有　過得比你快活

我真的懂　你不是喜新厭舊
是我沒有　陪在你身邊當你寂寞時候
別再看著我說著你愛過　別太傷痛
我不難過　這不算甚麼
只是為甚麼眼淚會流我也不懂

不要再說　或許這是最好的結果
現在分手　總好過你不愛我一拖再拖
鬆開你的手　離開你左右
我向前走　這會是我真正的解脫

Last Smile, First Tear

尋晚睇左 opening 絕對係一場 good show

題外話 1 - 我的無定向突發性極度渴睡症
喺我去劇場的地鐵途中發作 企喺到都瞓著左
好彩我用極強意志力 瞪大眼睇晒全套劇 上到巴士先再度斷片

故事內容係 fiona 繹演因遇上好友突然離世 此後再沒有笑容
而此刻她遇上被母親拋棄 覺得整個世界負了他
而作出很多冷酷行為的 Jo 
兩人因為"愛" 而互相影響 然後用愛 "修補" 對方 
令曾收起笑容的人再次微笑不哭的人流下第一滴眼淚

係咪好靚呢?

從收到佢張leaflet 真心覺得影得好靚 仲可以優先訂飛 唔使出去排 超正
但講明係音樂舞台劇 即係好多歌要唱啦 女主角係薜凱琪
從未聽過佢唱 live 就令我有少少擔心  就因為呢個理由
保險少少 只訂一場

題外話 2 : 天氣轉凍 大家都著晒厚外套 但一入場 即刻一陣熱氣攻埋唻
人人都用場刊撥撥撥撥 除低外套 只有一件短 T-shirt 都只覺得係啱啱好
少少涼的感覺都無 難為著晒樽領的人呀

開場無耐 好快就完全投入 fiona 的唱功好 good 喎 
之前的擔心多餘了有好幾次懷疑會唔會係播碟架? 
但佢幾下的索鼻水聲又令你消除懷疑(都係自己多心) 
她的演出 比我預期中好得多 好自然好淡定
佢仲要係唔識太中文架喎 劇本要寫晒併音架

呢套劇有別於以往睇過的劇種 即係唔係齋令人爆笑果隻
但睇到阿祖有另類型的演繹方式 絕對係一個突破證明佢係一個好成功的演員
佢同佢媽媽(區嘉雯 飾演) 的幾場對手戲 (但太少喇)
發揮得好好呀 內心既陰暗 又茅盾又抑壓 (但我唔想佢媽死囉)
大部份時間都係fiona獨唱 只有兩首歌係同阿dee 
阿祖合唱大家都唱得好好呀 其他演員都做得好好呀 
令到個劇加唔少分呀佈景同燈光都好好 尤其係燈光近年好迷舞台劇 
一場場有血有淚的演出 實在令我太著迷喇沉迷的程度 
就算身邊無一個朋友喜歡 我都唔介意自己一個去睇喎

睇完呢套劇 令我最深領略到的 係人生在世 

無得揀的事已經太多 就例如劇裡說的父母親啦 

但你可以選擇用咩態度去活 所以只要仲有得揀的話 

就應該好好珍惜 而且人生的路無可能永遠平坦嘛

若然再搵到個伴一齊同行 總比孤身作戰的好

聖誕大餐

下星期開始 老爸的療程 進入係最難捱的階段 呢一方面想
終點在望喇 加油 振作....

所以飯局盡可能喺今個星期搞掂 今次與友人共聚 
初初完全無想過聖誕大節呢回事
過往通常都去酒店食 buffut 今年真係'忙'記得一乾二淨
友人說 今餐我地就豪吃一頓

今次揀的 係井吉日本吉列專門店 炸野一向都非常好 但呢間野出名"貴"
而且要等位 好彩尖沙咀分店可以 book 枱
叫左份二人餐



先唻二杯鮮果汁 + 魚生五片 
唔知係咪唔太專心食 (掛住影相)好似無咩味咁



主菜未唻 先磨芝麻 好香呀



初初都唔肚餓 但食物一上枱 個肚即刻'咕咕叫'
上次喺銅鑼灣食完 個胃好唔舒服 搞到有少少怕怕 我懷疑係因為落得太多汁醬
所以今次輕嘗就 可以了 而且仲食大量生菜 好好味 好清新
唯一浪費就係佢D白飯 真係無可能食得晒囉 咁多....



