友共聚

坦白說 從來都無想過與任何舊同學出唻聚聚舊的想法
無... 一次都無

飯可以隨時食 但有目的地食 吾... 又好似唔太需要

今日與兩位中學同學聚埋食飯 感覺...有點奇怪
當然單獨食飯的機會多的是 但一齊食就係第一次

急 call 的飯局 食咖哩 唔食得辣的人食咖哩
因為依家開左好多'日式'咖哩的食店
咖哩都係甜甜的

呢間白熊咖哩 有四種咖哩飯的選擇 只有一款係辣的
收費係 : 一個飯 + 每一種餸一個收費 
(你可以叫十個餸都無問題)



我的選擇 雞肉咖哩 + 炸蝦 + 炒蛋

我的前菜 有點過酸但麻油味又唔夠的中華沙律

同學仔 Y 的選擇 : 都係雞肉咖哩 + 炸豬扒 + 炒蛋 + 炸芋薯 
(失憶人已經唔記得咩名喇)
但好好味的 似乎松子未有幫助記憶力

同學仔C 的選擇 : 牛肉咖哩 + 咩腸仔 + 炸南瓜 + 西蘭花
呢個牛肉咖哩好濃牛肉味啊

仲有貪心人 因為太餓 又再次眼寬肚窄 胡亂 order

結果食下食下.... 食唔晒

D咖哩汁係無咖哩味的 呢點係有D失望
因為食食下 我都唔忘記自己係食緊咖哩喎 你話死唔死

睇返D相先知 99.99%食物都係炸野
唔怪得未食完已經有少少喉嚨痛
要睇返D相先知自己全餐都係炸野
究竟我人有無留心食呢?
佢有一個好處 炸物全部都唔油 都係乾乾的
好可惜佢連豬扒都係乾乾的
我在食柴嗎?

飯後 仲有每人一球的雪糕 都唔錯的
食完一口炸 個咀可以涼下

三條女人食完飯 梗係 shopping 啦

~ 我的收獲 ~

好得意呀呢對 好似鱷魚咁架真係

買上面果對 10週年特別版 就有呢個扣送 幾靚啊

一屋 crocs

三條女人去人家鋪頭玩左好耐 連 VIP 咭都換到
友人們 以後想買 只要講出我手機號碼就有 9折啊