水 百合

王菀之第一個紅館演唱會 "水 百合" 好想入場支持下
仲有得優先訂飛 唔好怠慢啦 即刻做野



準備入場喇 心情異常緊張

aiyo...點解咁側架? 訂飛D位置都咁差
唔通佢知道呢D位 好難去飛 所以訂飛就散晒呢D飛?

睇清楚 真係又高又側架 再一次確實 訂飛唔一定係好

算啦 都入左場咯 要收拾心情 準備開場

相只影得幾張 開左場 根本唔得閒影 (但固然有人選擇係影影影)
人地表演緊架喎 點解唔留心睇呀 你又唔係記者 有咩咁需要報導呀?

側邊的就不停影影影 仲即刻 POST 上 FACEBOOK

後面就坐左兩個八婆 (不過佢地係男人) 好似成世未講過野咁 成個演唱會
不停超大聲地傾計 dee... 傾計去 starbucks 啦 仲要唔知點解佢地仲要傾前個身
即係喺我耳邊呱呱叫

成個演唱會 只可以講 : 聲靚衫靚 尤其最後果條由 wyman 設計的波波裙
幾百蚊的飛 仲有 live band 邊有咁超價架?
不過都有少少可以改善的地方 就係佢支'黑色'的 mic
因為佢D裙 & 個粧都係偏淺 甚至係白色
但拎枝黑色 mic 無異係幾礙眼

估唔到依家D演唱會 會唱到咁夜
住得遠真係無辦法 去到 23:30 真係不停望錶
萬一無西鐵點算呢? 無西鐵搭巴士? 萬一無埋巴士?
唔通要搭通宵巴士?

到左 23:40 似乎要完場了 很多人都要趕車
未開場燈已經有好多人離座 我亦跟住走喇
初初個保安仲話 仲有一首歌架
走喺我前果個個女仔就係咁返轉頭 我無辦法呀
都要走啦 點知落到最後一條樓梯
就開左場燈喇 好彩... 無 miss 到任何一首歌

photo from edward chan's weibo

王菀之經常多謝的 Edward Chan + Alex Fung + 超勁的何丙
佢地果 part 鋼琴三重奏超勁

世上真係咩人都有 買左飛又唔出現 咁無責任心都得架咩?
似乎已經超越左我嬲唔嬲 固然確實係超嬲
係關乎一個人的人格問題 叫人點再信你呀?
你的誠信已經破晒產
仲要搞笑地話食餐飯補數 叫我唔好嬲?!
你似乎仲未察覺到係有問題喇

又叫人預你 放飛機果個又係你 痴孖根 x 10000
完全理解唔到你的生活方式 + 處事的態度

唔知你持住咩心態去交朋友
但好明顯同你口講的說話背道而馳
講得幾動聽都好 但無一樣做得到 全部都係癈話
而且言多必失真係有道理架
齋講唔做 = 無意思
呢D道理咁簡單你都唔明嗎?

最後我想問 : 你是在耍我嗎?