佐敦澳門台山水佬榮火鍋專家

今日呢餐火鍋 真係誇到爆 勁好味

咩都未有 撈下醬汁先

跟住就強喇...

~ 花蛤蟹雜菌鍋 ~
咩都唔叫 淨係呢煲野已經超吸引啦
我地仲揀左糕蟹 D糕爆到爆晒炸...
食完呢煲野 兩星期內唔好去驗身 否則100% 肯定咩都超標
聽聞辣食係超正的 但奈何我零辣到嘛 所以走辣左 
但又原來佢都有黑胡椒粒 熱到個身滾晒



再唻呢三層牛(雜) 真係無得輸 滿足程度爆晒燈

呢個竹蔗水 D色唔多對路 好'尿'啊

手打滑雙拼 我地點左蝦+墨魚
超鮮味
個職員問都唔問 就將佢溝埋晒 雖然都好味 但我未必喜歡嘛

鮮冬菇都係打邊爐必備

仲要食D菜

炸魚皮點會少得呢? 但呢間野 超得意 真係拍炸粉去炸 上枱果陣仲係熱的 

最喜歡的響鈴 今次都變左配角喇 個煲實在太吸引嘛

食左一陣 我不停的隻蟹D糕 結果又飽又滯
眼望一枱食物 只係食左少少咋 而且D食物都唔多留得 點算呀??
突然醒起 同事住喺附近 (都係佢介紹我地唻食)
即刻 whatsapp 問下佢有無興趣 好彩佢九秒九碌落唻
幫我地清晒 如果唔係我地下世 一定活喺埃塞俄比亞

眼見枱面的食物終於清晒 當堂舒服晒
點知職員仲話有甜品送
好彩我休息左一陣 可以食得落

仲有清甜西瓜 但奈何大家都長途車 由住附近的同事清碟