最後送上荔枝雪芭 淡淡的荔枝味 仲有果肉 但鼻子告急 未能盡吃 即飲熱茶



差不多每年都會買的聖誕掛飾 但下一年一定搵唔返
如果有一日俾我記起放左喺邊 起碼應該有十隻呢D掛飾囉
但點先可以記起呢...
講完 係咁

觀星

近排個天 都有兩粒好閃的星星 每晚放工 都伴住我行返屋企 異常靚

但尋晚 見到更得意的畫面 我一直行一直望 仲見到有人用手機影相
但當時心諗 要影得靚 手機應該無可能喇 所以我盡量用心記住.....

嗱...今朝睇報紙 蘋果的記者 終於做件好野出唻
摘自《蘋果日報》



灣仔會展上空 

(不過我覺得屯門果邊靚D)

彎彎的月兒上 左邊是金星 右邊是木星 湊成一張可愛的笑臉
澳洲悉尼氣象廳觀星學家 Nick Lomb 說 錯過了昨晚
就要待至 2036 年 7 月 21 日 笑臉才會復現

呀  唔知到時仲有無命呢?

鼻水馬騮精

經歷過前幾年的聖誕月商場情況 逼人到呢.... 20級恐怖 
依家又正處於金融海嘯 今年人山人海的情況肯定比往年更甚 
而且周圍已經係咩"血併"
(雖然連 shopping 都形容為血併 好似有點太誇張喇)
所以決定提早出去買聖誕禮物



想買個新背狼好耐 一直揀唔啱心水 呢個...就正 啱晒



呢份係老屈哥哥送的 好似係第一年收到佢的聖誕禮物



近年好迷的 今年又買
(呢幾年都係買呢個牌子的產品作聖誕禮物)
雖然 Boxing Day 有排都未到 但心情已經很好

相對濕度維持在百分之30 以下 我真係變成一隻不折不扣的馬騮
左抓右抓 痕到不之得了 由頭皮到腳指尾都痕痕痕痕..... o my god
依家先係剛開始 今年冬天點捱得過
除左皮膚痕 另一問題 就是鼻敏感  由 day one轉天氣開始 鼻水就流個不停....
已經抺了三個星期 返到公司/上到巴士/入到商場 又焗又無新鮮空氣 鼻又會
塞過紅隧 依家個鼻鼻超痛喇 幾時先會好番架

呢兩個問題 實際情況真係好嚴重 呢幾年冬天都纏擾住晒
好討厭呀 究竟點先可以解決呢

是日早休

今日放半日假... yeah 好似好耐都無為自己放假咁
(老爸已完成 1/3 療程 繼續加油呀)

得閒出去走走 脾氣一定唔會臭 好句好句

經過 Times Square 外圍空地 放了一堆野 
雖然唔知係咩卡通人物 但幾靚













香港近年的特色 又要放 又要用鐵欄圍住



行得攰攰地 食個甜品先 貴價香蕉船



呢碟係我點的 (又一次眼寬肚窄 要人執手尾)
呢個品牌的雪糕 真係貴左好多

社會敗類

旺角警署發生野獸刑警強姦女報案人一名失竊案少女到警署報案 
竟墮入在警署內遭強暴的悲慘命運野獸刑警姓梁 已婚 來自警察世家

update 1 : 被告自爆在電腦系統內還取得多名年輕女報案人資料 
希望約會她們案件東窗事發後 向調查案件的同袍透露萌生自殺念頭
以十萬元利誘女事主 要求她撤銷強姦的指控 企圖令自己脫身

update 2 : 被告梁禮仲還涉嫌在上月14至24日 非禮另外3名女子
辯方律師申請將被告轉到小欖精神科中心 認為被告有自殺傾向 但裁判官質疑
辯方沒有足夠證據

廣告說 : 遇上不幸事情 要告訴可信的人 包括: 父母 醫生 警察 依家連警察都唔可信了
睇完呢段新聞 好暈.....

越揭越醜陋 越見暈

喺我的世界裡 做錯事 唯一的解決辦法係認錯 & 接受懲罰
以唔係用無數的藉口去逃避.... 阿梁先生 你有打算為你的行為付少少責任嗎? 
你有想過俾人傷害過的女仔嗎?

真心想鬧爆你呀..... 賤人

電腦駭客

上星期 從第三者的口中 聽到一D有關於我的傳聞
什麼進入你的電腦 delete 你的 data
第一個反應 what are you talking? 聽得我一頭霧水
以你的性格 其實係咪已有咩真憑實據先講出呢D說話?
雖然我的電腦知識比一般女仔多一dd 但要進入你的電腦 再要 delete 你的 data
你會唔會想得我太勁呀? 咁我咪係駭客 嘩.... 真係太誇獎了
友人說 如果真係無做過 應該解釋清楚 唔好白白受委屈 但再三思量....
唔需要亦無必要了 如另一友人說 如果對方已不再重要 解釋已變成無意義了
更何況你早早已認定係我做呢...
交往8年 再次證明是白交了.... 我最最最憎 人家在背後講野 有咩唔可以當面講呀
你要當面對質我也可以呀 但你再次選擇向第三者講

如果要 deleted 的 我最想 delete 這八年的記憶
ALL CLEAR
最後想用一首歌 結束大家的友誼


Twins 的朋友仔

你一向認為 twins 的歌太幼稚 但細心留意歌詞
好易令人動容呀 而且我就是喜歡做人能幼稚一點

最多握握手 一起散散步 你大量 你寬容 你是未來濱崎步

無論是為什麼都好 首先最錯我的態度
懊悔昨日那麼嘈 然後在霎時之間想起我父母
我也不想記起 為當天襯衫似你 便心急妒忌
其實我 都很小器 對不起 只因常常在你附近 便拿著你出氣

* 原來朋友仔感情再天真 亦是我永遠也會愛惜的人
   明日愛他人 也記住學會不要緊 原來朋友比戀人更高分
   亦讓我開始懂得不記恨 若大家 都敏感
   我更要永遠記得拒絕再因小事怪人 為何沒有這條校訓

再次握握手 只想你以後 有眼淚 放心流 冷淡令人很難受

無論日後路怎麼走 彼此老友角色似舊
以後在動氣關頭 回望著這場爭吵想想 也很醜

repeat * (呢段最想你留意)

像望著自己的至親 往往太奮勇鬥嘴
以後再不懂事過人 如何共我戀人熱吻

可幸我已無多餘的時間去浪費了

開始作戰

由第一次去見腫瘤科
經過一連串的左檢查右檢查
肺都照左兩次 倒模亦要倒兩次 血又不停驗....
又見下營養師 又要驗聽力...
平時無事 要一個老人家去驗身 真係解釋一年 佢都會拒絕
今次差不多全身都驗晒 都係果句 "唔驗唔知身體好"
最慘痛應該見牙醫 要剝八隻牙
期間仲要去睇糖尿醫生 又要影眼底相 又要驗腳
(算你聽話 食藥兼戒口兩星期 血糖已大幅度降至正常水平 要好好keep住呀)
呢幾個星期 真係忙到不之得了

搞掂晒所有野 上星期算最清閒 只需要返袁醫生到覆診 所有傷口都埋晒
等電話.....就可以開始電療 (聽人講 大約要等2-3weeks)
尋晚大家仲估緊收到電話的日子 老爸你今次估得太差了
因為今朝.... 就收到電話喇 33次的電療 聽日就開始喇

加油 加油 加油 加油 加油 加油 加油 加油 加油 加油
加油 加油 加油 加油 加油 加油 加油 加油 加油 加油
加油 加油 加油 加油 加油 加油 加油 加油 加油 加油
加油 加油 加油

離康復之期不遠了 我地全家都會支持你架

任性

身體狀況可謂急轉直下 尋日下午 突然連聲都沙埋

一瞓睡醒 連可惡的鼻敏感都來趁熱鬧 一嚏再嚏 
尤其喺公司這死氣的冷氣室 鼻全塞了 

鼻水從不間斷地流 明明塞得很
但又可以流鼻水....好討厭呀

鼻子極不舒服 但精神還算可以lunch後想收一下鼻水

就食了兩粒傷風丸 結果令我喺極短時間內
練成絕世神功 : 靈魂出竅 & 輕功水上飄

(寫明無睡意 但原來會比睡意更麻煩的~~暈)

自上星期日喺超市見過這極美的魚生飯 一直念念不忘

so...今日lunch專登走去買 但公司附近間
超市無魚生飯 只有壽司 ok

我將就少少... 而且賣相都 ok 好



一盒八件的壽司 應該夠晒飽 人就係衰貪心囉



結果我的 lunch 就係咁 這手卷的紫菜 一撕開包裝已經散晒 

極為狼狽兼麻煩...
最後呢餐飯一次過食唔晒 飽到呢...
濕度極低 原已很乾的皮膚 開始又痕了 o my god....

細菌大爆發

氣溫話跌就跌 涼得著住風褸都覺得有點冷

天氣變 細菌就發威了

先中招係我哥...咳咳咳咳

病就好好喺自己屋企休息啦 仲要返唻傳播細菌

跟住中招係媽 佢就陰公喇 情形比哥嚴重十倍

狂咳...周身骨痛...劇烈頭痛....失聲....發燒...流鼻水....

無辦法喇 藥得食 針要打

食左藥的她 由平時聲大大的獅子 變了一隻無牙老虎

差不多有 20hrs 都處於昏睡 全屋一片死寂

尋日...終於傳到我了 頭突然痛到爆 就算去瞓都痛到不之得了...

先用兩粒 panadol 擺平 暫時有效....

老媽請你好好休息 你老公還要你照顧 (其實叫昅實啦)

老爸 請你別太接近我地 如果連你都病埋 就真係...

update : O shit 老爸已被感染了.....

呀 有邊一套 anti-virus 可以抵抗咁強的感冒菌呢?

皇帝式服侍

這是我哥的'棄嬰' 他放在我家的理由 雖然佢解釋過十多次 
但我真係理解唔到囉
媽就當牠是皇帝般看待... 討厭

呢隻野 串到不之得了 (似晒佢主人囉) 龜糧唔食架
平日我不在家 聽媽說 會向相熟的魚檔 拎一隻小蝦俾佢食 
有時又會買一袋小魚 佢又唔食得多喎 即係我
地又要養埋D小魚仔 有時媽仲俾牛肉佢食 真係呢....



最最最離譜 係佢要餵食架喎 仲唔係皇帝....
呢D咪叫縱壞晒囉,不過佢住喺我屋企咁耐 
都係第一次見佢食野 都幾得意

貪慕虛榮

前幾個月 公司的同事 為自己的八達通換上新裝 
用水晶珠珠穿了 gucci 的圖案
雖然好靚 但我唔係 gucci fans 
而且要 $300 太貴喇
(以我依家的經濟狀況 無謂啦)

點知 我的八達通套終於俾我整爛左
好衰唔衰 又俾我喺網上搵到呢個....



好靚呀 呢$350 (加左價) 無法唔俾喇...



經過幾次的修改 終於成功 仲搵到小熊維尼陪伴左右
真係麻煩這位同事 俾我煩完一次又一次
但他的手工真係無得頂呀

相差太遠

McDonald's 推出慈善bear bear 其中3隻我想買的 先睇圖...



首選係阿葛的全黑 bear 超型 !



然後係林公子的 喜歡的原因...就因為係林公子嘛



跟住就係劉天王的 喜歡原因... 係因為佢係紅色
呢幾日 專登走去睇過幾次 sorry 呀 實物....實在太肉酸了 

全部都好似唔夠棉花咁
買唔落手 $20 可以捐俾你 

但 bear bear.... 唔使喇 唔該 失望到極點